انا ولدت عندهم قبل سنتين الوالده الثانيه طبعا غير البكر اهتمام اكثر انا معي السكر ولدوني بطلق صناعي جلست اتالم بالغرفة بدون اي مسكنات وفي غرف العادية حقت التنويم أقول ودوني غرفة الولاده يقولون زحمة وقمت اعصب عليهم ودوني وطلبت ابرة الظهر بس مااعطوني على قولة البنات الولاده تساهيل من رب العالمين الله يسخرلنا الى ترحم وقت الولاده وييسر الولاده يارب وانا أتابع عندهم الحين بحملي الثالث الله يتمم علي يارب

انا ولدت عندهم قبل سنتين تقريبا
المستشفى نظيف ومافيه ازعاج والممرضات على حسب انتي وحظك عاد
اللي ولدتني كويسه بس الله يهديها ماتبيني اصرخ لا صرخت عصبت علي :) آخر شي عطتني ابره في الورك خففت الالم كثير وبعد الولاده خيطتني طبعا هذي الولاده الثانيه وخياطها زين 
البيبي يشيلونه الساعه 11 عشان تنامين وبعد الفجر يجيبونه لك عشان ترضعينه انتي وقت الزياره ممنوع يشليونهم الحضانه واذا خلصت الزياره جابوه لك

وعموما ما اقول سيئ بالعكس اشوفه حلو افضل من غيره

نسيت اقولك إن الغرف مشتركة في الولاده وفي التنويم 
ويسمحون بدخول الزوج او الأم لغرفة الولاده بس مايطولون يتطمنون عليك ويطلعونهم بسرعه

أنا والده فيه قبل شهرين ونص قيصري المستشفى حلو ونظيف والممرضات متعاونات القيصري ما يسمحون بالمرافق  لكن الأكل حاولي احد يوفره لك خاصة انتي نفاس أكلهم ما يناسب وكان تخديري نصفي والحمد لله أموري كانت زينه وأنصحك فيه

يالله لاتذكريني بالرعب اللي شفته عندهم كرهت الولاده مع انه ثاني حمل لي والحمل الاول كان تحويل لابانمي وخيره لي
تخيلي النيرس تسوي كل شي تشتغل 3 في واحد ممرضه وقابله ودكتوره وانواع التهزئ وشوي تصفقني مع اني والله ماصارخت ماغير الدموع تصب بسكات وبعد ماشقو كيس الجنين تصب المويه غيرو ثم نزل الباقي واقول لها فيه مويه وتجلس تهزأ فيني وانا قرفت من الوضع رفعت اللحاف من ع رجولي قلت شوفي وع طول نزلتني ع الارض والدنيا بررررررد جلست ارتعش وتهاوش تحركي بسرعه الظاهر تحسبني امزح معها واتصنع الالم
واطلب ابره الظهر واترجاها وكل من دخل الغرفه وكاني جدار عندهم ماحد راح ينادي دكتور التخدير بعد  خمس ساعات من الالم دخل علي دكتور العظام وكان مصري جلست اترجاه شوي وابوس يديه علشان ينادي دكتور التخدير وشاف وضعي الماساوي اكثر من 12 ساعه طلوق والرحم وصل 4 سم ووقف طلع وبعد نص ساعه جاء دكتور التخدير وبرضو مصري واعطاني ابره التخدير بس زفت يشتغل بسرعه ولايراعي الطلوق وحركتك واذا جتني الطلقه اترجاه يوقف اخاف اتحرك غصب طبعا هذا شي خطير يسبب الشلل لو تحركت وبنجه مررررره قوي لدرجه اني لاجلست اطيح ع وراء بعكس مستشفى ابانمي كنت امشي واتحرك ومبسوطه 
وخياطتها ومادراك عنها انواع اللعب لو انها مخليتني يمكن اصرف 
والله امس اقول لزوجي توبه اذا ولدت عندهم باجمع فلوس الولاده بالثالث من الحين وافتك من مسلخ قوى الامن 
تجربتي المريره مر عليها 6 شهور