مستشفى مكه الطبي

السلام عليكم اخواتي
انا حبيت اشارك بموضوعي عن تجربه حصلت معايا في مستشفى مكه الطبي
انا حامل بشهري التاسع وليا ١٢ يوم دخلت شهري الحمدلله وصحتي وصحة جنيني بخير وماعندنا اي مشاكل
يوم الاحد حسيت بالم في بطني استبشرت بقرب الولاده ورحت لمستشفى مكه الطبي الي بتابع فيها اخر شهور الحمل المهم دخلت طوارى الدكتوره شافتني وقالت الرحم مفتوح ٥سم وعندك ولاده الدكتوره الي كشفت عليه اسمها لبنه وطلعوني عل قسم التوليد الكشك كانت فوق دكتوره شاديه جات وكشفت عليه وقالت الرحم مفتوح ٤ سم قلتلها انا اسفل قالوا ٥سم قالت لا ٤سم المهم قالتلي عنق الرحم سميك جدا صعبه ولادتك وعندك الجنين صغير ودوبك ٣ ايام في الشهر التاسع وضروري تاخدي ابر الرئه للجنين عشان الولاده قلتلها ابره الرئه معروفه الشهر الثامن قالت لا عشان الجنين صغير واعطوني جرعه الاولى وانا بدات احس مافي الم راح الين الساعه تسعه في اليل صار مافي الم ابدا قلتلهم ابغا اخرج راح الالم ولو حسيت زياده الم ارجع تاني مارضيوا وسوالي افلام وتخرجي عل مسوليتك ولاني بتامين قالولي ماعاد تجيكي موافقه وانا اخدت كلامهم ثقه مع اني لمن رجعت للشركه قالوا لا تلغي الموافقه وتجي تاني
المهم مابطول عليكم بس اتكلم عن الم تجربتي وفضلت عندهم الين الصبح واعطوني جرعه تانيه من ابرة الرئه وبعدها جات الدكتوره هبه الله يكافيها فحصتني وقالت الرحم اكتر من ٣سم كيف تخرجي وعندك طلق وانا ماني حاسه بالم ولاشي قلتلها بخرج ماعندي شي اذا جاني شي ارجع المستشفى ومناحله معاهم مايبغوا يخرجوني عشان يستفيدوا بقدر الامكان من التامين وبعدين لمن اصريت وكلمنا الشركه حقت التامين خرجت واتفاجا انهم جايبين ليا ٥ ابر مثبته للحمل يبغوني كل يوم اخذ ابره وعلبه حبوب دافستون مثبته كمان قالوا تاخديها استغربت المثبت يكون بدايه الحمل بس اخدتها منهم بس مااستخدمت شي منها ورجعت بيتي قبل الظهر والعصر رحت للدكتوره ظلال نقشو في عياده زاهر قضيب البان دكتوره ممتازه بمعنى الكلمه وكنت اتابع عندها من بداية حملي وشرحتلها كل الي صار معايا وقالت الحمدلله مااخدتي المثبتات كان ماولدتي غير قيصري واتعسرت ولادتك وابرة الرئه مايحتاجها الجنين بمجرد دخولك الشهر التاسع المهم فحصتني قالت الرحم ٣سم بالفعل وجدار الرحم رقيق جدا ممكن اي وقت تجيكي ولاده ومافيها اي خطوره وشافت مقاسات الجنين في السونار ورتني هيا في الاسبوع ٣٧ من الحمل وحجم الجنين ٢ كيلو و٩٠٠ جرام يعني مايحتاج حضانه ولا شي زي ماقالوا في مكه الطبي
اكتشفت انه تشخيصهم كله مبني على اساس الماده البحت ماهمهم صحة المريض ولا الجنين اهم شي يستفيدوا من التامين تعبوا نفسيتي الله حسبي ونعم الوكيل فيهم بس عشان مااظلم احد كانت في دكتوره كوثر قالت ماتفحصني من تحت مدام مافي الم جزاها الله خير ..
وسامحوني على الاطاله شرحت بتفصيل وادعولي ربي يتمملي عل خير ويسر ولادتي وولادة كل حامل يارب