لو كل واحدة فينا اتبرعت او جمعت من عائلتها مبلغ و اتبرعت اكيد هتساعد طفل انه يتعالج و اكيد هتفرح قلب ام
ياااااااااه يعنى مش مجرد فستان او اكل تجيبيه لعائلة لا الاهم بتقدمى لهم فرصة يتعالج ابنهم او بنتهم من اشد امراض العصر الذى ينهش بجسده الصغير الام ممكن تموت من الجوع بس ابنها يتعالج ممكن تبيع اى حاجة و تعالج ابنها بس اللى معندوش حاجة يبيعها يعمل ايه؟
عارفين الطفل بيتكلف علاجه كم من 100-300 الف جنيه مصرى
يعنى اطفال بعمر الزهور و مرضى باشد الامراض و كمان اهلهم ليس معهم مايدفعونه
يستقبل مستشفي 57357 حوالي 55% من الحالات الجديدة من الأطفال مرضي السرطان سنويا. ومنذ افتتاح المستشفي تم علاج 2400 مريض من مصر والشرق الأوسط وأفريقيا. كل طفل مريض يقدم له علاج كامل من حيث الفحوصات والتحاليل والأدوية والعمليات الجراحية والعلاج الطبيعي والتأهيلي والعلاج النفسي.
ويعتبر سرطان الدم – اللوكيميا – من أكثر أنواع السرطان انتشارا فى الأطفال والذي يستغرق علاجه من 1-3 سنوات ويتكلف حوالي 100-300 ألف جنيه.
الموقع اجمل حاجة فيه انه بيسهل التبرع سواء بالتحويلات لرقم حسابات مختلفه للمستشفى او بالبطاقة الائتمانيه
و عندهم انظمة من كفالة سرير تتبرعى شهريا بمبلغ من 100 جنيه و ما فوق
و تقدرى تتبرعى باجهزة لغرف العمليات بثمنها طبعا
اجهزة التحاليل
ثمن الدواء الكيماوى
كراسى متحركة
و الكثير و الكثير
يارب ما يحذف المنتدى الرابط لانه رابط للخير
احنا الان باخر ايام رمضان ياريت كلنا نلحق اخر كم ساعة من رمضان الذى يتضاعف به ثواب الخير و نتبرع
http://www.57357.com/Default.aspx?tabid=68
الوقف الخيري هو ما يتم وقفه من الاموال الخاصة ليكون ريعها لصالح عمل خيري و يعمل المستشفى على استخدام اموال الوقف الخيرى و التبرعات المالية لتنميتها و إستثمارها على أسس إقتصادية سليمه للصرف على علاج المترددين عليها من الأطفال على المدى الطويل.
الصدقة الجارية هو ما يتصدق به الناس من أموالهم لصالح المستشفى و يتم تخصيص هذه التبرعات للانفاق على اقسام المستشفى المختلفة و الاجهزة الطبية و ثواب الوقف الخيرى او الصدقة الجارية لا ينقطع بموت صاحبها .
ويقوم المتبرع باختيار القيمة التي يرغب فى التبرع بها .. كما يختار القسم او الحجرة او الجهاز او السرير الذى سيتبرع بقيمته . و كنوع من الشكر و العرفان لمساهمه المتبرع في هذا المشروع يتم إطلاق اسم المتبرع او اسم من يريد من اقاربه - احياءا او امواتا - على المنطقة أو الجزء أو الجهاز الذي تم التبرع بقيمته لتظل دوما دليلا على كرم و عطاء المتبرعين
قال رسول الله
(اذا مات ابن ادم انقطع عملة الا من ثلاث ..... صدقة جارية او عمل ينتفع به او ولد صالح يدعوا له
صدق رسول الله
اختارى مساحتك بالمستشفى الان اضغطى هنا
نقرا سواء حكاية سلمى مصطفى
اجمل اصحاب سلمى و مصطفى فى 57357
لفت انتباهى اليوم محادثة دائرة بين طفلين فى الدور الرابع كان من الواضح ان هناك صداقة قوية بينهم حيث شاهدت حوار دار بينهما حين رأيت سلمى تتحدث لمصطفى و تنصحه بتناول الغذاء بأكمله لان المكرونة جميلة و مصطفى لا يوافقها لانه يريد ان يأكل شيئا اخر
و عندما تحدثت اليهما قال مصطفى : سلمى صاحبتى من اول ما جيت المستشفى و بنلعب مع بعض دايما و بنروح اوضه اللعب سوا كمان و سألته ليه سلمى بالتحديد يا مصطفى فاجاب انا اول مرة ادخل المستشفى كانت سلمى معايا فى اوضتى و كنا بنلعب سوا و كنت بانسى الوجع و انا بالعب مع سلمى و قاطعته سلمى بقولها ايوه كنا بنتفرج على الكارتون سوا فى التليفزيون و ناكل مع بعض و نلون رسومات سوا
سلمى و مصطفى و صيام رمضان:
و سألت سلمى يا ترى بتصومى بقى فأجابت ايوة باصوم لكن باشرب ميه بس لكن مش باكل خالص لغاية الضهر بس انا قلت لمصطفى انت تصوم يوم و انا اصوم يوم و اتفقنا على كدا علشان هو بياخد كيماوى دلوقتى
سلمى محمد عبدالحميد
السن: 9 سنوات
الحالة المرضية: لوكيميا (سرطان فى الدم) تسكن فى عزبة النخل
والدتها ربة منزل و الاب يعمل نقاش
اكتشاف المرض:
تقول والدتها ان سلمى بطبعها شقية و مرحة لكنى لاحظت عليها النوم لفترات طويلة و عدم تناول الطعام و الوهن الشديد فجأة و قمنا بعرضها على طبيب فى مستشفى الدمرداش و تم عمل تحاليل لها و عمل بذل لان الطبيب شك فى حالتها و جاءت التحاليل لتثبت انها مصابه بسرطان الدم بنسبة 95% و لابد ان تبدأ فى العلاج فورا لكنى رفضت لانى كنت عاوزاها تتعالج صح زى ما شفت فى الاعلانات و قلت لازم نروح 57357 و شجعنى والدها و عمها على ذلك.
فى 57357 ريحوا قلبى:
و تكمل ام سلمى قائلة عند حضورنا للمستشفى استقبلتنا الدكتورة ايمان عطية و تم اعادة عمل التحاليل و تم عمل البذل ووجدوا ان نسبة السرطان فى الدم 8% فقط و ليس 95% و طمنتنى الدكتورة ايمان بان حالتها مطمئنة و ستستجيب للعلاج سريعا باذن الله و ابتدت فعلا جلسات الكيماوى من شهر يناير الى الان و هيا دلوقتى اتحسنت كتير احمدك يارب دى بقت كويسة جدا و رجعت سلمى بتاعة زمان بشقاوتها
مصطفى هانى جوده من شبرا
السن: 9 سنوات
الحالة المرضية: ورم سرطانى فى اعلا الذراع اليمنى و تم عمل عملية استئصال للورم و جزء من عضلة الذراع و العظمة العليا و تم زرع عظمة تعويضية من الفخد فى الذراع المصابة و اثبتت اخر تحاليل انه تم القضاء على كل الخلايا السرطانية فى المنطقة المصابة و هو الان يأخذ جرعات علاج كيمائى.
الشقاوة كشفت المرض:
تحكى لنا ام مصطفى ان مصطفى كان يلعب ووقع على ذراعه و قالت جرينا بيه على الدكتور خفنا احسن يكون اتكسر و لما تم عمل الاشعه اكتشف الدكتور وجود ورم بالذراع و طلب عمل رنين مغناطيسى و تم عمل الاشعه المطلوبه و ذهبنا به لدكتور عظام اخر و أكد لنا انه مصاب بورم فى الذراع و اشار علينا بالتوجه مباشرة لمستشفى 57357
يوم وصولنا لمستشفى 57357:
قابلنا الدكتور احمد كامل الذى اعاد كل التحاليل و الاشعات و شخص بان مصطفى عنده ورم سرطانى بالذراع و يحتاج لعملية لازالة الورم و بالفعل قام دكتور احمد الغنيمى بمتابعته و اجراء الجراحة له و هو الان بياخد تانى جرعه كيماوى بعد العملية
و سألت ام مصطفى انتى ايه رأيك دلوقتى فى حالة مصطفى فاجابت الحمد لله كنا فين و بقينا فين انا فرحانه ان نتيجة التحاليل الاخيرة قالت انه ما بقاش عنده خلايا سرطانية و دراعه بعد العملية الحمد لله شكله طبيعى و متأثرش قوى و بصراحة صداقته مع سلمى خففت عنه كتير و بقوا بيشجعوا بعض على الاكل و اللعب و اخد العلاج ربنا يشفيهم و يشفى كل ولادنا
الصداقة و البراءة الجميلة فى عيون سلمى و مصطفى جعلتنى لا استطيع الكتابة عن واحد فيهم دون الاخر ادعو الله لهم و لاطفالنا جميعا بالشفاء
بقلم: سومية ماهر
لا حول و لا قوة الا بالله
يالا نتبرع باللى نقدر عليه 100 جنيه = 70 ريال اقل كفالة سرير شهرية ليست بالكثير هى ثمن اقل من اكله باى مطعم
انتى الان قد افطرت شبعانه الحمد لله ابناوك اكلوا ؟ كيف ننام و نحن متاكدين انه هناك من لا يجد قوت يومه و لا ما يكفى لسد رمقه
هل اشتريتى شنطة ماركة ب 7 او 8 الالاف ريال بالله عليك اليس هذا تبذير الن نسال عن هذا ؟ اليس من الافضل ان نطعم فقير محتاج ؟
مصروف اباوك كم باليوم ؟ تقدرى تتبرعى ب 3ريال باليوم اكيد ايوه 3 ريال بس؟ مبلغ اقل من القليل بالشهر بيطلع 90 ريال و منى و منك الريال راح يصير ملايين
بتقولى هساعد ناس ببلدى افضل كلام حلو بس اذا امامك باب للخير و سهل و ثوابه كبير لاتخسرى هذه الباب
بنك الطعام
http://egyptianfoodbank.com/
يارب نحن احوج للحسنات يوم لا ينفع مال و لا بنون
متخيلة انه قد يتوقف دخولك للجنه على حسنة واحدة ؟ و تذهبى هنا و هناك للبحث عما يعطيها لك هيهات ان يفرط احد بهذا اليوم بحسنة حتى ابناوك زوجك حتى امك و ابيك
اللهم اجعل هذا الموضوع خالصا لوجهك تعالى
بالله عليك ارفعى الموضوع
أسأل الله أن يرفع عن كل مسلم كل بلاء ويزيل عنه كل داء
آمين يارب العالمين