السلام عليكم ورحمة الله وبركاته,,,
أتمنى من الله العلي القدير أن يسهل على كل حامل هنا بالمنتدى ولادتها ويرزق كل من تأخر حملها بالذرية الصالحة,,
ترددت كثيرا في كتابة هذا الموضوع واعتمدت على اتصالاتي بمكاتب الاستقبال في المستشفيات لعلي أجد إجابات كافية لاستفساراتي لكن دون جدوى!!
وقررت طرح موضوعي واستفساراتي هنا وكلي ثقة بأخواتي الحوائيات في المساعدة عن طريق تقديم كل ما يعرفنه عن تساؤلاتي..
نبدأ بالموضوع ونطب في العامية عشان نصير كأننا في مجلس حريم:39:
أنا حامل بالشهر الثامن
وأدور على مستشفى زين أولد فيه
أنا أقصد بكلمة زين يعني الدكاترة عندهم كفاءة
لأن ولادتي الأولى قيصرية والحين كملت سنة وشهر فقط عليها
وخايفة يسوون لي قيصرية لان الجرح توه (يااااارب تسهل ولادتي وتصير طبيعية)
وأيضا أبي المستشفى يكون مزود ببنك دم لأني قبل حملي الأول صار لي حمل خارج الرحم وجاني نزيف وقال المختبر لزوجي جب دم من الشميسي او من مستشفى الأمير سلمان... وقال لهم خذوا مني دم أنا نفس فصيلتها قالوا ممنوع نسحب دم من احد... يعني فقط المستشفيات الحكومية هي المرخص لها بسحب الدم...
أدري طولت عليكم بس باختصار
أبي تساعدوني ألقى مستشفى حكومي وبفلوس لأنهم أحسن من المستشفيات الأهلية
1- مدينة الملك فهد:
سألتهم وقالوا: الطبيعي ب5000 والقيصري ب10000
قلت لهم بجي الحين ادفع واضمن لي مكان
قالوا : لاااااا .. مو بهالبساطة!! إذا جاك الطلق تعالي للطوارئ وانكان فيه مكان ادفعي لنا!!
طيب وإذا ماكان فيه مكان اقعد ادور بالشوارع وانا اطلق؟!! والله حالة!!
2- مستشفى الحرس :
الطبيعي ب10000 والقيصري ب18000
طبعا الغرفة مشتركة,,, يعني مدري وش هالعشرة عليه شكلهم بيخيطوني بخيوط ذهبية:39:
وياليت اللي جربتهم تقولي عنهم..
3- مجمع الرياض الطبي (الشميسي)
قالت لي صديقتي انهم فاتحين مبنى جديد للنساء والتوليد جدييييد وبفلوس
تعبت وانا أدق عليهم ومايردون
فأي وحدة منكم عندها أي معلومة لا تبخل بها علينا
للأسف قاعدين ندور مستشفيات حكومية وبفلوس وحنا في دولة من أغنى دول العالم:44:
وان دل على شئ فهو يدل على تدهور القطاع الصحي وعدم اهتمامهم بالحوامل ..
واللي ما تعرف ترفع الموضوع.. ولكم دعوة بظهر الغيب ياحلوات,,
:26::26::26:
*Moooon* @moooon_2
عضوة فعالة
يلزم عليك تسجيل الدخول أولًا لكتابة تعليق.
ساعة الحق
•
للرفع
الصفحة الأخيرة