انا ولدت قبل عشر ايام في مستشفى فقيه عند الكتورة فاطمة العتيبي
اعتقد الولادة عنها بحدود ال9000 اذا غرفة عادية ويومين في المستشفى
وللامانة كانت الخدمة والممرضات في المستشفى اكثر من رائعات ونظافة ورعاية واهتمام

نوال السناني وحنان الشمراني جربتهم ماشاءالله تبارك الله كل وحده احسن واشطر من الثانية

أنا متعودة أولد عند منى حتاته أو فاطمة الزهراء في مستشفى جدة الوطني الكندرة أعتقد بـ 4000 أو 3800 وغرفة خاصة يمكن بـ 4500 أو 5000

بس حاليا منى حتاتة وفاطمة الزهراء خرجوا من المستشفى والله وصرت محتااااااااااااااارة وخايفة مدري فين أروووح

صراحة سألت كثييير ودخت من كثر ما أسأل :( وكثير مدحوا الأطباء المتحدون

زوجة أخوية ولدت هنا قبل كم شهر ومرة تمدح فيها ولدت عند الدكتورة فاطمة النمر تقول مرة كويسة وقبلها ولدت في الطب الدولي كمان مرة تمدح فيها بس غاليين

وحماة أختي(أقصد أخت زوجها) ولدت كمان في الأطباء وتمدح فيها كثير سألتها بنفسي

وأنا نفسي أولد هناك بس يريت كانت الولادة بـ 4000 بلاش من الـ 800 : (


و صديقتي ولدت قبل شهر في مستشفى الجامعة الأهلي والله تمدح فيها كثييير
وصديقة لي ثانية تولد في الجامعة الحكومي كمان مرة تمدح الولادة هناك بس تقول عيبهم إن ممكن يجي يولدك دكتور وأحيان يكون في طلاب يتفرجوا عليك عشان يتعلموا (والله هذا اللي ناقص) عشان كذا أنا أكرررره الحكومي أحس إنهم يتحكموا فيك


أسأل الله أن ييسر لك الولادة وتقومي بالسلامة ياااااااااااااااااااااااااااااااااااااااارب

دعواتكم يا بنات يارب انك تيسرها لي ولجميع الحوامل ياااااااااااااااااااااااااااااااااااااارب

ويارب يختار لنا المستشفى اللي فيها خيييير لنا ونولد بالسلامة وبكل سهولة

بالنسبة لي الطبي الدولي هو التوب،، صراحة خدمات فندقية ورقي بالتعامل والاسلوب،، فقيه صار تحكمهم المادة حتى لو تراصو عندهم المرضى فوق بعض ماهمهم ! او كانت سمعته اوكيه بس الان اهم شي عندهم جيبك والقروش واللي تبي تشوف تعاملهم تروح الطوارئ وتشوف..
الاطباء المتحدون افضل من فقيه بس عيبهم الانتظار اللي ماينتهي بس يظل ارحم من فقيه،، ودكتورة فاطمة النمر إنسانه عسسسل ومحترمة تريح الوحده وتعاملها راقي ودوم ذكر الله على لسانها..

موضوع حلو .

انا ولدت مره في الجدعاني والثاني في الالماني عند تشكر كانت ولاده مسهله ورااااائعه طبعا طبيعي ...وكنت على التامين قبل 4 سنوات بس كان السعر بحدود ال 4500 لكن ما ادري حاليا .

والثالث قبل سنه ولدت في المتحدون وكنت اتابع عندهم كمان وولدت على التامين لكن قيصري عند الدكتوره صباح حداد .
والحمد لله الخدمه روووعه .
وحاليا حامل واراجع كمان عند صباح وان شاءالله اولد عندها طبيعي ....