كيفكم بنات؟
الموهم ما ادري اذا وحده سوتها قبل او لا بس انا سويتها و صورتها لكم و ان شاء الله تعجبكم
اللي حنسويه اليوم هوا الفرواله المغطاه بالشوكولاته اللي نشتريها جاهره بالمحلات :)
اول شي الأدوااات :
*أعواد الحلآ <<او بالأصح هيا للذرة بس انا استخدمها للحلا مررررآ حلو و للي ساكنين مكه تلاقوها فـ مهجه =)
*تاني شي تشوووكلت للحلويات ابيض و اسود <<انتبهوا للحلويات مو تجيب وحده تشكولت جالكسي و تقول ما زبط معاها !
و هادي صورتها انا جبتها من النوري
*تالت شي فراااوله طبعا لازم يكون نوع جيد و تكون كبيره عشان ما تطلع من جوا حامضه و من برا حاليه
امممم و كدا خلصنا
اول شي تذوبي التشوكلت ف حمام مائي مو كويس تذوبيها ع النار تخرب :/
هادي التشوكلت البيضا
و هنا التشوكلت السودا بعد ما ذوبتها في الحمام المائي برضووو~
دحين اش حتسوي حتكوني قد غارسه اعواد لحلا فـ الفرآوله و تغمسيها كللللللها فـ التشوكلت
و بعدين ترصيها ع صحن و بسرعه تدخليها الفريزر و سوري بنات ما صورت دي الخطوه المهم حتقعد فـ الفريزر 10 ثواني و تخلص =)
هنا بعد ما خرجتها من الفريزر
تقدري مرا تغمسيها ف تشوكلت بيضا و مرا فـ سودا حسب ذوقك و بعدين تزينيها بخطوط بالشوكه
هنا بعد ما زينتها
آخر شي بنات ترا مرا حلو لما تبدعي
يعني تقدري مرا تغمسيها ف لوز مبشور و مرا فـ فستق تقدروا تلونوا الشوكولاته البيضا الوان و بعدين تزينوا بيها ع ذوقكم و تقدروا مو تغلفوا فراوله بس ممكن تفاح او موز
طبعا ما تاخد وقت سريعه وربي و ما تحتاج فرون و ادواتها مو كتير و ف، نفس الوقت مميزه مرآ لما تقدميها
و طعمها حلووو =)
اتمنى اعجبكم الموضوع ^__^