مستغربه من اللي قاله

السلام عليكم ..


طليقي يكلم بناتي وولدي بالاسبوع مرتين تقريبا ومرات ٣ مرات بس مو يومي


قبل رمضان صار يكلمهم يوميا ويسأل عنهم وش ناقصهم وكذا ويسأل كيف امكم .. وتطور صار يتصل لينتي يقول وش تسوين وخواتك واخوك وش يسووون وامك وش تسوي وينها نايمه ولا صاحيه ؟ مين يسوي الفطور وهكذا اسئله احس ماله فيها


قبل شوي كلم بنتي ويسولف معها وان اشتاق لهم وان قريب بيفتحون الحظر بيجي يشوفهم وقالها تراني طلقت زوجتي
بنتي تعتبر طفله وش دخلها يقولها طلقت زوجتي
بنتي جتني ماما شفتي بابا طلق زوجته قلت وش عرفك قالت هو قالي .. قبل مستحيل انا واطفالي نعرف عنه شي او حتى نعرف وين كان اذا طلع
بصراحه انا فرحت مو عشانه طلق لا
فرحت عشانه ظلمني وسوا فيني اشياء ما اقدر انساها اشياء لحد الان اذا ذكرتها عيوني تدمع وانكتم واقول بيني وبين نفسي انا وش سويت له


مافرحت عشانه طلقها هي بالذات او عشان غيرانه او عشان حاسدتها لا


بسسس فضفضت لكم ما ابغى حل .. لان موضوعي ماعاد يبغى له حلول


دعواتكم