مستغربه من الي يحصل لبنت هذا الشيخ

مساء الخير فيه شيخ كبير ومعروف والكل يحبه ويتشرف بمعرفته وهذا الشيخ معروف بفعل الخير والاصلاح بين الناس وله مكانه اجتماعية وهو انسان متواضع والكل يستشيره ويطلب منه المساعده المهم هذا الشيخ عنده بنت هذه البنت معروفه بستر والصلاح والاخلاق المهم البنت هذه الكل يجيب لها خطاب غير مضبوطين دائم يجيها خاطب وتفرح ويفرح الاب واذا سئلو عن هذا الخاطب يكون غير مضبوط والكل يحذر منه تخيلو مره جاها واحد يقولون اخوانها من اول ماجلسنا معه كان باين عليه انه يتعاطى وكان مش مركز وسئلو عنه وطلع نفس ماتوقعو وكان توه طالع من السجن والثاني محشش ولما سئلو عنه الكل ذمه وثالث جاهم وكذب عليهم قال انه يشتغل في مكان ماء وهو يكذب والشرطه ماسكينه قبل ايام وكان في حالة سكر واخر واحد جاء قبل شهر مطلق ويوم سئلو عنه الكل ذموه سواء في العمل او المسجد وغيره الي انامستغربه منه ان اقاربهم ومعارفهم هم الي يجيبون لهم هولاء الخطاب الغير اسوياء طيب ليه كذا كنهم يقللون من شانها وهم يعرفون ابوها وعائلتها ابوها يقول اتمنى ان احد يجيها لو على الاقل يصلي مو شرط ملتزم مره والله لا اساعده ويمكن ما اخذ منه الا مهر قليل ولا يكلفون الخاطب ملا يطيق والمشكله انه يرى الشباب الصالحين يطرقون كل البيوت الا بيته يجون لبيته صح ويحتكون به لكنهم يطلبون منه ان يتوسط لهم عند فلان وعلان عشان يخطبون بناتهم عكس بنته لو مابقي في الوجود الا هي ما يفكرون بها هي البنت واهلها ما اشتكو انه ليش ما احد يخطب منهم لا ما قالو كذا لانهم عارفين ان نصيبها بيصيبها هذي مش مشكله هي تقدر تصبر لكن الي يضايقهم انه ليش الناس يجيبون لها الا الي مش مضبوط وهم عارفينها وعارفين ابوها وعائلتها