مستفيات ابها والخميس

بنات وينكم

انا بكريه فما قد سبق جربت مستشفى معين ، لكن الى الحين محتاره وين اولد احس قربت ولادتي وما اخترت مستشفى اولد فيه ..
العسكري من قريب كثيرر صاروا يذمونه ودكاترة الطوارئ فيه سيئيييين جداً .
فكرت في المدني الجديد لاني سبق ورحت الطوارئ تبعه احسهم يهتمون وعندهم اجهزه كويسه وفيه اهتمام بس مااعرف احد ولد فيه .
وكمان جالسه افكر في ابها العام الجديد كذا وحده ولدوا فيه قريب مدحوه ، بس حظهم حلو ماشاء الله لان اللي خيطوهم استشاريين .
ليت اللي عندها تجارب او تعرف احد ولد في احد هذي المستشفيات تخبرنا وتفيدنا ..

أنا مراجعاتي الحين في العسكري وناوية أولد فيه باذن الله اختي توها ولدت بعد عيد الفطر وتمدحهم وباطلب غرفة خاصةVIP
مع اني خايفة منهم في مراجعاتي احسهم باردين وبعضهم تكلمني من راس خشمها وغير كذا بعيد عن بيتي
تناهيد ألم شجعتيني عالمدني الجديد مع اني كنت حاطة في بالي مستحيل اولد عندهم لكن باروح لهم طوارئ واشوف باذن الله

طوارئ المدني افضل من طوارئ العسكري بكثيررر ، حتى الاجهزه متطوره اكثر ، رحت لطوارئ العسكري قبل شهر لاني كنت شاكه ان موية الجنين ناقصه قالوا السونار اللي عندنا مايبين حجم موية الجنين ، تعالي الصباح عشان نوديك العيادات نسويلك سونار هناك ، طلعت من عندهم ورحت طوارئ المدني صح كانت زحمه بس سونارهم كويس وطمني الدكتور ان كل شي تمام ..
سالي بغيت اسألك لو بغيت غرفه vip في العسكري كيف اطلبهم ، انا اراجع عندهم بكرت الوالد وهو ضابط متقاعد

وعليكم السلام ورحمة الله أنا حامل في الرابع ولاداتي كلها في الحياه مافيه مستشفى في الخميس ولا الجنوب أقول ماشاء الله كل شي حلو لازم الشين والزين في كل مستشفى الحياه النظافه والغرف عاديه الممرضات وحده زينه ووحده اسلوبها زفت الطبيبات جربت 2 ناديه روووووعه وخياطتها بعد وصفاء استشاريه حلو تعاملها قريبتي ولدت في المدني وتعبت في الولادة يمكن ماكانت متعاونه معهم كانت خايفه بس حلو ابها الجديد كل اللي اعرفهم يمدحونه سواء قيصري ولا طبيعي الألماني ماجربته يمدحونه بس غاااالي كل شي بفلوس وسلامتك ياعسل الله يقومنا بالسلامه