مستقبلي التعليمي ...؟؟ هل دبلوم أِم بكالريوس غير معترف به ؟؟؟

ياحبيبتي ياغناة الضمير والله حاسه فيك لأني قاعده اعيش للاسف نفس معانتك بالضبط
لكن بالكويت واللي جامعتهم مو راضين يقبلوني باي قسم لاني سعوديه و ماعندي واسطه لكن انا ضيعت على نفسي سنتين وانا انتظر يقبلوني وصارت شهاد تي قديمه بنظرهم وماأستفدت شي وكنت دارسه بالسعوديه سنتين كليه قبل الزواج واظطريت اعتذرعن السنوا ت الباقيه وصار صعب جداْ اني ارجع واكمل وصرت معلقه ماأدري هل أكمل انتساب والا ادخل معهد خاص بالكويت والا ادور على وظيفه اشغل وقت فراغي فيها وانسى الدراسه وللحين مالقيت الجواب فااتمنى اي احد يقدر يساعدني بنصيحه لايقصر معاي بليــــــز:26: :26: وبما اني مريت بالتجربه اللي انتي قاعده تمرين فيها ياغناة الضمير فنصيحتي لك انك تنسين امر الدراسه بالجامعه العربيه المفتوحه على فكره عندنا بالكويت لكن مافكرت اسجل فيها لانها مو معترف فيها بالسعوديه وبتعب فيها على الفاضي وأحسن شي تاخذين دوره باللغه الانجليزيه والحاسب الالي فقط هم الشهادتين الوحيدتين المطلوبات لاي وظيفه تقدمين لها وانا كل مااقدم على وظيفه بالكويت يطلبون شهادة انجليزي وحاسب وطبعا لانه ماعندي ماوظفوني فقررت اني ادخل دوره واخذها ان شاءالله لكني متحسفه على السنتين اللي ضاعت بالكليه على الفاضي والحمدلله على كل حال :26: حبيبتي لاتضيعين وقتك بالحيره استغليه بالدراسه قبل لاتتزوجين وماتلاقين لها وقت والله يكتب لك اللي فيه الخير بالدنيا والاخره .

اختي والله مدري شقولج بس انتي اصبري وشوفي جامعة الامام وترى واسطة جامعة الامام اسهل من الجامعات والكليات الباقيين وخلي ابوج بنفسه يروح لمدير الجامعة والله نسيت اسمه ويكلمه شخصياً وتراه متعاون بالحيل يعني يقدم اوراقج عند قسم الرجال مو على طول تروحين للحريم ترى ما يبهذل الا الحريم.
زاصبري وادعي ربج ان شاء الله الله يفرجها عليج ويطلع قبولج بجامعة الامام .وعندهم دبلومات اويمكن عندهم انج تدرسين على حسابج بس ما اعرف طريقتهم.اسالي اذا تقدرين تدرسين على حسابج او لا.
صح ذكرت اسم مدير جامعة الامام ( السالم) بس اسمه الاول مو متأكدة بس اعتقد( محمد)بس اعرف اسم عائلته (السالم) والله يوفقج.
انا والله ما اعرف باضبط بس مرة وحدة يمنية تقول انها تدرس بالجامعة بالرياض بحي السفارات يعني اعتقد مخصصة للمقيمين بس ما فهمت شنو عمل ابوها على شان تدرس بالجامعة اللي بحي السفارات
انتي اسألي عن حي السفارات بالرياض هذا الحي معروف كل سفارات الدول فيه ومن فيه الظاهر حتى جامعات ومدارس وكل شي. اسألي وشوفي وش المطلوب منج وسويه والله يوفقج ويسهل عليج ان شاء الله.
وامر الجامعة المفتوحة انسيه ترى مو معترف فيها بكل مكان .
او اذا كلش انتسبي اذا تقدرين .بس انتي سوي اللي قلت لج وابحثي عن اللي قلته لج واذا مافاد معاج انتسبي او ادخلي معهد صحي على حسابج احسن لج ومعترف فيه بكل مكان .

:26:

السلام عليكم....

هلا وغلا فيك shomooooo5

تسلمي حبيبتي على الإطلاله الرائعه

في نقطه حبيت أوضحها إن السائله هي صديقتي ومثل ما بدكم ممكن أنا أمثلها... علشان خاطرها كل شي يهون :)

عزيزتي shomooooo5 ... ماشاء الله عليك همتك العاليه للدراسه تظهر لي بين كلماتك ..أثابك الله

بقدم لك وجهة نظري ... وأتمنى تفيدك

إنتي حالياً راحت عليك أربع سنوات بعد التخرج سنتين كليه بالرياض وسنتين إنتظار قبول في الكويت .. وأنتي متزوجه فأفضل حل لكي إنك تحصلي على دبلوم من أحد المعاهد بالحاسب واللغه الإنجليزيه بالكويت .. لأن الدبلوم أفضل من الدورات .. الدبلوم يعادل نصف شهادة جامعه ... وغير كذا بعض المعاهد الي تكون شهاداتها معتمده من إحدى الجامعات الي بالكويت لو حصلتي على إمتياز بالدبلوم ممكن تكملي بكالريوس بالجامعه بالتخصص الي درستي فيه أو تقتصري على الدبلوم وفيه فائده كبيره .. وبكذا بتتوظفي وإنتي مرتاحه وراتب زين وراح تتخلصي من الفراغ والتفكير بالدراسه

من ناحية النصيحه الي قدمتيها لي ففي البدايه أحب أشكرك ... سلمت يداكي
بالنسبه للجامعة العربيه دراستها قويه جداً من ناحية المناهج لكن أسلوب التعلم عن البعد الذي تسير عليه أسلوب مستجد على الجميع " لكنه ممتع جداً لمن يجيده " لذلك الجميع لا يعترف بها وعلى رأسهم وزارة التعليم العالي..... لكن في طريقها للإعتراف بها ... وأي شي مستجد غالباً ما نسمع عنه الكثير والكثيرمن الإساءات ، والي يدرس فيها الطريق الوحيد للوظيفه بعد ذلك هو المجالات الخاصه وليست الحكوميه ...

وعلى رأيك المفروض إني أترك الحيره وألتحق بالدبلوم إلى أن يتم قبولي في إحدى الجامعات .. قبل أن يحدث ما لم يكن بالحسبان .....

دمتي بحفظ الله
غناة الضمير

السلام عليكم

متابعة لكم :27:

لي عودة بإذن الله لإكمال الردود

أريد المزيد من الآراء

أختكم
غناة الضمير