النت والمنتديات وبالذات هالمنتدى ما ترك احد جاهل خليها تسوي بحث في قوقل وتقرا مواضيع وتشوف وش يناسبها واذا ماعندها انتي ابحثي لها ،،
مو شرط كل وحده امها موجوده وبينهم علاقه يعني الأم مسنعه بنتها ياكثر اللي ممشين امورهم بدون امهاتهم ..

الله يسهل امرنا وامرها وكل مسلم ..

حبيبتي...انا عندي ام...الله يطول بعمرها بصحه وعافيه..وماحب اثقل عليها بنفاسي..صرت اجهز نفسي قبل العمليه بأسبوع...
اطلب زوجي لحم طازج لو نص ذبيحه..واقطعها صغار..واسلقها من دون الملح..ولا بهارات..ولماتبرد..اوزعها بأكياس صغيره..كوب اوكوبين..مع مجموعه لحم..وافرزنها ..متى ماحسيت بالجوع..اطلع كيس من الفريزز واسخنها واملحها وابهرها من بهاراتي المطحونه..قرفه..حلبه..زنجبيله.حلبه..كمون..وفلفل اسود..مع خبز بر
ثانيا...اخذ تمر مجموعه كبيره.واحط معها رشاد..وشويه سويداء..وسمن بري..ومكسرات مطحونه..وسمسم..واعجنها اعجنها ..وبعدين اوزعها بأكياس..وبكيفك تبردينها بالثلاجه..او تحطينها عندك بالدرج ...واكلها مع قهوة العصر..وبأي وقت لانها مفيده
ثالثا..قهوتي تكون قشر قهوة..مع نانخه وزنجبيله..وقرفه..وكسره مره بالفنجال
رابعا...اضع قاروره الصحه واضيف لها..شويه مره..مع ملعقه صغيره كمون..ممتازه للشمم وللغازات
ابتعدي عن الحليب اول اسبوع لانه يسبب غازات مؤلمه..وامساك
الكبو يكون بالعشرين الاخيره..وهو عباره عن قشر البصل مطحون..مع مره..خوجوا..
لا تنسين الطرحه للراس..والشرابات للقدمين..والبنطلون قطني طويل..وقمصان مريحه اكمامها طويله
الفوط...اولويز الورديه ممتازه..الكلوت..حاولي يكون وسيع شوي حتى مايضايقك
اهتمي بالترطيب..وخليك ع الجليسوليد
اغراض البيبي شنطه ..مدس..طقمين كاملين..من محلات الاطفال..والباقي بأذن الله هدايا من خواتك وحبيباتك
سرير...بامبرز للمواليد..مناديل تشبز من تجربه جدا ممتازه..ماتسبب حساسيه..كريم سودو..زيت جونسون للاطفال..منظف الاذان..عدد3رضعات زجاج.حلمه بايجون صغير...مسحه طبيه. وبودره للسره البيبي
وبس هذا برنامجي..وادعي لي الله يرزقني ماأتمنى..ويتم حملي ع خير

نفس برنامج نجد الهيلا

يسلمووو كل اللي ردوا