مستوعبين سرعة الأيام ؟!

بسم الله ..
السلام عليكم ورحمة الله
مساكم الله بالخير والرضا والطمأنينه وراحة البال
قبل اربعين يوم قررت احارب الاكتئاب والضيقه ولا استسلم للحزن
وفتحت موضوع وقلت اني بابدا اجاهد نفسي واكون اكثر ايجابيه وبقرا سورة البقره يومياً
https://www.hawaaworld.com/٤%D...
بفضل ربي اليوم كملت الاربعين يوم
كنت لما انتهي من قراءة السوره ادخل الموضوع واكتب اليوم واذكر نفسي بشكر الله والحمدلله
# تنبيه للي بيقولون اللي تسوينه بدعه 🙏🏻
انا ماحددت ٤٠ يوم لقراءة البقره لحل مشكله او علاج مرض ابداً لان هالتحديد بدعه
انا احفز نفسي دائماً ٤٠ او ١٠٠ يوم او اي عدد يطري علي
واقرأ يومياً جزء من القران غير سورة البقره علشان لااهجره واختمه بشكل شهري الحمدلله .. الله يتقبل
سورة البقره لها بركة عجيبه وانا تعودت عليها وصرت ارتاح وقت القراءه الحمدلله
وراح استمر عليها يومياً بإذن الله 💚
اللي يستصعبونها او يستصعبون قراءة جزء من القران يومياً جربوا اصغطوا على انفسكم اول الايام لأني كنت مثلكم والحمدلله صارت اسهل من شربة الماء 💚💚ً
المهم القران شفاء وبركة بإذن الله
مانقرأ ننتظر معجزات تتحقق ✋🏻 نقرأ نتقرب لله
ونزيد رصيد حسناتنا 👍🏻
المهم بالموضوع 👏🏻 استفدتي ياساره من هالرحله ؟!
من ثلاث ايام تقريباً احس الوجع اللي بقلبي اختفى
وجع كنت انام واقوم عليه من شهور وحراره بالقلب راحت الحمدلله الحمدلله الحمدلله
مازال وضعي كما هو مع زوجي بالعكس صار اسوأ والحمدلله على كل حال
ومازال الشيطان ينغز قلبي ويتكرر علي شعور الغبنه
لكني صرت اقوى بفضل ربي
راضيه ومتفائله وكلي ثقه ان ربي معي وبيجبر قلبي ويطيب خاطري 💚


#أخيراً اتمنى ماينقل الموضوع عن قسم الاسره والمجتمع لأن الاعضاء هنا اكثر عسى تجربتي تشجع وتحفز احد بحاجه 💚