حلمي فردوس الاعلى* @hlmy_frdos_alaaal
عضوة جديدة
مسجات روووووووووعة...........
(شوق ، ذكرى ، حب ، فراق ، غيره ، زعل ، حزن
أعياد ، ترحيب ، مدح ، صباح ، إلخ)أتمنى إنهم يعجبونكم
مدخــــــــــل
* قبل إتصالك تجي لهاتفي حاله
يهتز لو ميزة الهزاز ملغيه
يتنهد من الفرح و يسوق مواله
و تظهر على شاشته ألعاب بناريه
غلطان من يعرفك و يصك جواله
مفروض تحسب عليه رسوم إضافيه
==================
* أنا مع الأيام طحت و تعثرت
إحتجتلك و بضيقتي ما لقيتك
قصر زماني بالوفا وإنت قصرت
ضحيت من عمري و صنت ووفيتك
ما دمت بوصلك عليا تكاثرت
أرخص حياتي إن كان في يوم جيتك
و اليوم حددت النهاية و قررت
لاعاد يوم به عشقت و بغيتك
لو يرجع إللي فات ومني تعذرت
ما تلحق إللي في حياتي عطيتك
================
{مسجات ترحيب}
* طيبٍ حالي عسى حالك يطيب
دام صوتك كل ما أخذت أسمعه
* حي الصديق إللي له القلب يرتاح
طيبه يفوح و عادة الطيب فواح
* أهلاً هلا حييت يا نسل الأجواد
إقلط تفضل داخل القلب مركاك
* سلام يا حر على الطيب المتبوع
من بيت عز ما تغير طبوعه !
* قلت للبحر تقدر توصل سلامي و ما تتأخر
قال سلامك حار جداً و أخاف الماي يتبخر !
* هلا بإللي معي وافي و لو جار الزمن ما جار
كريم الكف شيخ الصف لأصطفت قبايلها
* ألا يا مرحبا بإللي علي أبطت مراسيله
خفيف الدم و علومه تسلي خاطري الضايق
* أعز الذي تذكرني و خلاني على باله
و أحب إللي يراسلني و رقمي وسط جواله
* هلا برقم الحبايب و الغلا كله
فيك إحتفل كرتي المجنون و الشاشه
حبك ملك قلبي المسكين و إحتله
دخل على القلب في جيشه و رشاشه
* هلا بالشوق مادامه نسايم من شذى عطرك
هلا بك صوت ناداني و قلت من الغلا أمرك
* كثر السلام يقلل العرف بالناس
ما قالها راعي المثل يبحث العرف
{ مسجات الصباح }
* حبيت أسبق سكان هالكون
و أقول حق أحلى ما في الكون
صباح الخير يا عمري
* أصبحك بالورد و ألوانه
و أحبك بقلب إنت عنوانه
و أغليك بروح لك ولهانة
* صباح الورد يا غالي كثر ما جيت في بالي
أحبك لو بعدت عني .. أحبك يا بعد حالي
* أهديك وردة ياسمين لونها لون قلبك
تصبح عليك و تقول ياعسى الخير دربك
* صباح الشجر و لون الزهر
صباح الخير يا أغلى البشر
{ مسجات المساء }
* لك سلام قبل المنام و لك طيور تغرد
ما تنام و تقول تصبح على أحلى الأحلام
* مساء الشوق يإللي من العسل أصفى
و لو بيدي علاج الناس لأخلي شوفتك وصفه
* بغيت أرسل سلام و شعور القلب و إحساسه
مساء الورد ما تكفي ! يا عطر الورد و أنفاسه
* مساء الغلا و كلمة هلا
مساء الورد و عظيم الود
مساء الشوق يا كامل الذوق
* مساء العود و أطيابه
لأهل الخير و أحبابه
لمنهو نذكره دايم في حضوره و غيابه
* مساء الخير في لوحة رسمها بالغلى فنان
تزينها ورود الفل و للغالين نهديها
* مساء خاص مو حق أي ناس ..
ناس أغلى من الألماس .. رهيفين القلب و الإحساس
{مسجات الأعياد }
* يا قمر يا دنيا جديده
يا أحلى أبيات القصيده
كل عام و إنت بخير ..
* إجمع أحلى الذكريات و إنسى أقسى اللحظات
و عيش و لا تبالي و كل عام و إنت الغالي
{ مسجات المدح }
* الطيب أساسك و الفخر للي يماشيك
و الذوق شخصك ، و يا سعد من هو يخاويك
* المدح قد الفعل كاسب و مكسوب
و إنت الذي من طيب حظي كسبتك
* أدور فيك عن عذروب و لا بانت عذاريبك
كريم و صادق و محبوب و زود الطيب عذروبك ..!
* وشلون أبكتب و الشعر من هيبتك يخشاك
تراك إنت الوحيد إللي يذل الشعر و يهينه
* من يملكك يبشر غدا الكون بيده
خلاص وش يبغى ملك أجمل الكون
* ودي في كل يوم أنثر الورد قدامك
و إن فاح عطره تراه من دوسة قدامك
* سلام يإللي بالوفا دوم مبداك
و الأرض فايح مسكها من مواطيك
* بعض البشر بنظرته ياخذ القلب
وش عاد لا زاد الحلا في كلامه !!
* ليا مني تذكرتك دريت إن الزمن بخير
ألا يا صافي النية في وقت شانت أطباعه
* أنا ما كنت أبي أكثر من إللي فيك لقيته
حنان و رقه و طيبة وقلب يا كبر بيته
* لو كانت الدنيا تثمن بالأصحاب
وش هو ثمن دنيا عرفناك فيها
{ مسجات الحب }
* إنتظرته و قلبي إحساسه يقول
صوت خلي اليوم ما أظن أسمعه
* عسى الزمان إللي جمعنا على الطيب
يبقى على طيبه و نبقى حبايب
* أخاوي الوافين مثلك و شرواك
و إلا ترى مالي بالأنذال حاجه
* غلاك من قده غلاك ... تكبر و هو يكبر معاك
و ياك بالصح و الغلط ... شوف وين وداني غلاك
* كل هالناس بكف و إنت بكف
و مهما يزيدون تبقى كفتك أرجح
* يا ليت مثلك بالخلايق ملايين
لكن حلاة الشي نادر وجوده ..!!
* بنك المحبه لك على طول مديون
لو زاد صرفك ما يخلص رصيدك ..!!
* أحلى ما فيك كلك .. و كل ما فيك أحلاك .. قلبي و كلي يحبك .. و محد عندي يسواك ..
* كيف أناديك بكلمة "عمري" و العمر فاني
إنت غير الناس عندي و لك غلا ثاني !!!
* هذا إللي بين كل الناس حبيته
أغليه وأدري كثر ما أغليه يغليني !!!
* إن كان المعزة تبني بقلوبنا دار ..
إعرف ترى لك داخل القلب ديره ..!!!
* يمكن أنا بقلبك مالي مكان ..
بس وش حيلتي يوم إنك في قلبي أغلى إنسان
* تمنيت البشر مثلك و أثاري ما بهم شرواك
أنا أحط البشر في عين و إنت بعين تكفيني
* يا ترى لو قلت أحبك وش يصير
خايف الكلمة صغيره و إنت تستاهل كثير
* ما أقول أنسى عيون الناس على شانك
أقول أنسى جميع الناس لعيونك
* لا تلوم إللي يحبك باع عمره و إشتراك
ذنبه الأول يحبك و ذنبه الثاني غلاك
* أنا أسأل الليالي وش رد الوفا ..؟؟
لصار خلي بالعطا أصبح بخيل ..!!
* تهت بين الأرقام من يستاهل سلام
دلني قلبي عليك يا أجمل و أعز إنسان ..
* إن مد الله في عمري و طالت عشرتي وياك
أوعدك تشوف بعينك وش هو معنى "غلاك"
* الدنيا علمتني من تحبه لا تبين له غلاه !!
إلا إنت ما قويت أخفي عليك الغلا ؟!
* تموت بعيوني قلوب ومواليف
و تبقى رفيق الروح حتى وفاتي ..
* لو أفرش الدنيا حرير ما هو على مثلك كثير
تستاهل أكثر من كذا محلك بقلبي كبير
* تحدتني بك الدنيا خذتك بعيد و بكتني
و لكن ما قوت تنزع غلاك من داخل ضلوعي
* لو دروبي عنك بعيده .. و إتصالاتي ما هي عديدة .. بس محبتك في قلبي أكيدة
* إنت مثل الدمعة بعيني أخاف تنزل أفقدها
و إذا إنزلت غصب عني أحط إيدي و أحضنها
* أنا ماني مثل غيري أحبك يوم و يوم أنسى
أنا وربي أحبك حتى ولو علي تقسى
* إبشر بقلب ما يجازيك بالصد
قلب على طول الليالي مصافيك
* عسى الفرح دايم يغرد بدنياك
و عسى الحزن يمك يضيع طريقه
* قالوا : حبيبك بعيد .. قلت : المحبة تزيد .. قالوا : تبقى وحيد .. قلت : هو بالوريد
* إن كان غيرك تبتسم له شفاياي
إنت عروق القلب تضحك لشوفك
* شخص عطاني وده أبد ماني بناسيه
و من شرى ودي أنا دايم الدوم شاريه
* الله يديم المحبة .. و يديم حبك لنا .. و نصير أحلى ثلاثة .. الحب و إنت و أنا ..
* أحبك كثر ما تطري على بالي و لا ألقاك
كثر خوفي عليك و منك و كثر ما أشهق بإسمك
* ترى هذا مو طبعي إني أهمل ناسي و ربعي
لكن وقتي "القاسي" يغير دوم من وضعي
* من طيب أصلك و وصلك ضاقت المعاني
تمنيت الناس مثلك و كانت أصعب الأماني
===={ مسجات الشوق }====
* دام شوفك ____ى بالي صعيب
العوض في صوتك إللي نسمعه
* عمر المسافة ما تعيق المحبين
يبقى الغلا و الشوق لو هم بعيدين ..
* تغيب ودك تشعل الشوق فيني
إن غبت أو ما غبت ... لك شوق بداخلي ما غاب !
* لك .. وحشه .. تسلب قلوب المحبين
و دنيا بلا حسك تراها خسارة ..
* تعودنا على قربك و صار الشوق يذبحنا
ترى الدنيا و لا تسوى دخيلك لا تقاطعنا
* حاولت أجاري حرقت الشوق و أسكت ،
لكن فضحني صمتي إللي كتبلك مشتاق مشتاق
* مدري .. غلا .. و إلا وله .. و إلا محبه ..
لا شفت رقمك غصب عني تبسمت ..
* يقولون المحبة شوق و أنا شوقي بيقتلني
صحيح إنك بعيد عني و لكن مسكنك قلبي
* عيني بعينك .. خل عنك التغلي ..!
في ذمتك .. ما إشتقت لصوتي و طرياي ..!!
* لا تحسب إني لوبعدت بنساك
إنت مثل شمس الشتاء بعيد لكن ما أروع دفاك
* أخرت مراسيلي لجل تشتاق و أشتاق
و أشوف إللي لها القلب يشتاق ..
* دورت له كلام أعبر فيه عن إحساسي ما لقيت إلا ( مشتاق ) أرسلها مع أنفاسي
=====================
{ مسجات زعل و حزن }
* أنا مزاجي و أطيع إللي يطاوعني
و إن كان لي خلق أمررها..أمررها
* ما كل من يضحك مع الناس مبسوط
يا كثر من يضحك و نفسه حزينة
* أضحك مع الناس و أبكي مع نفسي
و أمشي بلا إحساس محدٍ درى عني
* من الفرحة نسيت إني عليك البارحة زعلان
نسيت أقول لو تسمح تكرم لا تكلمني
* يا ضايق الصدر بالله وسع الخاطر
دنياك يا الزين ما تستاهل الضيقة
* أون و كلٍ يحسب إني أغني
عليل و كلٍ يحسب إني مداوي
* أنا ما أمشي ورى غيرك و لو إنه يطق الباب ...
و ترى عيبٍ عليْ أطعن و لو كثرت سكاكيني ...
* إن كنت تضحك يا عساها على طول
و إن كنت متضايق يا عساها دقايق
* آسف على الطيب تردى حاله
و إلا الردي ما من عليه حسافه
* أنا معك في مجلس الضيق (مركاك) و
(سبحة) .. يمينك .. تلتهيبي إليا ..(ضقت)
* عزاه من وقتٍ مضالي بالأفراح
أنشهد إني مفلس اليوم عنها
* لا تسيل دموعك و إن سمعت كلمه من حقير إضحك
ترى غبن الحقير إبتسامة الإحتقار
* إن كنت ما أدري بغلاتي و أنا حي
وش مكسبي كانك حزنت بوفاتي
* أكره الدنيا إذا كنت علىْ زعلان
و يا زين هالدنيا إذا قلبك علىْ ولهان
* مدري وشلون صارت جروحي
تسليك عقب الوفا و شلون !! (غرتك دنياك)
* يا ليت لي جرح ينشاف دمه مير
البلا من جرح ما إنشاف له دم
* بانتظر باكر عساه يصير أحسن من أمس
تهدا النفوس و تبرد عروق دمي
* خل المعاند و إترك إللي براسك
تلقاني أكثر من صدق لك بهالكون
* من راح عني قلت يا عله مصيب
دورت له عذرٍ كريم و عذرته
* إللي يبي بعدي أنا ماني قريب
أما ربحني و إلا أنا ما خسرته
* أنا ماني عصا بيدك تحركها يمين يسار
أدلل من يدللني و من يلعب تناسيته
* طبعك معي موجب ولي طبع موجب
أشبهك و أقطاب التشابه تنافر
* لا تعتقد في روحتي بتخسر شي
خذني سحابة صيف مرت وعدت
* للي صدق وياي أنا أصدق إنسان
و للي كذب وياي كذبي مصيبة
* ودي ولكن كيف تحقيق ودي؟
عيا (زماني) لا يجيني على الكيف
* شرب على غير الضما يجرح الكبد ..!!
و حب على غير المودة خسارة
* بعلمك وفاي إللي تموت و ما تعلمته !
و بترك لك خطاك إللي بموت و ما تعلمني!
* بعد الخيانة إنتهت رغبتي فيك ..
و إن كنت تذكرنا ترانا نسيناك
* أبشرك ما عاد يوجعني فراق
و أقسى ( وجع ) فيني يزول بثواني
عودت قلبي لا حمل هم أو ضاق
أرمي و لا أسأل عن إللي رماني
و عودت نفسي "للمتاهات" ما أنساق
و لا اسيل دمع عيني و اعاني ..
* فيني ألم ما مر في " قلب مطعون" فيني حزن ما مر في "عيون الأيتام"
* و لا تزعل و لا تتعب شعورك و لاتاخذ على خاطرك مني
أبي أتأسف إلين أرضي غرورك و بقول إني مقصر غصب عني
* لا تحسبك لا أخطيت أضعف و أراضيك
أحط ( أنا ) قمت غرورك ورايا ..
* في جيتك لي ترى ما تحرك أشجاني ..!!
لا يفز قلبي و لا تشتاق لك عيني
* ما دمنا أحباب و الأعذار مقبوله
الزله إللي تجي من بيننا عادي
* جيتك على رجوى معالج جروحي
ما كنت أظنك تلحق الجرح بالجرح ..
* يا حلو الأيام لو ترجع على كيفي
ماكان قلبي شكى فرقا مواليفي
* إترك عنادك معي بعرضه و طوله
و أنا معك بأتلطف و أترك عنادي
* إذا رجلك بدت تمشي بدرب الصد و النسيان
سلامة رجلك الحلوه أبنسى قبل تنساني
* من عقب الأحباب مكسوره مجاديفي
غرقان و الموج يلعبي على كيفه
* روح خل إللي خذاك من عيوني يسليك
بكره تشوف الفرق بينه و بيني
===={ مسجات الذكرى }=====
* هذي الرسالة خلها اليوم تذكار
فيها الغلا و الحب مني هديه
* لا صرت تذكرني أنا أقول مشكور
ذكراك تكفي يابعد من نساني
* الذكرى شي ماضي .. و الماضي شي جميل
فتذكرني بقلب راضي .. فالرضى طبع الأصيل
* كثير قلوب كذابة .. و كثير من ينسى أصحابه
بس صاحبك له قلب .. صعب ينسى أحبابه ..
* ليت الليالي يا زمن دوم تنعاد
و ترجع ليالينا و جمعات الأصحاب
* طلبتك لا تقاطعنا و دوم إبعث تحياتك
معاك أيام عشناها لها بقلوبنا ذكرى ..
* ذكرتك و أنا ساهي و هلت مني الدمعه
ذكرت أيامنا الحلوه .. وحنت نفسي للجمعه ..
{ مسجات الفراق }
* يا إللي تلوم القلب بفراق غاليه
جعلك بدنيا الحب تاخذ نصيبي
* على كيفك إذا بتروح ،،، أنا ما أجبرك تبقى
أعرف إللي يحب بروح ،،، بعد ما يبتعد يشقى
* إليا جفاك إللي من الناس تغليه
خله فلا بد الليالي تجيبه
* روضتي جفت و أنا خلي سيول
مبتعد عني و قلبي يتبعه
* كنتي الأماني الحلوه إللي تصورت
و كنتي لي القمره لا جيت ساري
وكنتي لي الفزعه لا من إني تدهورت
لا تاهت أفكاري يميني و يسراي
* لو إنت على فرقاي دمعك تنثر أنا على فرقاك قبري بنيته
* ما أضمن لك الأيام .. أضمن لك إحساسي
لو نفترق أعوام .. ما يموت إخلاصي
* مهما ظروف الوقت عنك خذتني
صافي الغلا ما ياخذه غيرك إنسان
* لا تقطع الوصل و إسأل عن الحال
اليوم أنا معك و بكرى تحت الرمال
* لا تقاطع من يحبك ... لا تعتذر في ظروفك
هاك عمري هاك كلي ... بس لا تحرمني صوتك ..
* لي صاحبٍ غاب و غابت مع مراسيله ... مدري يدلع أو زادوا محبينه
* منسى ربعي و لو الزمن يقسى
لكنهم صاروا أقسى من الزمن و نسوني
* يا رسايل علميهم !! كيف قلبي ذاب فيهم !!
و لو مضى وقت و نسونا !! يا رسايل ذكريهم !!
* ما عاد باقي لي من الناس غير إنت
و حسرتي كان إنت عني تخليت
* أنا باقي لجل عينك و حبي قيد في يدينك
تأكد لو قدرت أنساك جعل يومي قبل يومك
* ما قتل قلبي سهام و لا طعن جوفي رماح
ما ذبحني غير واحدٍ قال أحبك ثم راح!!
* أنا من بعدك أتألم و كل الهم سكن فيني
أخاف أدق و أتكلم صدى صوتك يبكيني
* شعوري لك مثل ما كان أنا مو طبعي النسيان
و لو طالت بنا المدة ترى مازلت أعز إنسان
* إن كان قصدك على فرقاك تلوعني
عشرات مثلك طواهم ليل نسياني
* عودتني دنيتي من أحبه يختفي
لكن أنا من عادتي من أعرفه ما يتنسي
* وينك يا قمر غايب .. من حبك ماني تايب
إسأل حبيبي .. ترى لك حبايب
* أنا بدونك ليتني يوم ما كنت
بس إنت قلي كيف حالك بدوني
* يا ليت من يطري على البال ينشاف
و ياليت من نبغاه دايم نشوفه
* لو أنسى كل الناس .. و أنسى أنا حالي
و يموت كل إحساس .. ما أنساك يا غالي
* بدونك دنيتي تصغر و صفى النفس يتعكر
و تظل الدمعه حيرانه على بعدك ترى ما أقدر
* أحس إني بلا صوتك مثل ديره بليا ناس
تخيل كيف يعيش إنسان في وحشة شوارعها
* سرحت بفكري الحاير أدور كلمه أرسلها
و أثري كل الحكي يوقف على كلمة "فقدناك"
* "تغلى" بس على هونك تراني بالغلا تعبان
أعاني لوعة غيابك و قلبي حيل مشقيني
* أنا بنفسي غيابك ماني عارف أسبابه !
يا ليته يبين وش قصده من غيابه ..!!
* قسى قلبه و هو طيب و لا فكر يكلمني
بخيل حيل في و صله كريم بزود هجرانه
* عساك تدري بغلاتك قبل تاخذك ظنوني
ما ودي بالقطاعه بس الظروف منعتني
* إذا قصرت في وصلك يوم أطلبك تسامحني
ترى آخرتي كفن أبيض وقبر صغير يحتويني
* تبيني أصبر عن غيابك لا غبت
عطني مثل قلبك و أسوي سواتك !!
* طولت حيل أبسإلك جد وينك ؟
دخيل الله و بعد الله دخيلك لا تقاطعني
* و شلون بنساك قلي و إنت خابرني
طاري الجفا لا طرالي ترجف عظامي ...
* ترى الوفا بقلوبنا حي مامات
و أحبابنا لو يطول البعد غالين
* لو الجفا و البعد يصرف "شهادات" !! كان إنت !!
ماجستير(نسيان و قطاعه)
* يا مختفي وينك عن الناس غايب
دنيا بدونك في عيوني و لا شي ..!
* شخبار الغلا قلي ؟ أفا و الله يا خلي !
لك أيام يا القاطع ! لا تمسي و لا تهلي !
* سلام .. يا غايب عن العين و عن القلب
ما غاب .. و شلون حالك يا بعد كل غالي
* أبكي و أنادي ليه قطع المواصيل
متى على الله ساعه الوصل تاتي
يا دمعتي لا تطلبين المناديل
تكفين يا عيوني من الدمع هاتي
وينه ونيس الصبح و العصر و الليل
في غيبته غابت جميع أمنياتي ..
* ما هوب أنا إللي للعزيزين نساي
يروح عمري و الخوي ما نسيته
* عسى حكم القدر يرفق بقلب ما بغى فرقاك
و عسى الأيام تجمعنا و أحطك داخل عيوني
* "باصبر" على فرقاك و إن عشت محروم !!
"يكفي" خيالك سبه في سروري !!
حتى إنت لا تشتاق لا منت ملزوم !!
أدري بحياتك " منتهي" كل "دوري"!!
ما كان لي وياك بالحب مقسوم !!
بس "أعترف" ( لازلت ) عيني و نوري
* الغالي غاب و غابت مسجاته
مدري يتدلع علي و إلا خايف على فليساته ؟؟
* غيبي يعني إيش لما تغيبين
أنا طبعي كذا أحب التعالي
* لا صرت في فكري .. و أنا في خيالك
ما نفترق لو قال الزمان ( إفترقنا )
* غابوا ما ندري السبب !! لا كلام و لا عتب !!
قالوا الذهب يبقى ذهب .. حتى مسج لا ما كتب !
* أغيب !! و آخذ لي مع الوقت وقفات
ورغم الغياب حبكم ما نكرته
* يعلم الله ما نسيتك و إني أتألم و أبيك و ما من ليله إلا وداعبني خيالك !!
منقوووووووووووول
:26::26::26:
15
8K
يلزم عليك تسجيل الدخول أولًا لكتابة تعليق.
الصفحة الأخيرة
وخاصة الاولى