مسجد حارتي كيف اخذ الاجرفيه ان شاء الله

بيوت الله كثيرا ماتفتقد لاشياء كثيرررررررررررره ولكن بثمن قليل نستطيع ان نساهم في العناية فيه واسئل الله الا يحرمنا اجر ذلك فيه كم فكره تقدري ان شاء الله تسويها وانت في بيتك وتعيني المسلمين فيها على خدمة بيت الله والافكار كالاتي

1-من ابوريالين جيبي فوط حجم وسط مجموعه لاباس فيها وصابون غسيل يد مع حافظه تنحط جواها الصابونه بعد مانخليها على المغسله وجيبي وانت بكرامه شبشب بلاستيك ثلا ث او اربع المهم اقولك كيف تقولي لاخوك او زوجك او ابنك ابغك وانت رايح تصلي تحط الشبشب قدام باب الحمام حق المسجد لن فيه يا اخوات مصلين يجو لابسين كندرة العمل فينزل كندرته ويلبس الشبب علشان يدخل الحمام -الفوط جيبي معها الملصق الحديد لي يلزق بالجدار وخلي لي يروح من اهلك يلزق الملصق ويعلق الفوط لي يتوضاء ينشف ايده فيها الصابون يحطه على المغاسل للي يبغى يغسل فيه بعد مايطلع من دورة المياه والحافظه حقته ضروريه علشان مايذوب فوق المغسله من المويه -


2- اشتري مكناسه مع المقشه وشطافة مويه وحطيهم عند دورة المياه علشان لو فيه عمال ينظفو الحمامات والمسجد يلقو ادوات اضافيه




3- صابون تايد ومعقم ومعطر حمامات من لي تنباع بعشره وكياس زباله وسطلين زباله اوثلاثه للحمام جنب المغاسل وعند باب المسجد وفي اخر مكان للمصلى


4-بخور ومبخره وجمر سريع الاشتعال ولاعه لن كثير من المساجد تنكتم من ريحة المصلين فيبخرو المسجد

5- طاوله تنفع حق مصاحف ومطويات


6-وفيه فكره رائعه انك اتاجري عمال نظافه تبع شركة التنظيف وترسليهم للمسجد علشان ينفضوه نفض بعد ماتحطي خبر عند مسئول المسجد لو كل ثلاث ست شهور تجيبيهم مره واحلى شي قبل رمضان بكم يوم وتدفعي قيمة التنظيف


7-كراسي كبيره النوع البلاستيك لي بعشرين وثلاثين ريال تحطيها داخل المصلى علشان لي تعبان وخاصه كبار السن يصلو عليها وهم جالسين-


8-في الصيف فيه ناس تجيب كرتون مويه لي بنص ريال ويكونو حاطينه قبلها بالبراد بعدين يحطو الكرتون داخل المسجد وافضل صدقه كما تعلمين اختي الكريمه هي صدقة الماء

لادخلنا السوق نضيع نص الفلوس بخرابيط فياليت لونفكر با اخرتنا لو بااشياء بسيطه جدا ممكن تكون سبب في دخولنا الجنه ومنها الحرص على العنايه بمساجد حارتنا--فيه ناس تحرص حتى بتجديد فرش المسجد او اخراجه للغسل المهم من اراد الخير سيدله ربي العظيم الكريم الرحيم من واسع فضله اليه--اتمنى اخواتي لو تقومو بايصال هذا الموضوع لو عن طريق الواتس اب وغيره والدال على الخير كفاعله ومثل هاذي الامور تنفع حتى ان شاء الله صدقه للاموات لو نويتي اجرها له -----