مسج ارسلته لزوجي وش رآآيكم فيه

السلام عليكم
بنات انا بدخل بالموضوع على طول وياليت القى عندكم حل
انا زوجي مدخن وريحت الدخان اوووووووووف تصررررع وانا خلقه اكره الدخان وهو واعدني قبل مانتزوج انه يقطعه ولما تزوجنا على كلامه انه قطعه وانا اشم معاه ريحه وكل يوم مشاكل عشان الدخان :44:
ودائمــــاً انصحه عن الدخان وماينفع واللي يقهرني انه يجحد يقول اعوذ بالله من الدخان من قال اني ادخن :confused-
انا هنا يجي دوري اموووووووت من القهر وهو بارد ماهمه شئ طيب وش الريحه اللي طالعه منك يقول يمكن لأني جلست بجنب واحد يدخن :024:!!!!!!!!!>>>ماتخش الراااااس :icon810:
ومرت ايام وشهور وصارت هوشه بيني وبيني عشان الدخان
ويقول انت تسوين ان ريحة فمي تضايقك وقت وانت تبين تتهربين مني>>>>>>معليش بنات الموضوع جرئ
قلت بكيييفك جعلك ماتتركه ومن هذاك اليوم والريحه تفوووووح منــــــه آآآه منها :icon36:
والله ماتحس فيني اللي عندها زوج مدخن واللمحظوظه اللي زوجها مايدخن
المهم امس آخرالليل طرت في بالي فكره :cool:
اللي هي اني ارسله مسج بكل اللي بخاطري وكتبته وارسلته له عشان لما يصحى على الدوام يقرآه
بكتب لكم وش ارسلتله بس اسمحولي المسج فيه جرأه وانا معتبرتكم مثل اخواتي وودي آخـــذ بآراءكم اللي أثق فيها

لا تدخن واذا جيت من الدوام ومعك ريحة دخان ماني نايمه معك,,
لاتفهم انه عناد او عقاب
لأن عندي مشاعر ومثل ما أنت تبي تنبسط انا بعد ابي انبسط بحياتي معاك
أحبك((:arb:)) بس ليتك تفهمني وتقدر مشاعري

<واتمنى اني ما أنـدم اني ارسلت لك المسج>
.....................................

جاء من الدوام ولا كأن صاير شئ عادي يضحك ويسولف ونام ولا فتح موضوع المسج
و ماأدري وش اللي في رآســه
وش رااايكم بالمسج
اللي عندها رد يبرد القلب ترد علي واللي ردها يضيق الصدر سكوتها افضل:39: