الله يصلحها

اهدأي ولا تسوين من الحبة قبة اكيد اختك فيها شيء مربكها ويمكن وحام اصبري عليها شوي بتهدأ نفسيتها
ويكون اللي صار زوبعه بفنجان باذن الله والصلة بينكم صلة رحم ربنا لا يقطعها بهبة ريح قاسيه شوي
الله يهديها ويريح بالها وتعود المياه بينها وبينك صافيه ويصلح حالها وزوجها
اقرأي عليها وارقيها وهي نائمه
وربنا لا يحرمكم من بعض

انتي ماغلطتي بس يمكن فيه شيء مضايقها في زوجها وماودها تعلم احد

لو انتي في مكاني وطلب منك احد مساعده بتطنشين وانتي الحل بيدك ولا بتساعدينه بدون تردد؟؟؟


أي شخصين في الدنيا متزاعلين وطلب واحد منهم أتدخل ممكن أتدخل لكن إلا الأزواج ماأتدخل بينهم

إذا تصافوا نسوك وإذا تطاقوا لـ ....

وبأقولك على نفسيتي أنا ومالي شغل بغيري

أنا عني ياوحده ما أحب الموية تمشي من تحتي وأنا مثل الهبله ما أدري عن شي

ودائما أقولها لزوجي ولعيالي .. تقولون لي أحب لي مليون مرة من أدري به بعدين من غيركم


أختك انهارت من كبر الحاجز اللي بينها وبين زوجها

حست أنه بعيد أو هي بعيدة ولا تلومينها

إنا بشر ونختلف بتفكيرنا ونفسياتنا البعض يفسر تصرفها دلال أو تحب المشاكل

وهي السالفة مهيب كذا ،، لو أنه صار لي بأقول له من بعدي عنك رايح تدور أختي علشان تحل مشاكلنا

وش فيها لو صارحتني وقلت اللي بقلبك كله هي أختي بتصير أقرب لي منك في هالأمور

رايح لأختي البعيدة عنك تشكيني لها وأنا رأسي برأسك على المخدة

ياكبرها عندك لو أشكيك لأخوك .. كيف تشكيني وتطلع مشاكلي اللي بيني وبينك ومن وراي

وأنت تضحك بوجهي ولا كأنك مسوي شي وأختي مثلك تضحك بوجهي ولا كأنها مسويه شي

لين أكتشف بنفسي .. لهالدرجة تستغفلوني

عبيطة عندكم أو هبلا

يازوجي العزيز ...قل لي وش يزعلك مني وأنتي يا أختي الحبيبة .. صارحيني قولي لي وش قالك زوجي عني

اجرحيني بأي شي إلا بالثقة اللي بيني وبينك

قوية .. قوية

اللي صار لأختك جرح .. جرح في الكرامة وجرح في مشاعرها وجرح في الثقة اللي بينك وبينها وبينها وبين زوجها

أختك في نظري ذبحتيها وزوجها هو اللي قرب لك السكين حتى بس تتخيلين وتحسين حجم الكارثة



طلبتي رأيي وصارحتك ..

و الله يكون بعونك وتقدرين ترجعين الأمور مثل ماكانت

والأفضل في هالفترة أنك تبعدين عنها شوي لكن لا تجفين