صباح /مساء ...... الخير
اليوم سويت العشا مسسسسسسسسسسحب
نجي للطريقه
بسم الله
صدور دجاج بدون عظم وجلد انا احب المبرد وكل وحده وذوقها اذا تحبو المجمد حطوه
غسلتها وقطعتها بالطول
رصيتها في الصينيه تبلتها بالملح والبهارات المشكله المطحونه (( فلفل - كمون - كزبره )) والبهارات الحب (( هيل _ قرفه _ ليمون ناشف _ شب _ عود نقع _ ورق غار))
قطعت البصل والثوم والفلفل الاخضر قطع صغيره اضفتها عليها
واضفت عليها كوب ماء
وغطيتها بالقصدير خليتها على المطبخ ساعتيييييين
جهزت التغميسات الثلاثه
دقيق ابيض مع قليل من الملح والبهارات
بيض خفقته معاه قليل من الملح والبهارات
واخيرا
الخلطه الرااااااااااائعه للمسحب
اللي هي
فتات الخبز (( خبز صامولي جابوه اخواني طازج من الفرن وكان لين مرررره قطتنه قطع صغيره وحطيته في صينية الفرن شغلت عليها من فوق وتحت مع بعض وخليته بس ينشف شوي وخرجته برا وخليته شوي بس دقائق وبعدين طحنته في المطحنه واضفت له ملح وفلفل مطحون ))
واذا كان الخبز في الثلاجه مايحتاج تحطينه بالفرن خرجيه وقطعيه واطحنيه علىط وووووووووووول
واللحين نبدا بترفيه الدجاج حرام يكسر الخاطر ساعتين وهو مغطس ومحبوس مع البصل والثوووووووم
بس الرييييييحه عذاااااااااااااب
ونغمسه في الدقيق وبعدين البيض وبعده الفتات
وهذا شكله شوفو كيف ما شاء الله
قلت لاخواني نقول للبيك يقفل <<<<<<<<<< شكلي حلقى هجووووووووووم
وعلى الفريزر نصف ساعه
وبعدين جهزي الزيت
وقليه
وهذا احلى طبق لعيونكم الحلوه
على فكره اخواني عجبهم بس قالو ......... حرام خلي البيك يسترزق ....... ههههههههههههههه
بالعافيه على عيونكم هههههههههه
اتمنى انكم تجربونها وتعجبكم
والله بالفعل مسحب روووووووعه بس مو زي البيك <<<<<<< خافت من التكفيخ
طبعا احلى يبقى لطبخ البيت نكهته الخاصه
وسامحوني على الصور من جوالي :44:
على محبة الله نلتقي وعليها نفترق
دمتم بكل الود
اختكم
بنت البحر الاحمر