مسخرة مستشفى الحبيب..ولا مستشفى حكومي الصراحه انصدمت

السلام عليكم ورحمه الله وبركاته

كيفكم بنات
تذكروني انا اللي نزلت عندي سدادة الرحم والدكتورة اساسا من قبل كاتبه لي دخول يوم السبت بطلق صناعي
المهم رحت فجر السبت قلت احسن قبل الزحمة ..
المهم دخلنا الاستقبال حق الطوراي قال ماتقدر ترجع بكرة..؟؟؟؟؟؟
وش اللي ارجع بكرة
قال ان المستشفى فل فل فل مافي ولا غرفة فاضيه لا جناح ولا عادي ولا ملكي كل المستشفى فل واذا حالتك ماتستحمل تاخذين ملفك وتروحين لاي مستشفى ثاني؟؟؟؟؟؟؟؟؟؟؟؟؟
طيب وانا وش اسوي ياللي لي سنه اتابع بالحبيب وابي اولد فيه عشان دكتورتي
المهم وادخل جوا قلت يمكن تكشف علي الدكتورة وتشوف وشلون هل احتاج تنويم ولا لا؟؟
طبعا رحمي فاتح 2 سم وانا بكرية ونازله عندي السدادةواليوم ادخل 42 اسبوع لاحظو ..
طبعا الممرضات عسل وشوي الا يصيحون معي لان خنقتني العبرة حسيت نفسي شحاذه
قاسو لي الضغط والحرارة وسوو تخطيط للبيبي وكل شي سليم الحمدلله وجت الدكتورة مدري منهي بس شافتني من عند الباب وطلعت ماتكلمت معي..
ومير تجي رئيسه الممرضات الله يجزاها خير وهي شوي الا تصيح
تقول قسم بالله مافي مكان نولدك فيه..متخيلين؟؟
انو عندنا اربع حالات بعضها مولدات وبعضها لا وكلها بغرف الولادة لان مافي مكان يقعدون فيه لا غرف ولا اجنحه ماراح تفضى الا الساعه 12 فحرام تقعدين عندنا وانتي حالتك ماتستدعي الحمدلله
المهم قلت دقو على دكتورتي واسالها اول
دقو قالت لهم تطلع بس تجي بكره الصبح ..
طبعا طلعت وانا اصيح ورجلي يسكتني يقول الخيرة في ما اختاره الله
وانا ادري وانا ان شالله ادري انه خير لاني مستخيره ربي قبل لا اطلع وان شاء الله ربي راد عني شر ..
له الحمدوالشكر سبحانه

بس انصدمت بالوضع بالحبيب؟؟كيف يصير كذا
ادري انه مالهم ذنب بس ولو احس انهم صارو زي الحكومي ..طيب لنفرض اني انا طلق طبيعي والراس بيطلع وش بيسووون فيني؟؟

الشي الثاني قال زوجي للرجال شلون طيب حنا نبي جناح معين ولنا الحق في الاختيار
قال مالك امل لانه ممكن اذا جت ولادة زوجتك يصير اصلا مافيه الا غرفه مشتركه ولا جناح ملكي ولا جناح عادي
يعني الاختيار والحجز مافيه
حتى الرجال حق الاستقبال يقول لزوجي والله ماندري وش نسوي اول مره يصير عندنا ضغط بس بالاجازه
وبسبب الطلق الصناعي انهم صارو يجون بمواعيد..

وه يابنات ضاق صدري مع اني متاكده انه عين الخيرة لي بس مدري فيني ضيقه استغفر الله
احس نفسي كنت مستعده ورايحه خلاص ان شالله المغرب اقول لنفسي ابببشر امي..
يالله الحمدلله على كل حال ويارب اجعلني راضيه وارضى يارحمن عني..

وشرايكم باللي صار