امس قعدت افكر شسوي على الفطور بصراحة كنت تعبانة الله يبعد عنكم الشر حاشني فيروس ( منتشر عندنا هالايام ) الله يكفيكم شره صخونه ( وشي ثاني )
فكرت باكله سهله وفي نفس الوقت تترس العين والبطن
المهم رحت شريت من الجمعية كيس خبز صاج ورجعت البيت وطلعنا دجاجة وقطعناها 4 قطع وبعدين فحناها مع البهارات العادية وفي هذا الوقت قمنا وقطعنا 5 روس بصل اجنحة رقيقة وحمسناهم مع زيت زيتون وشوية ملح وفلفل اسود وصنوبر وسماق (كثري منه )
وبعدين حطيناهم على جنب ورحنا حق اختنا الدجاجة وقليناها بالزيت علشان نعطيها لوك حلو ومحمش
الحين يبنا خبزة الطاج ودهناها شوي بزيت الزيتون وحطينا ملعقتين كبار من خلطة البصل وحطينا فوقهم قطعة من الدجاجة وطوينا عليهم الخبزه فصار عندي مثل البقشة وحطيناها بصينية الفرن بحيث يكون الجهة اللي فيها الطويات من تحت ودهنا الوجه بزيت الزيتون وسوينا مع كل القطع نفس الطريقة ودخلناها بالفرن علشان يتحمش الخبز ويصير متقرمش
طلعناها من الفرن وصفيناها بالصينية وقاموا الجماعة ياكلون الدجاجة مع الخبز المقرمش ويدعولي( اكيد مستغربين من صيغة الجمع بصراحة انا كنت اعطي الاوامر والخادمة تنفذ)
جربوها ترى سهله ولذيذة
كفته @kfth
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
يعني احط قطعة الدجاجة لحالها بدون ما افتتها او اقطعها الى شرائح
ينعي ماتطلع البقشة كبيرة وايد؟
مشكورة وشكلها لذييييييذ
بجربها اليوم لكن بعد ما اقطع الجاجة وبشوف شلون النتيجة
يعطيج العافية انتي والخدامة:)