مااااا بحب المقدمات
يلا عالاكل عل طوول
اليوم غدانا كان مسخن فلسطيني >>> اكيد طبعا
اتعب و اقول لذيذ لذيذ لذيذ
ويلا نبدا
بنحتاج اول شي لعمل التتبيلة :
10 بصلات حجم وسط مقطع كبير
(ما تستغربو من عدد البصلات المسخن روحه البصل يعني بدون بصل مافي مسخن)
سماق بلدي حامض
ملح
فلفل اسمر
كمون
زيت زيتون بلدي تقريبا كوب
عالنار بنقلب البصل مع كوب الزيت ( برضو ما تستغربو من الكمية)
بنتركهم عالنار يدبلو ( ما بنحط مي ابدا ابدا)
تقريبا ربع ساعة مع التقليب المستمر
بس يصير البصل لونه شفاف يعني تدبل زي كدا
بنضيف عليه التوابل اللي قلتها فوق
وهي صورتهم للتاكيد
(ملح - فلفل اشمر شوي صغيرة - كمون - ملح)
وبنقلبهم بيصير البصل لونه كدا
وبنرجع نتركه شوي عالنار واذا بيحتاج زيت بنضيف كمان زيت زيتون
بنترك البصل عالنار وبنبدا بتحضير الدجاج
دجاجة او حسب المقدار تبعك
انا استخدمت دجاجة وزنها 1200 جم
بنضفها وبنشيل الدهن وبنضفها بطحين وخل وليمون وبنغسلها منيح وبنسلقها
زي كدا
بصلة صغيرة بنقلبها بعدين بنضيف الدجاج ومي مغلية
وبعدها بس يغلي الدجاج بيطلع الرغوة اللي فوق بنسميها الزفرة والبعض بيسميها الريم
بنشيلها
بيصير كدا
بعدها بنضيف البهارات
(هيل مطحون - زنجبيل مطحون - اعواد روزماري- قرفة عود- 4 كبش قرنفل)
وبنتركها تغلي على نار هادية مدة نص ساعة
وبتستوي بتصير كدا
يتبع
نكمل
بنشيل الدجاج وبنضيفه مع البصل والسماق علشان يكتسب الطعم ويتشرب نكهة السماق
ويكتمل سوا الدجاج
اذا احتاج البصل مرقة ممكن نضيف شوي من مرقة الدجاج ملعقة فقط
وبنتركهم ربع ساعة
بعدها بنشيل الدجاج وبنصفه بصينية فرن
وبندهنه زيت وشويه بهارات دجاج
و10 دقايق بالفرن بيصير كدا
نرجع للمسخن
بنجيب خبز الشراك (نسيت اصوره)
بنسقيه بمرق الدجاج وبندهن عليه البصل وبنرشه بالصنوبر واللوز
وبالفرن بس ليتحمر شوي
ما بياخد دقيقتين
وبنرص الطبقات فوق بعض
انا عملت خمس طبقات
وبنرص الدجاج فوقه
وبيصير عنا اطيب مسخن
والمسخن ف مافي شي بيتاكل جمبه الا سلطة اللبن بالخيار
بنحتاج
خيار مقشر ومقطع صغير
لبن زبادي
ملح
نعناع ناشف
ثوم ( اختياري) انا ما بحبه
وبيصير كدا
اطيب سلطة خيار باللبن
وان شاء الله يعجبكم المسخن تبعنا
واكييييييييد مسخن الامهات والجدات غيييير بس برضو مسخني طيب كتير
جربوه
والحلى عملتلكم اليوم
حلى النسكافيه اتمنى يعجبكم
وهالصحن لاول وحدة ترد
وهالله هالله بالردود الحلوة
ودمتم