لاتثقي بحدا الا بامك واخواتك.

السلام عليكم ورحمة الله


لا تجعل شهادة الناس فيك مقياسا لتصليح نفسك
بل اعرضها على الكتاب و السنة لانها لن ترفع من درجاتك عند ربك
و لن تزحزحك عن النار يوم يتبرأ الذين اُتُّبِعوا من الذين اِتَّبَعوا ""

تذكري اربعة امور في كل موقف مزعج يمر عليكِ
مبادئك
إنسانيتك
صغر هذه الدنيا
وسرعة دورانها
............🍃

رائع

هي نصايح من القلب ... لك وللكل ..
انصحك لاتبعدين على الله مهما كانت حياتك كلها مشاغل
وانصحك احفظي كل شي حلو بحياتك بعيد عن عيون الناس لان ماراح يدوم من تشوفه عيونهم.
انصحك لاتشمتين ب اي احد لان راح يندق بابك بنفس هالشماته
لاتزعلين نفسك على توافه الدنيا لان الصحه غاليه هي والروح .
عزي نفسك بقد ماتقدرين وحاولي ماتعتمدين ولاتعلقين حياتك واملك ب اي انسان او تنتظرين احد يشيلك لاطحتي بموقف او بمشكله بعيد الشر عنك لان حنا بزمن كلن يشيل يده عن الثاني ونفسي نفسي
احسني الظن لكن لاتكوني غبيه وخليك واعيه وفاهمه للي يصير بكل حياتك عشان تتفادين الصدمات او تكون اخف عليك.
اهتمي بنفسك دلعيها وسوي كل اللي بخاطرك فيه وانتي بكامل صحتك قبل ماتكبرين او قبل ماتقل قوتك بتصرين وقتها سويتي وحققتي كل اللي تتمنينه ..
عيشي اللحظه بكل مافيك لان الوقت واليوم مايرجع واللحظه ماراح تكون نفس الأمس وعيشي اليوم بكل طاقتك وتفادي كل شي يعكر لك مزاجك.
كوني لنفسك كل شي اسعي لكل شي يحقق لك سعادتك عيشي لنفسك اولاً ثم لأحبابك لان الكل بيفكر بنفسه حتى لو اهتمو فيك بيكون اهتمامه اكثر لأنفسهم عشان كذا اهتمي لنفسك اولا ثم للي تحبينهم
واخر شي بقولك هالدنيا ماتصفى لأحد عيشيها ب امل وصبر وتفائل وتوقعي كل يوم الخير مهما ضاق شي بحياتك لان هالشعور بيصير يوم من الايام لك .