همس الوفاء2005 @hms_alofaaa2005

عضوة نشيطة

مسـاعدتكم أخـواتي الغاليـات ..

السلام عليكم ورحمه الله وبركـاته ..

مسـاء الخير ,,

بنـات ارجـوا مساعدتكم ..

اخـوي عنده مسابقة لأفضل اعداد لبرنامج للأسر ..

ويبغى أكلات خفيفة تكون بوقت المغرب .. عطوني آرائكم يالغـاليات ..

دمتـمـ بـوود

557

يلزم عليك تسجيل الدخول أولًا لكتابة تعليق.

تسجيل دخول

كت كات كرانشي • 16 سنة

وعليكم السلام ورحمة الله وبركاته

غالبا وقت المغرب تكون معجنات خفيفة مثل ميني بيتزا وكروسان وفطائر مشلكة

او سندويشات لبنة وجبنة تقطعيها صغار

دليهانه • 16 سنة

للرفع

سحر 2009 • 16 سنة

المغرب معجنات وحليات غالبا
تقبلي مروري :27:

حفيدة حصه • 16 سنة

سوي لهم اكلات تدفيهم بهالبرد
حنيني
سوفليه
وممكن معجنات والمنتدى مليان افكار
http://forum.hawaaworld.com/showthread.php?t=1340897
ولا تنسين المشروبات الساخنه
ونوعي فيها عشان ترضين كل الأذواق

نزف المحاني • 16 سنة

شوفي تطبيقات الاخت فنون نجد ...

وهذي مكرونه اسباجتي باللحم المفروم والجبن
الطريقه
سلقت مكرونه بالماء والملح والزيت 20 دقيقه
وحمرت بصل وثوم وبهارات وفلفل اسود وثوم مطحون وكمون ناعم واضفت عليه وجزر مبشور وفلفل بارد مقطع ولحم مفروم وملح
مع التقليب المستمر
حطيت المكرونه في الصينيه ثم طبقة اللحم ثم جبن موزريلا وبالفرن ثلث ساعه

وهذي بعض الصور بالخطوات

وهنا توست باللبنه والزعتر

وطريقته قطعت التوست مثلثات ودهنته بجبن سائل مخلوط مع لبنه بالمضرب اليدوي ورشيته بزعتر ودخلته الفرن من تحت ثم حمرت شوي من فوق وكله ب 10 دقائق

وهذا الصامولي بالصلصه البيضاء وسبق ونزلته بالتطبيقات سهل وسريع وماافيه احسن منه مع الشااي دايم يفك ازمااتي اذا ماعندي شي والعيال ينتظروون شي مع قهوة المغرب

قطعت الصامولي حلقات ودهنته بالصلصه ودخلت الصينيه تحت المشواة من فوووق الين يتحمر 5 دقائق فقط
بس الافضل افرش الصينيه بالقصدير قبل احط الصامولي

طريقة الصلصه
اسيح ملعقتين زبده عالنار واضيف 4 ملاعق دقيق واحركهم بسرعه واضيف حليب المراعي أو غيره
تقريبأ 3/4 كوب مع التحيك المستمر الين يغلي واخر شي اضيف ملعقة مسترده وعلبة جبن كرافت مبشورواحرك حتى يذوب الجبن وعلى طول ارفعه عن النار وابداء ادهن الصامولي

وهذي بيتزاء الكيري السريعه
مذااق ولا اروووووع

وهذا الرابط

http://forum.hawaaworld.com/showthread.php?t=1329208

وهنا فطائر بحشوة اللحم وشي بالجبن والسماق واللي بالجبن والزعتر وكرواسون

دخلت المطبخ وكونت العجينه من أم افكاري اول مره اسوي هالمقادير وطلعت حلوووه وهشه ولونها ذهبي ذهبي بشكل يلفت الأنتباه

ومقاديرها
كوبين ونص دقيق
ملعقة خميره
نص فنجال سكر
ملح
اقل من ربع الكوب زيت
كوب وربع حليب سايل ودافي
واعجن واعجن واضربها ضرب واخمرها ساعه ونص

وشوفوها ياحلاوتهااا

ـــــــــــــــــــــــــــــ

وهذا رابط الكيكة المالحة بالجبن ...

http://forum.hawaaworld.com/showthread.php?t=1431515

فطاير السبانخ ....

http://forum.hawaaworld.com/showthread.php?t=1492349

وهذا بعد توست بخلطة البيض والحليب ...

http://forum.hawaaworld.com/showthread.php?t=1484056

وهذا رابط لــ خفايف بالتوست ...

http://forum.hawaaworld.com/showthread.php?t=1430149

وهذا رابط موضوع قهوة عقب المغرب ....

http://forum.hawaaworld.com/showthread.php?t=1308959