هذا ناعم بس وجهه نظري الخاصه لاتفكرين تلبسينه اذا في بشرتك عيوب ليه لانه مايتحمل مكياج حاد وقوي مثلا وشخبط شخابيط بالمكياج .. يادوب كم ضربه على اكسسواريز مره خفيف وتطلعين بيرفكت فيه





هذا ابيكم تركزون على اللي فيه حلقه بالنص هذا النوع من الماكسي لاتكثرين معه اكسسوار ابد يالله اسواره وحلق صغنون ناعم وبكله صغنونه بشعرك وبس ...



هذا حلو وومناسب للجميع على فكره وكل الوان البشرات يجي عليها



شوفوا التداخل كيف راقي مو دوائر احمر برتقالي واسود مع اصفر مع حلزونات بيضاء ونقط وردي << والله من جد فيه كذا للاسف فيه حريم وبنات تلبسه



عجبتني مره حركه الاكمام من فوق




مره فخم ومناسب لتجمعات يعني البسيه وانتي مره مرتاحه لانه فعلا قمه بالاناقه


وبكذا اكون خلصت معكم اغلب اشكال فساتين الماكسي الدراجه بالاسواق مشجر وساده



ملاحظاتي الخــــاصه ....

* الماكسي بنظري موضه ماتموت ولاتنتهي ولازم كل وحده يكون عندها اقل شي فستانين ماكسي للازمات .. جوك جاراتك .. عزيمه عند اهل وصديقات .. استراحات .. شاليهات .. حمولتك

*(( تراها عاريه ياضوء شلون تنلبس ))
احلى مافي الماكس انها تتستر باساليب كثير مره وروعه ...
ممكن تسوين لها جاكيتات دانتيل ملونه ..
ممكن تسوين لها اكمام شيفون جبنيز ..
ممكن شال من الخيوط وتلفينه ببروش ورده
وانتي واللي تاخذينه كيف يناسبه التستير

*الماكسي حلو فيه انه موديل شبابي مثل مايقولون فياليت تختاري اغلب الوانه فرايحيه

*مو لازم اكسسوار كثير مع الماكسي .. ساعه وخاتم

او حلق واسوره ويكفي

*شنطتك وشنطتك وشنطتك وحذائك وحذائك وحذائك .. طقميهم مع الماكسي ..
بصراحه مو حلو ابد وانتي كاشخه بالماكسي ومواكبه الموضه وماخذه لي شنطه كلاسيكي مثل شانيل او بربري كلاسيك .. اتخيل منظرك تحفه بصراحه ..
خذي شنطه مظهر سبورتي شوي معه او انها اقل شي مناسبه اللون معه
وحذائك الفلات بس مو رياضي (( تراني قلت مو رياضي )) فيه بنات يلبسونه ومنظر لاتعليق
فلات ناعم الوانه تركب معه اللي لابسته
الجزم العاليه الكلاسيك ماتركب مع الماكسي الا لو كان فيه مثلا شوارفسكي وفخم كنه لسهره ..

او صندل مفتوح ناعم مو شرط فلات حتى لو عالي


*بنات لازم مع الماكسي مكياج مضبوط ... وبدكير ومنكير وتفنني بالالوان لازم لازم لانه مظهر بسيط وانيق فاهتمي

وعلى فكره ممكن تضيفي طوابع التاتو بيدك عند المعصم ..او باعلى الكتف مثلا ..
(( للمتزوجه افضل )) وكل مره تغيري بالماكسي

واما الشعر عندك باندات وربطات وشالات وحركات بدعي ..

او الخلخال اللي بدون صوت برجلك مثلا مع الفلات الصندل

مشكوررررررررررررررره مجهود متعوب عليه

مشكوررررررررررررررره مجهود متعوب عليه

عدنــــــــــا وبشغله جديده اكــــــــيد ....
وهي (( الشنط))
مافيه احلى من الشنط .. ولا اعز من الشنطه هي مستودع اسرار السيده والفتاه الانيقه تعرف من شنطتها ..

وقبل لا ابتدي حــــــــابه اعرض لكم شغله قبـــــــيحه ... مو عاجبتني وللاسف ماليه اسواقنا بشكل فضيع ..
ونشوف مع بعض اول شي الشي اللي اقصده ...



فندي ... كلنا عارفين هالماركه حلوه صح .... وهاللون من كولكشن فندي اصلا مو موجود نهائي عندهم





عاد ذي من فندي اتحــــــــــــداكم تلقونه الا عند بو هنود وب 150 ريال وفوقها 50 حلف انها اصلي
اصلا فندي ماعندهم هالشكل نهائي



الفيرو مارتيني ... لو درى الفيرو مارتيني انهم منزلين له شنطه كذا ماقد نزلت عندهم صدقوني بيعتزل الماركه نهائي ويبسط بالحراج ابرك ..




شانيل.. الله الله ياشانيل شوف بس وش مسوين لك شنطه بحياه شانيل كلها مايحلم ينزل مثلها
وش هالتقليد الخرافي والبلا انه سعرها هذي هذي وبتقليدها الغبي لايقل عن 500 ريال وهي اصلا ماتشابه طبق الاصل كولكشن شانيل..ويقولون انها طبق طبق الاصل وين طبق الاصل ووينها ..


كارولينا هريرا... بعد ماشاف هالشنطه ماعاد بينزل ولا شنطه خلاص اعتزل المهنه
مدري من وين جاي هالتقليد والبلا انه سعرها مايقل عن 250 ريال ليييييييييييه


ال في .. بصراحه ال في ما اخبر نهائي عندهم شنطه مثل هذي الي مقلدها بصراحه عبقري والبلا سعرها 300 ريال بالسوق واحيان ب 150


تكفوون يقولون هذي قوتش ياترى صحيح .. الظاهر مشبهين خالطين ماركتين وقايلين انها قوتش الله واعلم




بربري
اكثر ماركه تتعرض للتقليد الغبي .. لا خامه ولا شكل ولا اصلا تشبه الاصليه ...
واللي يذبح سعرها ...

برادا..برادا يتعذر نهائي وحالف ماعاد ينزل لكم شنط بعد ماشاف هالتقليد الاحول بصراحه ..
تقليد مبتذل قيمتها هذي هذي المقلده حول 600 ريال يوقلون انها برادا




عاد هذي سمعت انها ال في ..لويس فيتون بس ليه لويس يخرب سمعته بالشنطه ذي ..
تدرون لها 50 مليون ريال سعودي اللي تجيب لي في اي كولكشن نزلت هالشنطه على فكره ماتسوى 5 ريال وقيمتها حول 120 او اقل بشوي بالسوق تخيـــــــــــــــــــــــــلت وا




هالجزئيه مو للطماشه مثل مايقولون ..
ولكن لتفتيح العقول يعني بالله مو حرام تقطين مبلغ وقدره على شنطه ماتسوى 5 ريال ... مع احترامي للي معهم شنط زي كذا ...
شنطه تلقليد غبي ماتستاهل 5 ريال اروح ارمي عليها 50 او 100 او 200 او 300 والبلا فيه ناس الله يسامحهم يبيعون التقليد هذي على انها تقليد هاي كواليتي = تقليد نسخه طبق الاصل
جزئيتي هذي ابي كل وحده تنتبه وماعاد تدفع مبالغ على شنط زي كذا ..
اشتري شنط صينيه ..كوريه ..ماركات عاديه مو مشهوره ولا تحطين مبالغ على شنطه(( قبيــــــحه )) لمجرد انها ماركه وهي اصلا تقليد تحت رخيص لماركه مشهوره ..ليته طبق الاصل بعد ..





يتـــــــــــبع

عدنـــــــــا ..
كيف تعرفين شنطتك اذا كانت تقليد رخيص .. او تقليد ... ماستر او هاي كواليتي مثل مايقولون ..

1 - دوري بالكولكشن تبع الماركه اذا كان فيه شنطه تشبه لها لو لا وتمقلي زين ..

2- الشنط الماركه مستحــــــيل تجي مبطنه من جوا بقماش نفس الماركه ...مثل اللي نشوفهم وللاسف تنباع على انها تقليد درجه اولى وهي تقليد صيني رخيص وتنباع بمبلغ لايقل عن 1000 ريال او لايقل عن 500 ريال وهي ماتسوى 200 ريال بس عشانها من جوا مبطنه بقماش نفس الماركه حسبالهم الاصليه ...

3 تقليد الماركه الماستر اللي تجي تقليد طبق الاصل يجي معه دست باق= الحقيبه القماشيه او الكيس الخارجي القماشي ..
وكرت وطبعا السريال نمبر بعضهم يجي لها ...واقصد التقليد الهاي كواليتي= تقليد نسخه طبقالاصل ..

وبعضها لا طبعا السريال احيان يحطونه من قوه الشبه بين هالتقليد الهاي كواليتي وبين الماركه الاصليه فقط
..((وعشان تتاكدي ولا تنغشين لازم تزوري اقرب بوتيك للماركه وتعرفين اذا كانت هذي فعلا اصليه ولا بس تقليد نسخه طبق الاصل ..حتى ماتنغشين اذا جيتي تشترين شنطه من مصدر غير معروف على انها اصليه .تنباع لك على انها اصليه وهي تقليد ))
فايده السيريال نمبر ..
الشنط طبعا اقصد الماركه الاصليه ...من الشركه الام تصدر عدد محدد من الشنط وكل شنطه لها رقم بحيث انك تزوري بوتيكها في اي محل حول العالم وتكون شنطتك معروفه وتتصلح عندهم بضمان خاص لها ..وهذا الضمان يحدده السيريال نمبر ..
او في حاله تعرض الشنطه للسرقه تكوني عارفتها من السيريال نمبر ...









هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 693x428 و بحجم 39KB.


شوفوا معاي من جوا كيف تقليد الهاي كواليتي يجي نسخه طبق الاصل عن شنطه الماركه الاصليه وماتفرقينه عنها ابد وهالشكل اكيد كلنا شفناه بالاسواق ... شايفين قطعه الجلد هذي هو السيريال نمبر .. على فكره هذي تقليد نسخه طبق الاصل ماتنفرق عن الاصليه



لايفوتكم الكيس جوا .. والقماش المبطن وتنباع للاسف على انها تقليد درجه اولى ...واحيان تنباع بالسوق العادي بذمه وضمير بسعر لايقل عن 150 ريال وهي ماتسوى اصلا ..




تقليد كوتش من الداخل

شايفين كيف من جوا تقليد الماركه يجي وللاسف بعض التجار والتاجرات يبيعونهم على انهم تقليد درجه اولى نفس اللي فوق ولا لاحظوا بعد الاكياس اللي جوا الشنطه البلاستيك نشوفها تتوقعون اصحاب الماركه مستعدين يحطون نفسهم بزحمه ورق وبلاستيك ..
ماتستاهل حتى 150 ريال


شوفوا تقليد الهرمس الغبي ...
شايفين الكرت هذا اللي برى مستحيل مستحيل يجي مع الماركه الاصليه





هذي هي هيرمس الاصليه ...وطلعوا انتم الاخطاء السبعه وللاسف اللي فوق تقليد رخيص مايستاهل 130 ريال وبعض التجار والتاجرات يبعونهم على 700 ريال واحيان توصل1500




















هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x400 و بحجم 73KB.


هذا دست باق = الكيس الخاص بحفظ الشنطه والكرت= اللي فيه معلومات عن الشنطه ومن اي كولكشن وباي سنه وكذا وضمان للي ماتعرفه
هذا لماركه كوتش اصليه ..

وطبعا كل ماركه لها دست خاص فيها


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 38KB.


وهذي اصليه بعد لويس فيتون او ال في مثل ماتحبون تسمونها وهذا الدست باق الخاص فيها