نكمـــــل مع بعض عالم الصبغات بعد ماتكلمنا عن اشكال الوجوه .. وش يناسبها وش المفروض نبتعد عنه ...
نتكلم الان عن الوان البشرات وكيفيه اختيار لون الصبغه المناسب لها ...

اخر شي بوريكم الهبات والموديلات الجديده اللي جات لنا واللي راح تجي بسنه 2010 ...

بس حابه اعطيك نصيحه يابنات .. حلو الوحده تتبع الموضه في اصباغ الشعر .. بس مو حلو تصبغين صبغه بشعه .. وماتناسبك عشان بس عالموضه ..
كل ماكان الشي مناسب لك كل ماكان احلى وانتي حره اكــيد


اولاً البشــره البيــضاء ::
وتناسبها اكثر الالوان ..
البني .. والاحمر .. الاشقر .. بدرجاتهم ..
الاسود يضفي على البشره البيضاء جداً شحــوب مو حلو ..
مثل هالصور اللي بنشوفها
... طبعا هذا بصوره عامـــه يابنات .. يعني كل بشره لها التدرج اللميز اللي يناسبها فانتبهوا للنقطه هذي ..

الاشقر البشــــــره البيضاء والحنطيه المائله للبياض ....


على البشره البيضاء والحنطيه المائله للبياض ...

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 47KB.


شايفين الاشقر مناسب جداً مع بشرتها .. ومعطي مظهر طبيعي وناعم لها ...
شوفوا لون عيونها على بني بس راكب معها الاشقر .. ولاحظوا لون الحواجب مو عندنا الحواجب لوون .. والصبغه لون لازم فيه تنسيق عشان نطلع بنيولوك..
بس الاشقر هذا مايناسب الحنطاويات المائلات للبياض .. >> وجهه نظري



وهذي بعد لون عيونها ازرق فاتح .. طبعا الله يخلي العدسات لنا .. بس لون بشرتها متناسق مره مع ااشقر ...
ونفس الشي حنطيه على بياض مايجي معها

كيف تختارين اللون الاشقر المناسب لك ...

خصل الميش والخصل الباينه تراها موضه قديمه مره وبشعه يابنات .. >> هذي وجهه نظري

اللولايت اهون منه وارحم رغم انه برضوا قديم ..
الجديد التخصيل اللي يبين طبيعي .. بس ماعرف الطريقه اعذروني ..

اذا كانت بشرتك بيضاء ولون عينيك أخضر أو أزرق
راح تلاقين إن اللون الأشقر الرمادي والأشقر البني هما المناسبين لكِ وابعدي نهائيا عن الأشقر ((الذهبي المائل للاصفر))<< ابشع لون على الاطلاق مهما كانت بشرتك حلوه هاللون بشع بشع

• أما إذا كان لون بشرتك أبيض ولون عينيك عسليا
راح تلاقي إن اللون المناسب لك هو الكستنائي الفاتح أو البني المائل للأشقر أو النحاسي << مو النحاسي اللي كنه سلك نحاس بلمعه لا لا يابنات المقصود فيه المطفي المايل للشقار مثل هذا ...

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 508x467 و بحجم 34KB.







• وإذا كانت بشرتك بيضاء او حنطيه ولون عينيك أسود
راح يكون اللون المناسب هو الاشقر العسلي الغامق بدرجاته .... على فكره هو الدارج الان ..


طريقه خبراء التجميل في تحديد الظل الاشقر المناسب لك ...
كنت لاتحبين المغامرة في وضع لون غير مناسب لك ولبشرتك

إذا كنت من النوع الذي تناسب بشرتك الألوان الوردية فأنت تناسبك الألوان البنية والعسليه ودرجاتها
أو ضعي إشارب وردي على رقبتك لمعرفه النتيجة المناسبة لك

ثم ضعي إشارب برتقالي فإذا ناسب لون بشرتك فأنت تناسبك الألوان الحمراء والنحاسية....

عـــيوب الشعر الاشقر ..

* يجفف الشعر ويسبب تقصفه وتكسره بسرعه ..

* لون مايتحمل الحراره والمعامله القاسيه والكلور يزيد الطين بله ...

* لون محتاج معامله بعنايه وحذر وحرص .. وعلى طول محتاج ترطيب ...

* لون مايقبل الوصفات العاديه .. زيوت وخرابيط ينعدم ويعدم شعرك فوقه ..

* شعر مدلل جدا ويحب المستحضرات اللي تخصه بس وطبعا تبين لون اشقر ..
صحي + قوي + جميل = مستحضرات تخصه مثل كيراستاس .. او لوريال .. او اي ماركات من النوع الممتـــاز ...


يعني اللي ماعندها وقت للعنايه والاهتمام والترطيب

اللون الاحمـــر والبشره البيضاء والحنطيه المائله للبياض ..



روعه الاحمر بصراحه ..



درجه ثانيه من الاحمر ودرجه قويه بعد .. جرئ
بس مايناسب اللي لونها جاي على صفاآآر ... بيطلع يضحك

كيف نعرف انه الاحمر مناسب لنا او لا ..

اختيار اللون الأحمر لشعرك اختيار جرئ لأنه لون رائع ويحتاج فقط لان تعرفي هل يناسب لون بشرتك أم لا. إذا كانت إجابتك عن اثنتين من النقاط التالية بنعم فهذا يعني أنه يمكنك اختيار اللون الأحمر ...


1- إذا كانت بشرتك فاتحة تميل للون الوردي يمكنك اختيار اللون الأحمر لشعرك بسهولة ودرجات كثيرة منه ستبرز بشرتك ولونك وتمنحك نضارة. أما إذا كانت بشرتك تميل للون الزيتوني الذهبي فسيكون من الصعب عليك اختيار درجة اللون الأحمر المناسبة للون بشرتك وتجعلك تبدين أجمل.

واذا كانت مائله للصفار ابعدي عن الاحمر الناري وخذي الاحمر الغامق البذنجاني روعه معها ..
وعدلي لون البشره بلون فاونديشن على ذهبي او برونز



2- تذكري أن اللون الأحمر يلفت الأنظار نحوك لذلك اختيارك لملابسك وألوانها سيكون محيرا قليلا. كما انك ستكونين لافتة، فإذا كنت من الشخصيات الخجولة لا تختاري اللون الأحمر.



3- يجب أن تكون صحة شعرك جيدة وأطرافه ناعمة وقوية حتى تظهر جمال اللون الأحمر ولا تفسد شكل التسريحة.

عيوب الشعر الاحمر ...

* لون سريع البهتان .. وله مستحضرات خاصه تحافظ على لونه بس لايمكن يقعد الشعر الاحمر اكثر من 6 الى 8 اسابيع وبعدين يبهت ويخف ويقلب لونه ..

* لون مميز بصراحه ويظهر عالشعر الصحي والبشره الصحيه بابهى حله ..
وبيني وبينكم ماخبي عليكم اللي بشرتها فيها عيوب .. حبوب .. ندوب .. حفر ما انصحها فيه لانه يظهر عيوب البشره بقوه ..

بس مثل الاسود مستحيل تصبغين فوقه قبل مرور 6 اشهر الى سنه ..


اللـــــون البني والبشـــره البيضاء او الحنطيه على بياض ....



احلى مافي اللون البني له تدرجات كثير مره وتناسب كل انواع البشرات .. واحلى شي البشره البيضاء طبعا كل بياض وله درجه بني تناسبه ..
والبني بتدرجاته اللون البني فيه شغله لاحظتها انا .. يعطي البشره مثل الظل الخمري او الظل البرونزي ..
والبياض على صفار تبعد عن اللون البني الفاتح المحمر نهائي والغزالي ..
تجرب الوان الشوكلاته الفاتحه والغوامق والذهبيات تركب عليها ..

عيوب الشعر البني ..
تقريبا ماله اي عيوب نهــــائي وسهل الاهتمام والعنايه فيه ..
.. بس محتاج اكيد ماسكات وترطيب وعنايه بس مو خلاص صبغناه وننساه لين ينعدم اللون والشعر ..
..

الاسود والبشره البيضاء والحنطيه المائله للبياض ...
على فكره الاسود مو اسود واحد له ظلال ..
الاسود المزرق حلو بس مايناسب البشره البيضاء الفاتحه راح يعطيها شحووب ..
الاسود البنفسجي ..
الاسود بظل احمر ..
الاسود الكاتم ... وهذا يعطي الملامح قساوه ..

عيب الاسود يعطي البشره البيضاء ملامح قاسيه وشحووب .. صحيح جميل بس يخلي الملامح وحشيه وحاده ..
وعلى الحنطاويات حلو .. ويعطي جمال عربي اصيل بس نفس الشي يعطي وحشيه للملامح وقساوه ..
ويلبق مع المكياج القوي والسموكي ..
وتكحيله العين بالاسود وتدعيجه خطير معه ..

شايفين اللون الاسود معطيها قساوه ملامح مع انه عيونها حلوه وجميله ..


ملامح جميله ولابق الاسود بس تلاحظون حده ملامح .. والعيون المكحله مرره واااو عليه ..

نصيحه جماليه اخيره خاصه بالاصباغ ....
انتبهي انتبهي انتبهي تطلع براسك كذا تقلبين لون شعرك بجلسه وحده نهائي ....
لانه ماراح تلاقين الا شعرك ..تنتف .. تكسر .. تقطع .. ولون شعرك باهت بس ..
((من تأنى نال ماتمنى ))


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x359 و بحجم 38KB.

ونشوف مع بعض ملامح افريل الناعمه بالاشقر وشوفوا الحده والقساوه مع الاسود مع انه حلوو بس النعومه احلى ..


عيوب الشعر الاسود ..

* الاسود حلو بس عيبه مثل الاشقر ينشف الشعر ..
ومثل الاحمر .. محتاج ترطيب عشان يصير على طول لمعه ..
ويقسي الشعر هذي ميزه فيه ..
وماتقدرين تصبغين فوقه اي لون ثاني قبل مرور 6 اشهر الى سنه وسنه افضل شي ..

قرار الاسود قرار جرئ وقوي بنفس الوقت ومو اي وحده يلبق لها الاسود >> وجهه نظري ..



وبكذا خلصنا لون البشره البيضاء والحنطيه المائله للبياض ..

ويتبقى معنا البشره السمره .. والحنطيه المائله للسمار ...




يتبـ===ـــع

نتـــــابع ...
ببشرتك سمراء ؟
وش لون الصبغة المناسب لكِ ؟

مافي احلى من بشره سمراء او حطنيه ماايله للسمار وصبغة الشعر المناسبة للبشره،وقتها راح تتميز بطله ساحره ..
مو خلاص سمراء او حنطيه مائله للسمار مايناسبني شئ .. ليتني بيضاء من قال .. ..
وعلى فكره
(( التــــان)) او (( البرونزاج)) يعتبر داارج بقووه هالصيف ...
ونتبدئ .....

1- الاشقــروالبشره السمراء والحنطيه المائله للسمار ...
وعلى فكره الالوان اللي بحطها تليق بعد عالتان ..
ونشوف بالصور...



روعه الاشقر على البشره السمراء اعطاها نضاره ...وفتح لونها ..والتخصيل والترديج مره مو مبين وهذا الحلو ..




هنا حاطته روعه والبشره تان .. روعه المزيج طالع
وعلى فكره .. هذا هو الدارج التان والالوان هذي ..

عيوب الشعر الاشقر ..
طبعا قلت لكم في اللي فوق عيوب الشعر الاشقر ..
لكن في الصوره الاولى فيه شغله بالنسبه للي شعرها اجعد
وتستخدم الفرد لازم تروح لوحده خبيره وممتازه مو مهم غاليه اهم شي كيف شغلها .. << وجهه نظري
لانه الشعر الاجعد قبل التشقير محتاج تريتنت ومعالجات مكثفه ..
وبعد المعالجه يحتاج اهتمام احسن حل بعد ماتضبطينه لون وفرد .. سوي له كيراتين معالج يعطيه لمعه وصحه وتتجنبي التقصف والتكسر .. وانتي استشيري ودوري واسالي ..
وابتعدي عن تخصيل الميش
* لانه مره مو حلو ويجفف مره ..
* فوق ذا قديم قدم جدتي
اللولايت اهون منه واحسن اذا مره مره مره نفسك تسوينه ..



الشعر الاحمر والبشره السمراء والحنطيه المائله للسمار ..
اللون الاحمر يعطي البشره السمراء والخمريه والحنطاويه على سمار تالق وجرئ جدا اللون .. ومميز ...
ومثل ماقلت الجرئيه فقط تختاره ..



شايفين على بشرتها كيف صاير حلوو .. هذا احمر ياقوتي يسمونه .

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 600x400 و بحجم 37KB.

هذا احمر فاتح ناري ... مطلعها غير شكل ..

عيوب الشعر الاحمر ..

مايحتاج اذكركم واعيد اللي قلناه فووق انه يبهت بسرعه ويروح لونه ..
((نصيحه من قلب )) اللي شعرها مو ناعم وجاف بطبيعته لاتفكر تحط حنه لونها احمر بزعم انه اللون مايروح بسرعه ...
لانه (( تجفف الشعر بقوه)) وتزيد الطين بله ..
وحابه اضيف انه مع الكيرلي روووعه من جد ..



اللون البني .. على البشره السمراء والحنطيه المائله للسمار ..



هذا اللون دارج الان ..
ومره مناسب للبشرات هذي وحتى يناسب الاعمار الاكبر يعطيها نضاره للبشره ..
وشوفوا الاهتمام كيف خلا شعرها اللي بالاصل خالي من النعومه والنضاره ...



روعه مع العدسات الذهبيه ..
(( يسمونها عدسات الزري )) هي اللي يجي لونها كذا وتعتبر هبه من هبات 2010
لون الصبغه جااي مره مع اللون الخمري ... وعالتان واااو اكيد ..





هذا اللون البني المحمر او الغزالي .. او التوابل الحلوه اسمه ... لونه يجنن روعه بصراحه ..
وشوفوا لون الروج الخمري العنابي جاي مع لونها خطيييييييييير >> على فكره هاللوك مره دارج الان

عيوب الشعر البني ..
مثل ماقلت تقريبا الشعر البني ماهو متعب كثير فوق هذا ..لازم لازم الترطيب الشديد مثل ماقلت لكم لانه ابشع شي شعر بني باهت

والسمره لاتفكر تصبغ اللون البني الترابي الفاتح بصراحه مو حلو كنه الشعر يبين مو مغسول زين وصاحبته كنها مريضه ..
<< هذي وجهه نظري من غير زعل بليز


الشعر الاسود ... مع البشره السمراء او الحنطيه المائله للسمار ...



الاسود مو حلو على اللي بشرتها سمراء الى اسمر غامق شوي ..
جدا راح يبين عليها شحووب مو طبيعي مثل لون بشره اللي بالصوره هذي
اذا مره خاطرك فيه اصبغي (( بني غامق اغمق درجه )) اقرب للسواد ..




اما لو بشرتك حنطيه سمراء او سمراء فاتحه مثل الصوره اصبخي وانتي مرتاحه خاصه لو مع عدسات فاتحه او عسليه ..
بيطلع عليك روعه ...

ماعليكم من قصتها غريبه شوي بس الاغرب انه فيه بنات تقصها لانها دارجه وشفتهم بعيني .. عني انا اشوفها قبيحه مره ..<< هذي وجهه نظري





عيوب الشعر الاسود ...

...تقريبا مثل ماقلت لكم اول لازم اهتمام وماينصبغ فوقه ..

الكستنائي والبشره السمراء والحنطيه المائله للسمار ..


هذا كستنائي غامــق مره وفيه تخصيل على احمر خفيف مره او بني غامق محمر خفيف مره ..
مفتح لونها ومعطيها نضــاره ..

عيوب الكستنائي ..
يبيله اهتمام مثله مثل اللون الاشقر حتى يبقى حيوي ونضــاره ولمعان .. لانك ان اهملتيه النتيجه معروفه النتيجه ... باختصار (( شعر مبهذل وتالف ))




وبكذا اكون خلصت لكم
جزيئه الوان البشرات والصبغات



الجزيئه الجايه بستعرض لكم .. احدث موضه نزلت بسنه 2010

اعذروني يابنات ترا التحميل عندي مره بطئ ولا ودي انزلكم بسرعه بسرعه والبي طلباتكم فالسموحه منكم ومن اللي ارسلوا لي خاص





*تـــابعوني *


بنات رجـــــــــــــاء لاتردون لين اخلص ابي هالموضوع متسلسل

آنتي ذوق وآآآآو

ودنا نلبس ونكشــخ ونضبط عمرنا ... من غير لاتكون عند كل وحده
كــرش ... زوايد ... زنود وكذا ...
ودنا كلنا بأجســــــام سمبتيك مثل اللي نشوفه في المذيعات والممثلات ...
والســــــر شي بسيـــــط وانشهر تقريبا في اواخـــــر سنه 2010 اليــن
سنه 2011 أنشــــــــهر وبقوه ...






*** كورســــــــيهات الشد ***

كانت نجمه واحسن اختراع نسائي بيني وبينكم ... وفيه أنواع كثير مره منها ومتعـــدده ... وبنشوفها بالصور ...


هذا اسمه تــوب كروسيه ويشد البطن والصدر
طبعا في اشكال ثانيه اللي تجي من قدام بمثل المشابك...
بس هذا افضل منها لانه مثل ماتشوفون مافيه درزات او مشابك تبين يعني البسيه وانتي واثقه ماراح يبين ....
ينفع للي عندها صدر مترهل وزوائد صدر مترهله تلبسه ..



وهذا لشــد البطن بس ونفس الشي بدون درزات
مايبين البسيه وتدلعي كانك مسويه شفط بطن ...



هذا كورسيه لشد الجسم كـــــامل مثل مانشوف
طبعا فيه انواع ثانيه بالسوق بس هذا انا حبيته لانه مثل ماقلت لكم مثل الاسترتش وقوي يلم الجسم لم مو مثل باقي الانواع يبين ويفضح ..
وكل وحده تجرب اللي يناسبها ..
بغيت احط صور الكورسيهات الثانيه اللي بدرزات بس انها فضيحه ماتتستر زين ...




وهذا لشد الارداف والجنوب والبطن
ماقلت لكم عمليه تجميل وكل وحده تختار اللي يستر عيب جسمها ويحسنه لها ...



هذا مثل الفستان شد مره حلو مع التايورات والفساتين قصيره وطويله ....




وهذا اسمه البوش اب لرفع الارداف والافخاذ يعطيها منظر حلو ويشدها ..



وهذا يسمونه كيلوت شد بطن وارداف

ماعاد لكم عذر 2011 حط لكل المشاكل الجماليه حلول وابتكارات ..
يعني كشخي والبسي وانتي مرتاحه مره ...






انا حبيت اوريكم الكورسيهات قبل لانتبدئ بالجزء اللي بعد تدرون ليه ؟؟
لاني اعرف كل وحده مننا ودها تلبس ويطلع اللبس على جسمها حلو .. من غير زوائد وترهلات تفشل ...
وعرضت لكم انواع متعدده للكورسيهات
انا نفسي بعض الانواع اول مره اشوفها ....

وكل وحده توقف قدام المرايه وتشوف اي كورسيه يناسبها وتحتاجه ...

فيه كورسيهات ثانيه بس تعتبر خارجيه ...وهبه جديده تعتبر ...

:) تـــــــابعوني ..