مســــــاعدة عــــاجلة أرجوكم،،مشاغل في الرياض

أول شيء
وعليكم السلام ورحمة الله وبركاته

حبيت أساعدك أختي
فيه مشغل رووووووعه
اسمه
(سواريه)
يمكنك تعرفينه فيه وحده أنا تعاملت شخصيا معها
اسمها تيسير شغلها مرررررررره
حلو
يجنن
ومهيب غاليه
وتقدرين تستعجلينها فيه خلال يومين أو 3
وتطلعه لك في الموعد
وطيبه مره في التعامل
يالله ان شاء الله تطلعين أحلى وحده في الزواج وتدعين لي أولد بالسلامه
وأوصل للرياض بالسلامه

تحياتي
ورد الريـــــــــــــــــــــــف

طيب عندي سؤال

أنا راجعه للرياض بعد اسبوعين
ودي بفساتين حمل للسهره إذا عندك موديلات تشرحين لي اللي تشوفينهم مثلا في الزواجات وش يلبسون الحوامل؟

وش موديلاتهم هذي السنه؟؟؟


وتحياتي
ورد الريـــــــــــــــــــــــــــــف

:27: مشكورة اختي ورد الريف
بالنسبة لملابس الحوامل بحاول ادور لك موديلات حلوة انظريني:33: :26: :27:

وعليكم السلام ورحمة الله وبركاته
هلا فيك ياصمت الجروح
فيه عندك مشغل الدراعه حلو بس غالي شوي وفيه بعد مشغل دانا الي بالثلاثين كويس هذا الي اتذكرها والله يعينك ولاتنسيني من دعائك ياختي

اهلييييييين صمت الجروح

ياربيه حرام عليتس وش هالاسم يضيق الصدرويجيب الغلقة الله يهديتس بس

بس حلو ولا تبرطمين وتزعلين علينايا بعد تسبدي انتي ههههههه توهقت

هههههههههه بس تصدزين صدفةةة

انا بعد بنت عمي بتعرس عقب شهر
هههههههههههههههههههههه اخاف اننا بنات عم واحنا ما ندري هههه

اعترفي بس انتي مين هااااااااااااااااااااه

ايه اقولتس سلمتس الله تتبين تفصلين مثلى انا بعد بخيط

ومنيب معلمتس على المشاغل لعانة بس ههههههههه

لالا بعلمتس الا وش رايتس نفصل انا وياتس نفس الموديل والله يطلع حركة ههههههههه تلعب عليها

اسمعي بس الزبدة وبلا كثر حتسي

فيه مشغل المريفة اللى عند مدارس التربية حلوووووو خياطهم بالمرة

بس اذا استعجلتي عليهم يخربونه ههههه مصيبة صح

وفيييه بعد سلمتس الله زهرة اللوتس حلوحلو مرة يطلع لتس الموديل ولا احلىىىىىىىىىى في شارع الثلاثين قبال بندة وسناء اللى بالثلاثين

بس تراه غويلي
يعني لاتروحين فيذاك بعدين تقولين عصاقل وهقتني من الحين بقولتس تراه غويليى

بس وش حلاته انهم يجيبون لتس القماش اذا مالتس خلق تشترين قماش

وبعد يطلعون لتس موديل اذا صرتي متنحة بقوة ولا لقيتي لتس موديل

وفييييييييه بعد سلمتس الله وش بعد وش بعد ياربيه

الراقية في حي الورود بس انهم انفسهم في خشومهم يعني تسوي لك الفستان

وكنها تكد عليتس عسى ماشر لالا انا اهم شى عندى الاخلاق وحب الوطن

هههههههههه طيب وشوله تقولين له عنه


والله يا وخيتي فيه مشاغل تسثيرة بس انتي علمييني وين انتي ساكنتن فيه

علشان اعلمتس على مشغلن جنب بيتكم خخخخخخخ ابوتس يالنصب

اذا تبين ارسلى لى على الخااص ياقليبي انتي اوتسيه

اماااااااااا الحوامل مالى بهم علم


وبسسسسس هههههه يا كثر هرجي

وسسسسسسسسسسسسسسسسسسسسسسسلام