مســــــــاحتي للمـــــــوضه ((متجــــــــــدد))

ضـــــوءالقمر • 14 سنة

سكوتي صع ـب تفسيره :

مع اني بيضاء بس بقولكم هاللون على السمر يطلع خطيييير وااااو يعني الشغله يبيلها تااان يطلع تركيبه صعبــه ... لا الله يسعدك ههههه يآإزين السمر اذا لبسوا الوان هادية .. والله الموضوع متعوووووب عليه تسسسلميييين ..

مع اني بيضاء بس بقولكم هاللون على السمر يطلع خطيييير وااااو يعني الشغله يبيلها تااان يطلع تركيبه...

عــــــــــــــدنا مع شغله جديده اكيد ...

((البشره السمــــــــــــراء بدرجاتها من الاغمق الى الافتح ...))

واستكمال للفقره السابقه .. بس هالفقره اجتهاد شخصي مني .... وهي وجهه نظري الشخصيه مو مثل اللي قبل استناد لرائي خبـــــــــراء الموضه وتقسيمهم ..

لا هذا تقسيمي الشخصي ورؤيتي الشخصـــــــيه .. واتمنى تنال على اعجابكم ...
وقبل لاندخل ..
بقولكم مقوله خاصه بالبشره السمــــــــراء انه البشره هذي بالذات ماتزهى الا باللبس الفاتح والفسفوري وهالشي راح اثبته لكم بالصور مو مثل ماقالت لي عضوه علقت وماحبيت اعارضها الا بصور وبراهين دامغه تثبت هالشئ ..

يعني كل بشره مثل البصمه لها طبع وشكل مميز لازم الوحده تعرف تبرزه بدل لاتروح وتصمم الا تقلب بشرتها 360 درجه .. هالشئ مو حلو ..حلو النضاره والتفتيح البسيط للحصول على النضاره والحيويه ..

تابعوا الاجزاء القادمه وراح جد تتفاجون لاني راح اضيف اسرار وحركات متعلقه بالبشره السمــــــراء بدرجاتها ..مو بالبس بس في المكياج وغيره ..

وقبل الافتتاحيه راح اوريكم وحده من الافكار المغلوطه واقتبست رد وحده من العضوات في موضوعي ..
شوفوه وتابعوا معاي ...

*** اتمنى ماتزعلي مني ياسكوتي صعب تفسيره ***
بس كثير يعتقدون انه السمار مع الالوان الفاتحه
شي غلط ويلجأون للالوان الغامقه باعتبارها ماهي اوفر ..وبالنهايه يحصلون على مظهر كئيب ومو حلو ..

مــــــــــــــــدخل .....

قبل لا ابتدئ راح اوريكم عجله الالوان ..فيها الوان بدرجاتها ..وكل بشره لها درجه ماتركب للثانيه ..
عشان كذا نشوف فلانه روعه عليها الفستان واللــــــــون ..
والثانيه تلبس نفس الدرجه اللونيه وتطلع مو حلوه ومخربه عليها وكأنه فيه شي غلط بس ماندري وين ...

احفظوها زين لانها بترافقنــــــــــا في رحلتنا بجزء التنسيق والالوان ....

*** انا تعمدت اخلي جزء من اليد ظاهر حتى نشوف بشكل اوضح وبالصور كيف انه الدرجه مناسبه جدا للون البشره ..***

هذا التركواز المعدني على البشره السمراء ونلاحظ انه مبرز البشره ومعطيها حقها ...
بس لو كان باهت صدقوني بيطلع بايخ مو حلو ابد وفيه شي غلط ...

الوردي الباهت>>((مو اللحمي )) ترا فيه بينهم فرق .. لون حلو وصعب بنفس الوقت ويليق بالبشره السمراء بعكس اعتقاد البعض انه مو مناسب مو حلو

من اجمل الالوان على السمراوات بلا منازع القولد بكل درجاته ماعدا القولد او الذهبي المصوفر اللي يقولن عنه مو حلو وابتعدي عنه نهائي
هذا قولد هادي جاي ع بيج مره روعه وفخم بنفس الوقت ..

الرمادي .. الرمادي من احب الالوان على فكره لقلبي .. لانه فخم .. وهادئ ومن الالوان الملكيه اعتبره >>وجهه نظري الخاصه
السمراوات مايركب عليهم الرمادي الغامق ابد الرمادي نفس هالدرجه الفاتح مره حلو ويعطي منظر فخم ويبرز الوحده بقوه
وابتعدي عن الرمادي اللي يجي معدني بلمعه مو حلو ومنظر رخيص بيطلع عليك ...
يعني انتبهي درجه وحده تحووس لك الموديل كله وتطلع يابيرفكت ولا >> مايحتاج اقول صح

اللون الاصفر .. انا اعتبر الاصفر صديق السمراوات يعطيهم جاذبيه مو معقوله ..بس ابتعدوا عن الاصفر الكركمي القريب من الاورانج لانه بيطلع بايخ ومنظره رخيص واوفر على هاللون من البشرات مايحتاج ...

نظره اقرب على الاصفر مع البشره السمراء ..

شفتوا اللون الذهبي او القولد الفخم .. مو الجاي على اصفر ..

البنفسجي ..البنفسجي .. البنفسجي ..
اخطر لون لازم السمروات يحترسون منه ..
لانه حسب راي خبراء التجميل واللي اشوفه انا البنفسجي الغامق بدرجاته مايناسب السمر ... الا الدرجه نفس الصوره القريب من الكحلي
هذي تعطيهم فخامه ورقي بالمنظر ..
لانه البنفسجي .. بصفه عامه يغمق البشره السمراء ويعطيها شحووب مو مستحب غالبا ..

والفوشي الغامق هذي الدرجه ماحبيتها نهائي على السمر ..
تبين لون فوشي خذي الفواتح وابتعدي عن القريب من الموف ومشتقاته بالنسبه للفوشيات ..

الا اذا واشدد على الا اذا .. كان داخل مع لون ثاني ولكن بشي بسيط جدا ..
يعني عالصدر او تحديد .. او نقشه خفيفه ايه .. بس كامل كله لا والف لا ..

والموف الفاتح الى المعدني بلمعه طبعا لايكون شي كامل لا مثل بلوزه او تنوره يطلع روعه واكسريه بلون ثاني ..

يتبــــــــــ=======ـــــــــع

+4

ضـــــوءالقمر • 14 سنة

عــــــــــــــدنا ...

طبعا انا يابنات اخترت الالوان الاجمل والازهي واللي مانتوقع انها ممكن تليق بالبشرات هذي ..
الالوان بحرها عميق والتغيير حلو .. والاصعب نتقيد بلون معين ونفاجئ انه دولابنا مليان من هاللون ...

الازرق الملكي من اروع الالوان ...

وطبعا صاحبات البشره هذي يبتعدون عن الازرق الفاتح المايل للفسفوري الفاقع لانه مو حلو مره على هالبشرات ..

الابيض من اروع واحلى الالوان على البشرات السمراء وهالشي مايختلفون عليه اثنين ..بغض النظر عن انه لون محايد

الاخضر الفستقي ..والاخضر القوي المعدني اللي يجي بلمعه ..والاخضر الباهت الطحلبي .. كلها درجات تليق بالبشره السمراء لابعد حد وبكل درجاتها غامقه او افتح ...
لون هادئ .. وروعه باللبس .. ويبرز الوحده بقوه ...

بس درجات الاخضر الجيشي او الاخضر الغامق بدون لمعه .. والاخضر الجيشي والكاكي ابتعدوا عنه ..خاصه للبشرات الاغمق ..

الاسود لون محايد وحلو بس للعلم الخاص ..
لازم تكسرينه بشي اقوى منه مثل ..
اكسسوار كرستال او الماس لمعته قويه بغض النظر عن لونه ...
اللؤلؤ خيار ممتاز لكسر الرتابه ..

اكسسوار ملون اذا كانت مناسبه فرايحي وبسيطه ..
عشان يعطوك اطلاله حلوه ...
بس لحاله مع البشره السمراء حطي على اكبر اكس بالتاريخ مره مو حلو ...
مهما يقولون انه اللون الاسود حلو وملكي وسيد الالوان حطيه دايم باخر اختياراتك ..

شفتوا الكركمي المعدني كيف يجي عالبشره السمراء روعه ولوك من جد فخم
مع اني قلت الكركمي الباهت ابعدي عنه بس هذا روعه
تاكدوا الان لمن اقولكم خلوكم دقيقات باختيار الدرجات للون المناسب ..

الاحمر من اصعب الالوان يعتبر للسمر ..
الفاتح الناري والدموي ابعدي عنه الا اذا كني سمراء فاتح او خمريه او زيتونيه مثل مايقولون بس البشره الاغمق ابتعدي عنه نهائي .. واللون الاحمر المايل للبرتقالي او للون البني شوي او مثل لون الصداء ابعدي عنه بتاتا ..فضلا انه قبيح مو حلو بيطلع عليك ..

الاحمر الملكي دوم حلو بس البشرات الاغمق ابتعدي عن الاحمر انا شخصيا مافضله واذا مره مره حابته حاولي تدخلينه بشي بسيط في لبسك تطريز او شك او حواف وكذا ...

وبالنسبه لي شخصيا ماحبيت حركه من انه السمراء تلبس بنطلون احمر ..اول شي مظهر رخيص .. مو حلو .. وثاني شي ماراح يناسب ..

درجات السلفر واللؤلؤي والابيض اللي شوي على رمادي .. كلها الوان روعه وحلوه على السمراء بكافه درجاتها

النمري حلو على الموضه ويليق عالسمر مثل مانشوف ..
يعني لاتجي وحده تقولي ياضوء مايركب علي بالعكس يركب ونص ..

فيه الوان انا ماطرحتها لاني مثل ماقلت مجال الالون كثير بس بعطيكم اياها ..

البني ... ابتعدي عن البني الغامق وحاولي تختاري الوان البني الفاتحه ,, وحاولي تدخلين عليها درجات البيج ...
ودايم قدر الامكان اكسريها بلون افتح تطلع وااو وشي ثاني ...

وهالشي ينطبق على البرتقالي ..
وعلى اي لون انا ماذكرته وسقط مني سهوا ...

على فكره يابنات ترا مو شرط اذا كان لون الفستان حلو شرط الا الاكسسوار يطلع عليك حلو ..
ترا الاككسسواريز لها قوانين غير .>>

ونسيت اقولكم بالنسبه للسمراوت والتشجير حاول لمن تختاري تشجير باللبس مايكون اكثر من لونين ثلاثه ..وتكون تناسبك قدر الامكان ..
لانه مافيه ابشع من تشجير 15 لون واثنين منها تناسبك والباقي ماهو راكب عليك ..
مايحتاج اقول الشكل ...

لاحظوا ماتكلمت عن الابيض والاسود لانه بنزل له جزء وراح يكون اخر جزء ..وبيكون جزئيه خاصه مميزه وراح تفيدكم كثير كثير ...

ويارب تكون هالجزئيه الخاصه بالملابس والبشره السمراء عجبتكم ...
ويكون كلامي خفيف عليكم ..
واي استفسار بخصوص هالجزئيه اكتبوه وماراح اقصر باذن الله ..

تحيــــــــــــــــاتي :27:

وتابعوني في جزء اخر اكيد خاص بالبشره الاسيويه الصفراء او الحنطيه الصفراء .. وبعدها البيضاء ..