نتـــــــابع .. مع عالم الاناقه والانوثه ..
نعــــــــومه وانوثه تفرض نفسها ماقلت لكم الكرانيش والموديلات الفرنسيه مايحتاج لها اكسسواريز كثير
اسوره وحلق او ساعه وخاتم وبس
مظهر عملي بالبنطلون واهم شي الكعب العالي هههههههههههههههههههه
ويناسب على فكره الطويله الكرانيش اللي كذا بس القصيره ماحبيتها عليها ..
مظهر ثاني يعززه الحزام عني انا احب الاحزمه هذي لانها انثويه بصراحه وتبرز الخصر
موديل حلو للكـــــــــــل ..
روعه وتجي كثير عالبليرو الجبنيز او ترتر تطلع رووووووعه
اللي نحيفه ومالها معالم تسوي هالموديل براحتها ... اهم شي لاتلبس بنطلون سكني عليه ...
تلبس تنوره سكني تخصر الجسم ..
هذا البنطلون اللي قصته مستقيمه ويناسب العصاقل مره ...
بس ماحبيته مع بلايز الكرانيش احسها انوثه ويخربها البنطلون وانتم شرايكم ؟؟؟ >> هذي وجهه نظري الخاصه
موديل غريب عجيب رووووووووووووعه انا مو حبيته الا انجنيت فيه بصراحه ...
بفصل مثله بصراحه ..
واللي تبي تستره انا عن نفسي بضيف له قماش من نفس اللون يصير من الجهه الثانيه .. جبنيز ..
بس جاكيت وكم طويل صدقونني بيخرب ..
شيفون منقوش والموديل كله رووعه ×روعه جد جد راقي من قلب ويناسب الطويلات اكثر شي
اما القصيره تسويه ميدي لنص الساق بس بشرط ... اذا كانت رقبتك طويله ..لانها لو قصيره بتطلع غلط كنه راسك مدعوس وسط الياقه وبيطلع مظهر بشع ..
بلوزه ناعمه وخطيره .. تناسب اللي اجسامهم على قدهم نحيفات وبدون ملامح تطلعم كيوتات
الورده السوداء هذي طباعه من محل الكلف واستبدليها ممكن بكرستال ويطلع لوك مناسب للجمعات الكبيره .. ومظهر بسيط ...
وبكذا اكون ختمت الستايل الفرنسي او الفكتوري او الكرانيش
وعرفتكم على اشكال متعدده وغريبه من البلايز ..
ونجي لمايستفاد لها البلايز ...
ملاحـــــــظاتي الخاصه ..
الاستايل الفرنسي او الكرانيش مايحتاج اككسواريز كثير ..بصراحه تخيلوا معاي وحده داخله عليك ..
ولابسه سلسال وحلق وساعه وخاتم واسوره ..
ومناكير ومكياج وتسريحه وحاطه اكسسوار شعر
حفله بصراحه ... ومظهر اوفر بزياده ...تخيلي انتي بس المنظر ...
*******
ممكن تستفيد من هالبلايز المتزوجه خاصه اذا جات مكشوفه الصدر وتلبسها مع شورتات او تنورات قصيره .. قدام زوجها من باب التغيير ...
*******
وجهه نظري ..ثلاث ارباع الموديل الخامه ...
مافيه ابشع من موديل حلو وقماش ردئ ورخيص
مثل الشيفون اللي كنه قديم ومهترئ ... او ستان بلمعه بايخه ومبين مره انه رخيص ...
معليش لفي ودوري وتنقي قماش سنع لك وللزمن مثل مايقولون ...
*********
والله بلوزه فلانه روعه طالعه عليها ..ورحتي فصلتي اختها وطلعت بشعه عليك تدرين ليه ..
لانه الموديل مناسب لها بس مو مناسب لك ..
اختاري دااااااااايم الشغلات والالوان اللي تناسبك وتكون فاشن ...
*******
الاناقه مو شرط بشئ غالي وماركه ..الماركه وجهه نظري الخاصه تراها ستايل وخامه زينه وتطلعين اطلق من الف ماركه وبستايل مميز وخاص فيك وكل مره تجددي وتفنني ومافيه وحده تقدر تتوقع استايلك المره الجايه ... شعور روعه على فكره ..
********
البلايز هذي لاتغسليها بالغساله ابد ابد ابد بيدك وبس .. وتنكوي بخار واذا بقعه كبيره وصعبه الله لايهينك وديها المغسله لاتخربين مستقبل البلوزه
......
البلايز هذي احلى شي عليها الوان الباستيل الهاديه والاقمشه الناعمه حرارير وشيفونات واورغنزا ... مو قطن وكذا لا لا لا .....
مــــــــــخرج ...
تخيلي معاي ... جالسه بجمعه ولمه فخمه ومفصله تايور او بدله او فستان بخام زينه وشريتي لها شوارفسكي نوعيه زينه مو الشورافسكي الرخيص اللي لمعته غبيه ...
والموديل يناسب جسمك ومخفي العيوب ...وطلع جسمك ممتاز ...
وماكلفك اكثر من 300 ريال بقماشه بخياطه باكسسواره وممكن اقل حسب الموديل ...
وتدخل وحده بدلتها ب 500 واكثر ومن مانغو ومكرره ومستهلكه وممكن كثير تجي وحده مقلده الموديل ومن نفس المحل ,,,
تميزتي انتي .....
معليش كثرت كلام لكن اللي ابي اوصله انه كل وحده لازم تبدع ستايلها الخاص وماتلتزم بالاسواق ...
مانتهت الرحله بعالم البلايز في شغلات
جديده ومميزه وخامات جديده من هبات 2010
وتابعوني بشغله جديده وراح اكيد تعجبكم
تحياتي :26:
الصفحة الأخيرة
هذي كرانيش اوفر بزياده طبعا للي تحب الغرابه والتميز .. للي تبي تستره تسوي لها اكمام جبنيز عاديه .. لانه الطريقه الوحيده اللي تستره بدون ضياع الموديل او يصير كنه مهرج ..
انا عني احب هالموديلات احسها مميزه
تايور مع رقبه كرانيش عندي بلوزه نفس الشي بس مو جاكيت ونفس اللون ..
بصراحه خطيره عاللبس مع اني ماكنت مقتنعه بشكل القبه تكون كذا حستها مضحكه ...
بس بعد التجربه روعه طلعت شفتوا لمعه القماش
يسمونه لون الميتاليك روووووعه ... وفرق بينه وبين اللمعات الرخيصه ..
تابعوني لاني بنزل موديلات لقدام بهالالوان ..
عن نفسي حبيتهم ..
هذي صوره اقرب لموديل الرقبه اللي نفس التايور
اللي ودها تكشخ فيه تفصله وتستره بزياده اكمام حتى يناسب الطلعات وكذا لانه مكشوف بزياده ..
ممكن تلبسينه قدام زوجك مثل ماهو مع شورت او تنوره يطلع مايحتاج اقول ..
هذا شكل ثاني من الكرانيش مع ورده يناسب المليانه اما النحيفه تبعد عنه
هذا يناسب النحيفات والعصاقل يطلع عليهم غير شكل ..
اما المليانات ما انصحهم ..
بس حركه التنوره الخطوط الطول تناسب صاحبه الارداف المليانه والمليانه بصفه عامه..وتبي تعطيها منظر انها انحف ..
والعكس صحيح الخطوط اللي بالعرض للنحيفات تعطيهم منظر مليان ..
موديل مره بسيط فكتوري .. انا حبيته ترا يبين باللبس...
موديل البلوزه مره روعه مو شرط طقم
على فكره الاكمام بف كرانيش..لاحظوا لمعه التنوره هذا اللي اقصده باللمعه الراقيه ...
هذا موديل فرنسي انا حبيته مره وقطعه مميزه تعتبر ...
القطعه اللي فوق حبيتها مره وتنفع موديل بلوزه مميزه وناعمه وفخممه ..خاطري بمثلها
على فكره هالموديل حلو للمليانه والنحيفه ..
هذا مثال حي على موديل حلو وقماش ولون ردئ
مخررربه بقوه القماش واللون ...
شفتوا الفرق ..
نتـــــــــــابع الابحار في عالم مميز من البلايز ...