ضـــــوءالقمر :

نكمـــــل مع بعض عالم الصبغات بعد ماتكلمنا عن اشكال الوجوه .. وش يناسبها وش المفروض نبتعد عنه ... نتكلم الان عن الوان البشرات وكيفيه اختيار لون الصبغه المناسب لها ... اخر شي بوريكم الهبات والموديلات الجديده اللي جات لنا واللي راح تجي بسنه 2010 ... بس حابه اعطيك نصيحه يابنات .. حلو الوحده تتبع الموضه في اصباغ الشعر .. بس مو حلو تصبغين صبغه بشعه .. وماتناسبك عشان بس عالموضه .. كل ماكان الشي مناسب لك كل ماكان احلى وانتي حره اكــيد اولاً البشــره البيــضاء :: وتناسبها اكثر الالوان .. البني .. والاحمر .. الاشقر .. بدرجاتهم .. الاسود يضفي على البشره البيضاء جداً شحــوب مو حلو .. مثل هالصور اللي بنشوفها ... طبعا هذا بصوره عامـــه يابنات .. يعني كل بشره لها التدرج اللميز اللي يناسبها فانتبهوا للنقطه هذي .. الاشقر البشــــــره البيضاء والحنطيه المائله للبياض .... على البشره البيضاء والحنطيه المائله للبياض ... شايفين الاشقر مناسب جداً مع بشرتها .. ومعطي مظهر طبيعي وناعم لها ... شوفوا لون عيونها على بني بس راكب معها الاشقر .. ولاحظوا لون الحواجب مو عندنا الحواجب لوون .. والصبغه لون لازم فيه تنسيق عشان نطلع بنيولوك.. بس الاشقر هذا مايناسب الحنطاويات المائلات للبياض .. >> وجهه نظري وهذي بعد لون عيونها ازرق فاتح .. طبعا الله يخلي العدسات لنا .. بس لون بشرتها متناسق مره مع ااشقر ... ونفس الشي حنطيه على بياض مايجي معها كيف تختارين اللون الاشقر المناسب لك ... خصل الميش والخصل الباينه تراها موضه قديمه مره وبشعه يابنات .. >> هذي وجهه نظري اللولايت اهون منه وارحم رغم انه برضوا قديم .. الجديد التخصيل اللي يبين طبيعي .. بس ماعرف الطريقه اعذروني .. اذا كانت بشرتك بيضاء ولون عينيك أخضر أو أزرق راح تلاقين إن اللون الأشقر الرمادي والأشقر البني هما المناسبين لكِ وابعدي نهائيا عن الأشقر ((الذهبي المائل للاصفر))<< ابشع لون على الاطلاق مهما كانت بشرتك حلوه هاللون بشع بشع • أما إذا كان لون بشرتك أبيض ولون عينيك عسليا راح تلاقي إن اللون المناسب لك هو الكستنائي الفاتح أو البني المائل للأشقر أو النحاسي << مو النحاسي اللي كنه سلك نحاس بلمعه لا لا يابنات المقصود فيه المطفي المايل للشقار مثل هذا ... • وإذا كانت بشرتك بيضاء او حنطيه ولون عينيك أسود راح يكون اللون المناسب هو الاشقر العسلي الغامق بدرجاته .... على فكره هو الدارج الان .. طريقه خبراء التجميل في تحديد الظل الاشقر المناسب لك ... كنت لاتحبين المغامرة في وضع لون غير مناسب لك ولبشرتك إذا كنت من النوع الذي تناسب بشرتك الألوان الوردية فأنت تناسبك الألوان البنية والعسليه ودرجاتها أو ضعي إشارب وردي على رقبتك لمعرفه النتيجة المناسبة لك ثم ضعي إشارب برتقالي فإذا ناسب لون بشرتك فأنت تناسبك الألوان الحمراء والنحاسية.... عـــيوب الشعر الاشقر .. * يجفف الشعر ويسبب تقصفه وتكسره بسرعه .. * لون مايتحمل الحراره والمعامله القاسيه والكلور يزيد الطين بله ... * لون محتاج معامله بعنايه وحذر وحرص .. وعلى طول محتاج ترطيب ... * لون مايقبل الوصفات العاديه .. زيوت وخرابيط ينعدم ويعدم شعرك فوقه .. * شعر مدلل جدا ويحب المستحضرات اللي تخصه بس وطبعا تبين لون اشقر .. صحي + قوي + جميل = مستحضرات تخصه مثل كيراستاس .. او لوريال .. او اي ماركات من النوع الممتـــاز ... يعني اللي ماعندها وقت للعنايه والاهتمام والترطيب اللون الاحمـــر والبشره البيضاء والحنطيه المائله للبياض .. روعه الاحمر بصراحه .. درجه ثانيه من الاحمر ودرجه قويه بعد .. جرئ بس مايناسب اللي لونها جاي على صفاآآر ... بيطلع يضحك كيف نعرف انه الاحمر مناسب لنا او لا .. اختيار اللون الأحمر لشعرك اختيار جرئ لأنه لون رائع ويحتاج فقط لان تعرفي هل يناسب لون بشرتك أم لا. إذا كانت إجابتك عن اثنتين من النقاط التالية بنعم فهذا يعني أنه يمكنك اختيار اللون الأحمر ... 1- إذا كانت بشرتك فاتحة تميل للون الوردي يمكنك اختيار اللون الأحمر لشعرك بسهولة ودرجات كثيرة منه ستبرز بشرتك ولونك وتمنحك نضارة. أما إذا كانت بشرتك تميل للون الزيتوني الذهبي فسيكون من الصعب عليك اختيار درجة اللون الأحمر المناسبة للون بشرتك وتجعلك تبدين أجمل. واذا كانت مائله للصفار ابعدي عن الاحمر الناري وخذي الاحمر الغامق البذنجاني روعه معها .. وعدلي لون البشره بلون فاونديشن على ذهبي او برونز 2- تذكري أن اللون الأحمر يلفت الأنظار نحوك لذلك اختيارك لملابسك وألوانها سيكون محيرا قليلا. كما انك ستكونين لافتة، فإذا كنت من الشخصيات الخجولة لا تختاري اللون الأحمر. 3- يجب أن تكون صحة شعرك جيدة وأطرافه ناعمة وقوية حتى تظهر جمال اللون الأحمر ولا تفسد شكل التسريحة. عيوب الشعر الاحمر ... * لون سريع البهتان .. وله مستحضرات خاصه تحافظ على لونه بس لايمكن يقعد الشعر الاحمر اكثر من 6 الى 8 اسابيع وبعدين يبهت ويخف ويقلب لونه .. * لون مميز بصراحه ويظهر عالشعر الصحي والبشره الصحيه بابهى حله .. وبيني وبينكم ماخبي عليكم اللي بشرتها فيها عيوب .. حبوب .. ندوب .. حفر ما انصحها فيه لانه يظهر عيوب البشره بقوه .. بس مثل الاسود مستحيل تصبغين فوقه قبل مرور 6 اشهر الى سنه .. اللـــــون البني والبشـــره البيضاء او الحنطيه على بياض .... احلى مافي اللون البني له تدرجات كثير مره وتناسب كل انواع البشرات .. واحلى شي البشره البيضاء طبعا كل بياض وله درجه بني تناسبه .. والبني بتدرجاته اللون البني فيه شغله لاحظتها انا .. يعطي البشره مثل الظل الخمري او الظل البرونزي .. والبياض على صفار تبعد عن اللون البني الفاتح المحمر نهائي والغزالي .. تجرب الوان الشوكلاته الفاتحه والغوامق والذهبيات تركب عليها .. عيوب الشعر البني .. تقريبا ماله اي عيوب نهــــائي وسهل الاهتمام والعنايه فيه .. .. بس محتاج اكيد ماسكات وترطيب وعنايه بس مو خلاص صبغناه وننساه لين ينعدم اللون والشعر .. .. الاسود والبشره البيضاء والحنطيه المائله للبياض ... على فكره الاسود مو اسود واحد له ظلال .. الاسود المزرق حلو بس مايناسب البشره البيضاء الفاتحه راح يعطيها شحووب .. الاسود البنفسجي .. الاسود بظل احمر .. الاسود الكاتم ... وهذا يعطي الملامح قساوه .. عيب الاسود يعطي البشره البيضاء ملامح قاسيه وشحووب .. صحيح جميل بس يخلي الملامح وحشيه وحاده .. وعلى الحنطاويات حلو .. ويعطي جمال عربي اصيل بس نفس الشي يعطي وحشيه للملامح وقساوه .. ويلبق مع المكياج القوي والسموكي .. وتكحيله العين بالاسود وتدعيجه خطير معه .. شايفين اللون الاسود معطيها قساوه ملامح مع انه عيونها حلوه وجميله .. ملامح جميله ولابق الاسود بس تلاحظون حده ملامح .. والعيون المكحله مرره واااو عليه .. نصيحه جماليه اخيره خاصه بالاصباغ .... انتبهي انتبهي انتبهي تطلع براسك كذا تقلبين لون شعرك بجلسه وحده نهائي .... لانه ماراح تلاقين الا شعرك ..تنتف .. تكسر .. تقطع .. ولون شعرك باهت بس .. ((من تأنى نال ماتمنى )) ونشوف مع بعض ملامح افريل الناعمه بالاشقر وشوفوا الحده والقساوه مع الاسود مع انه حلوو بس النعومه احلى .. عيوب الشعر الاسود .. * الاسود حلو بس عيبه مثل الاشقر ينشف الشعر .. ومثل الاحمر .. محتاج ترطيب عشان يصير على طول لمعه .. ويقسي الشعر هذي ميزه فيه .. وماتقدرين تصبغين فوقه اي لون ثاني قبل مرور 6 اشهر الى سنه وسنه افضل شي .. قرار الاسود قرار جرئ وقوي بنفس الوقت ومو اي وحده يلبق لها الاسود >> وجهه نظري .. وبكذا خلصنا لون البشره البيضاء والحنطيه المائله للبياض .. ويتبقى معنا البشره السمره .. والحنطيه المائله للسمار ... يتبـ===ـــع

نكمـــــل مع بعض عالم الصبغات بعد ماتكلمنا عن اشكال الوجوه .. وش يناسبها وش المفروض نبتعد عنه...