مســـــــــــــــــــاعدة ضرورية....الله يحرم وجيهكم عن النار...

شوفي هذي الطريقة سويها وماحتندمي سهلة
وسريعة وطعمها جنان:

جيبي دجاج صدور بعظم أو بدون أو حسب النوع اللي تحبيه

غسليه ونظفيه وحطيه بزبدية

افرمي بصل وثوم وكزبرة وفلفل أخضر بارد مع بعض في خلاط البصل وحطيه على الدجاج

قطعي مكعبات بطاطس وحطيها معاهم

أبشري 3 حبات جزر وحطيها معاهم

حطي خل وملح وابزارات ناعمة وشوية كركم

واخلطيها كلها مع بعض في الزبدية

جيبي صينية وافرشيها قصدير وحطي الخلطة هاذي فيها ورشي على الوجه زيت زيتون

لفي الخلطة بالقصدير ودخليها بالفرن وبعد نص ساعة فكي القصدير حطي عليها كاسة مويا حارة وارجعي قفليه

بعد نص ساعة ثانية طفي عليها

وسوي معاها رز أحمر وممكن تأكليها بالخبز مع سلطة مكرونة أو سلطة سيزر

وترى طعمها خيال... وبالعافية

وإذا سويتيها ادعيلي ربي يسهل علي حملي وولادتي

عندي طبخات ثانية إذا عجبتك هذي قوليلي أقولك عليها

حبوبة ترى الدجاج ما في اسهل منه ممكن تنظفيه تمام وتقطعيه وتخليه بجلده وتسلقيه في موية وملح وبهارات وتصفيه من الموية وبعدين تدهنيه من فوق بمسحة من زيت الزيتون ومسحة كاتشب وتدخليه الفرن خمس دقايق من تحت وترجعي تولعي من فوق لمن يحمر وتخرجيه حيصير زي المشوي وتاكليه مع سلطة وبطاطس مقلية
الدجاج ممكن تعملي فيه كل شي تحبيه مثل البروست ملوخية انواع الايدامات شاورما ساندوتشات

عندي طريقه حلوه مره
جيبي دجاجه غسليها ونظفيها
سوي على جنب زبادي مع شوية صلصة طماطم و ليمون وشويه خل
ادهني الدجاجه بالبهارات مزبووووووط بعدين سوي فيها فتحات بالسكين وحطي فوقها الصوص اللي بالزبادي
ثم جيبي صينيه كبيره ورصي فيها شرايح بصل وشرايح طماطم وحطي الدجاجه فوقها
ثم قطعي بطاطس مكعبات بعد ما تقشرينها وقطعي الكوسه والجزر دوائر وحطيها في الجوانب بجنب الدجاجه الحلوه وقفلي الصينيه بالقصدير مزبووووووووووووووووووط لازم تقفلينها من قلبك ودخليها الفرن ساعه ونص وبشوفي الدجاجه اذا ما استوت خليها كمان نص ساعه يعني ساعتين بالكثير وتستوي الدجاجه
وقدميها مع الرز وسلطة اللبن

(لحد يضحك ... عمري ما قلت لأحد على طريقة طبخه)

ويااااااااااااااااااااوييييييييييييييييييييييييلك لو ما سويتها بجي بيتك واسويها ... ترى مرررره لذيذه
بالعافيه مقدما << يعني الا تسوينها ^_^

رفع