مسقعة بالباشميل يمي يمي لذيذة

خواتي هذي طريقتي بالمسقعة بالباشميل.. هي جداااااااااااا لذيذة..

المقادير..

شرائح باذنجان مقلية
لحم مفروم نص كيلو
بصلتين مقطعات جوانح
فص أو فصين ثوم مفروم ناعم
طماطتين فريش
صلصة طماط
كزبرة
فلفل أسود وقرفة وملح
باشميل
جبن مبشور وأوريجانو ( زعتر بري ) للوجة

الطريقة..

1) نقلي البصل ثم نضيفله الثوم واللحم ونتركة لين مايستوي.. وبعدين نضيف الطماط والصلصة والبهارات واخر شي الكزبرة.. عشانها تذبل بسرعة..
2) ألحين في صينية البايركس نصف الباذنجان وعلى كل قطعة نحطي من حشوة اللحم…
3) ثم نصب على كل قطعة من الباشميل وعلى الوجة الجبن المبشور وشوي من الأوريجانو..وتدخل الفرن شوي لين ماتسيح الجبنة أمممممممممممممم لذيذة..
أو ممكن تحطون شريحة باذنجان وفوقها لحم وبعدين شريحة ثانية وفوقها تصبون باشميل عشوائي عادي لو انسكب بالبايركس. وفوقهم أحلى شي……………. عرفتوه طبعا مع رشة أوريجانو؟؟!!
4) بس و تقدمونها تنفع بالبايركس كله مرة وحدة على السفرة أو بالقطع لكل صحن قطعتين من الباذنجان..

هاه شو رااااااااااايكم..:32: :cook: :23: