أكبر أكذوبة في التاريخ ( كوني صديقة بنتك )
شوفي كيف ماخافت منك وتبرر لنفسها واستسهلت الموضوع
، وش فايدة الصداقة الحين ؟!
اذا ماخافت من ربي كيف تبغينها تخاف منك وأنتي صديقتها ومستودع أسرارها ؟
كوني أمها ، المربية ، الناصحة الآمره والناهية .
وليست الصديقة اللتي تغض النظر عن أخطائها وتجاريها وتجاملها ولا تصحح ولا تنصح !

أول شيء احتوي بنتك وعلميها إن اللي سوته غلط وهي تعرف إنه غلط لأنها تعمله بالخفاء
لا تكلميها بعصبية ولا تقوليلها إنك فقدتي ثقتك فيها
هي لسا صغيرة وتبحث عن السعادة وقصص الحب اللي تشوفها بالأفلام

لا تحرميها من جوالها أو من صديقاتها قوليلها إن هذي الغلطة تتصلح تمسح الرقم والرسائل من كل البرامج وتكتفي بصديقاتها وإن الحب الحلال بيجي في وقته وبتستمتع فيه لكن لو جربت الحب بالطرق الغلط ما راح توصله بالحلال وبتعيش حياة كلها ندم

املي وقتها وشاركيها العاب الغاز اي انشطة ممكن تستمتع فيها معاك

خصصي وقت كل يوم تشربوا شاي سوا وكل واحد يقول ايش احسن شي حصل له في اليوم السابق ايش عبارة قرأها بالبرامج وأثرت فيه او لفتت انتباهه

لازم يكون بينكم احاديث ونقاشات وحب
ابتعدي عن نقدها
لا تنتقديها ( شعرها ، وزنها ، لبسها، كلامها ، اي شي فيها لا تنتقديه)
امدحيها
امدحي نظرتها
امدحي صوتها
امدحي تسريحة شعرها
امدحي اسلوبها في الكلام
امدحي ثقتها بنفسها
لا تسمحي لأحد ينتقدها في وجودك حتى لو اخواتها


والموضوع اللي صار يبقى بينك وبينها

يابنت الحلال خوفيها من الله وحاولي تسلينها عن هالخرابيط
.وشيء طبيعي لأن هالعمر يبي يكتشف الجنس الآخر ..لاتكبرين الموضوع حليه بالتفاهم

الله يحفظها لك ويبعد عنها كل مكروه .
اعتقد اللي خلاها تجرب وتحاكي الاولاد فضول وتشجيع من زميلاتها للأسف.
في كثير هني في المنتدى تجارب الأمهات عن نفس مشكلتك .
بيني لها انه ذي مايجوز لانه محرم عليها ودينا الإسلامي حرمه لانه تصير مشاكل من وراه .
قولي لها هذي مو حب حتى لو تعتبره زميل لها مو حب قولي لها بعد مايجوز لانه ماتعرفين الشخص الي تكلمينه من هو شنو حقيقته وقولي لها قصص بنات ضحايا الشات وكذا . بيني لها زعلك على فعلتها وحاولي تشرحين لها اسباب التحريم الخلوة بين الشاب والبنت حتى لو في الشات . الله يستر على بنات المسلمين ويهدي ويصلح ابناء امتنا

صحبتها لازم يتغيروا،،،لازم تعرف ان مو كل الي تشوفه من صاحباتها صح وتقلده،،خطأ، ،وكثرت الحرام لا يعني اباحته،،،واخبرني من تصاحب أخبرك من انت،،،لازم تتعرف على صاحبات كويسين وتبعد عن الشلل الفاسده،،،واسأل الله لها الهداية والله يعينك عليها 🤲🤲🤲