مسكينه تقطع القلب

سلام عليكم ورحمة الله وبركاته
حبيت انقل معانات صاحبتي لكم وتتمني انها تلقي رد وهي الحين معاي :06:وتبكي من زوجها وطلبت راي بس صراحه ما قدرت اقلها شي قلت نشوف رايكم يابنات
هي بنت معقده شوي لانها تزوجت وفي اقل من سنه تطلقة لعدت اسباب مانبي نطول المهم هذا زواجها الاول كان عمرها 15 سنه يوم تزوجت وطلقت عمرها 16 سنه المهم كملت دراستها ومع اسائة اهلها في معاملتها وكانوا دايم يتلفظون عليها ولا يحترمونها رغم انها كانت مادبه ولا تسمع صوتها المهم ربي وفقها وتزوجت واحد متزوج وعنده عيال من زوجته الاوله وفرق السن بينهم اكثر من 13سنه وقبل الزواج وبعد الخطبه حبته بجنون وكانت طايره فيه من الفرح لانه عوضها الي كان ناقصها كان معها مثل العسل وهو يحبها بجنون المهم وبعد الزواج وحملت تغير زوجها عليها وبدات المشاكل بينهم رغم الحب الي كانوا يحبونه بعض كرها وبدي يتلفظ عليها وهي نفس الحاله كرهته وما عاد تبيه والمشاكل كل يوم اكثر من قبل وعلي اشياء تافه زوجها كان مدلع عند اهله وعن زوجته كان كلامه اومر حتي لو كان غلاط ولا يبي احد يعارضه او يبدي رايه اهم شي هو الي يمشي كلامه وهي ماتبي كذاتبي يكون لها راي وبس تعترض هو يتكلم عليها ولا يحترمها وهي عصبيه مره ولا عندها مسايسه لاتعرفهذا الكلام المهم بعد اربع سنوات من المعارك بينهم قررت هي تتجنبه وتمشي معاه لان اهلها بالاخص ابوها كل مشكله يوقف مع رجالها حتي لوكان هو المخطي يقول لها تبين تتطلقين مره ثانيه وحتي اخواته دايم واقفين معاها لانهم يعرفون اخوهم ابو مشاكل وما يتفاهم المهم هي صارت تتجنبه وهو صاريستفزها ويحاول يخلق اي مشكله علشان يقهرها ولا جاء عندها يبدي يمدح زوجته الاوله ليقهرها ويضرب عيالها عناد فيها وهي محتاره كيف تتعامل معه لا جاته بالكلام الحلو يقول تتصنعين ومو لايق يتهزي فيها ولا جاته بالقوه والمشاكل يقول انتي دايم كذا ويقهرها زياده يقول ليتني ماعرفتك وليت اقدر ارجع الزمن ولا اعرفك رغم كان يحبها بجنون حتي عند اخواته واهله كان دايم يمدحها وهي مره طيب مع اهله و حتي مع زوجته هم يحبونها وتسوي كل هذه لتكسب حبوا لها بس من دون فايده صارو يكرهون بعض كل واحد مجبور علي الثاني وحتي يدعون علي بعض


وتبي منكم حل والله انا صراحه ما ادري وش اقلها اقلها اصبري بس احس انه حرام بضيع عمرها معاه وهي توها 22سنه حرام تقضي شبابها كذا لو وحده بعمرها كان في دلع ونعيم بس لو قلت اتركيه حرام بنتها وش تسوي فيهاوهي تحبه وتبي حل ماتبي تتطلق للمره الثانيه بس زوجها ما يجي لابطيب ولا بشي ؟؟؟؟؟؟؟؟؟؟؟؟؟والله تقطع القلب صراحه
كل الي يشوفها يعطيها عمر 30 سنه من الهم الي عايشتهالله يعينها ويهدي لها زوجها انا احس ان احد مسوي لها سحر اوشي انتم وش رايكم