اتصلت وقالتلي أمانه ياأختي انشري قصتي حلمي اني اشوفها بالصحيفه فقلتلها وش تستفيدين قالت أبي أطفي النار اللي فقلبي واستغربت
المهم قلتلها هاتي ماعندك مايصير خاطرك الا طيب وابشري
فقصت قصتها وليتها ماحكتني اليكم التفاصيل:
تقول أهلي زوجوني لما كان عمري12 سنه لشاب غير متزوج وانجبت منه بنت وولد وبعدين طلقني
فقلت لها: وش السبب دامه شاب مو متزوج هو ماأحسن اليك؟
قالت: نعم احسن لكن ماحد كان يفهمني وش الحياه الزوجيه؟ كنت اخرج بره البيت كثير كنت أحس اني طفله ماعندي مسئوليه
وبعدين
تقول مجرد ماخلصت العده بعد يومين قالولي أهلي بكره تروحين مع زوجك الجديد تقول:انصدمت ماصدقت شوية ملابس حطيتها بشنطتي واشرقت الشمس وجا العريس
وتقول: ليته ماجا... تصدقين بالله ان عمره 60 سنه وطبعآ دفع مبلغ لأهلها واهلها باعوها
تقول لما دخلت بيتي أول يوم والله ماسمعت منه كلمه تطيب خاطري ولاحتى مبروك بالعكس خلاني جاريه عنده وان فتحت فمي بكلمه ياويلي
ومرت الأيام والسنين طبعأ خلفت ولد وبنتين واول حمل لي تقول فرحت مره وقلت اكيد حيغير طبعه معاي ولما بشرته قال:
عاااااااااااادي وش يعني؟!!!!!!!
فعلمت انه انسان مافيه ذرة رحمه
وعن نفسي اخااااااااف اطول بالحكي لكن حكتب لكم مقتطفات ونقاط من حياتها مع الزوووج القاسي الله يلين قلبه على زوجته:
لما انجبت المولود الاول ضاعت غطاها وطرحتها وطلبت منه ان يسترها ويجيب لها طرحه وغطا فرفض غير طلبت من الممرضات
سبحان الله تطلب الستر من الغريب وزوجها اولى بسترها
عنده مال وخير كثير وعماير وارصده الا انه بخيل جدآ لدرجة مسكنها في بيت ضيق كأنه كوخ وملابس اولادها من سنين ضاااقت وحالتها حاله كأن الفئران ماكلتهن
الأكل ياويلها اذا طبخت وزاد لازم تطبخ قليل ولاترسلين لأحد لو جيرانك وفاصل التلفون يعني مافي......
جاها خبر عن دخول والدها العنايه المركزه وتبي تزوره فرفض وقبلت قدميه الا انه رفسها برجله قالها لو طلعتي انتي طالق.....طبعآ فتره قصيره ومات والدها وماشافته
لما ياكلون بصحن واحد يشرب من كاس المويه ويسكبه على مكان اكلي
حرم ابنه من اكمال الدراسه
لما خلفت بنتها الثانيه ولدها دخل الحمام وانزلق فحملها المسئوليه ليه انزلق وضربها ضرب مبرح بصندل الحمام وهي في فترة النفاس
لما تبتسم يقولها جعلني ربي يوم ماشوف اسنانك هذي
تقول يكفي اني محرومه من عيالي الأولين ماشفتهم على عيني 19 سنه ومتعذبه مره
دخلت المستشفى كثير جراء العنف اللي يمارسه اتجاهها وكنت اتحجج اني طحت او انزلقت وماحد يدري عن الحقيقه
والله تحزززن قطعت قلبي وجلست ابكي معاها تقول والله ماشفت يوم حلو معاه والله ماعمره قالي كلمه حلوه مايخرجنا الا بعد ترجي وبكا
لاتقوليلي روحي لأخوك زوجته متحكمه فيه ومبهذله أمي ومافيه خير وهو وحيدنا حيااااااااااتي عذاااااااااب
المهم هذا اللي اختصرته وحبيت اذكره وكتبته بأسلوبي العامي لأني ماحب اكون رسميه معاكم
بعد مااخذت أقوالها نشرت قصتها بعد سنه تعرفووون ليش؟ احس في شي ماسكني ومانعني وبعد مانشرتها وليتني مانشرتها قراها وضربها وشتمها بألفاظ وسخه مع اني ماذكرت اسمها الله يحاسبه وينتقم منه
انا ماتواصل معاها بعد ماحكتني بس اتابع اخبارها من اختها
ادعووووووولها لاتحرمونها دعواتكم
جـــــــــرح الزمن @grh_alzmn_5
كبيرة محررات
يلزم عليك تسجيل الدخول أولًا لكتابة تعليق.
الله يكون في عونهاويفك كربتها ويعوضها خير اما كان في الدنيا ففي جنة الخلد
والله ان الدنيا مليانه مآسي بس البيوت مسكره ومحد يدري عن احد وما فيه سعاده الا في الاخره
الله يجعلنا واياكم من السعداء في الاخره
والله ان الدنيا مليانه مآسي بس البيوت مسكره ومحد يدري عن احد وما فيه سعاده الا في الاخره
الله يجعلنا واياكم من السعداء في الاخره
الله يفك همها وغمها ويعوضها باولادها خير
وبشر الصابرين وبشر الصابرين وبشر الصابرين
شوفي حبيبتي عليها بقيام الليل والدعاء والله اقوى من الظالم
وبشر الصابرين وبشر الصابرين وبشر الصابرين
شوفي حبيبتي عليها بقيام الليل والدعاء والله اقوى من الظالم
**توته**
•
wteen** :
انا مقتنعة انه في كثير مثل هالمشاكل ومثل هالناس اللي الرحمة خالية من قلوبهم واذا كانت قصتك هذه صحيحة ما قدامها الا الدعاء اولا في جوف الليل ان الله يهديه او يخسف به ويريحها منه وثانيا : تروح للجنة الشؤون الاجتماعيه ما ادري حقوق الانسان المهم اللي يهتمون بهالمسائل بس بغيت أسألك سؤال محيرني وشلون قرا اللي نشرتيه وهو عمره 60 سنه ويمكن وصل 70 بما انه لها سنين وهي تعذب عنده هو يفهم في الانترنت وحتى ربعه ما اعتقد انهم يعرفون شي اسمه انترنت وحتى لو في احد يقرا له وشلون عرفوا انها قصته هو وحرمته وهي على حسب قولك(( وكنت اتحجج اني طحت او انزلقت وماحد يدري عن الحقيقه )) ممكن تفهميني لاني احس ان القصة ما دغدغت وجداني اعذريني على صراحتي وعموما الله يفرج عنها ان كنت صادقة والسموحة يا قلبيانا مقتنعة انه في كثير مثل هالمشاكل ومثل هالناس اللي الرحمة خالية من قلوبهم واذا كانت قصتك هذه...
:)
حبيبتي هو متعلم معاه سادس ابتدائي وانا نشرتها بصحيفه مو انترنت واليوم اللي اديتها الخبر اختها جابت لها الجريده وشالتها هالزوجه لزوجها قالتله وش رايك بهالزوج اللي مسوي كذا بزوجته فعرف السالفه بعد الهواااااااااش والصريخ فاعترفت له
بالنسبه لدخولها المستشفى بسبب ضررربه الدكتور يسألها وش سبب الكدمات فتتحجج بالانزلاق والسقوط
وهذا حال كثير من المتزوجات يسترررون بعكس الرجل في هالأيام
بالنسبه لدخولها المستشفى بسبب ضررربه الدكتور يسألها وش سبب الكدمات فتتحجج بالانزلاق والسقوط
وهذا حال كثير من المتزوجات يسترررون بعكس الرجل في هالأيام
الصفحة الأخيرة
واذا كانت قصتك هذه صحيحة ما قدامها الا الدعاء اولا في جوف الليل ان الله يهديه او يخسف به ويريحها منه
وثانيا : تروح للجنة الشؤون الاجتماعيه ما ادري حقوق الانسان المهم اللي يهتمون بهالمسائل
بس بغيت أسألك سؤال محيرني وشلون قرا اللي نشرتيه وهو عمره 60 سنه ويمكن وصل 70 بما انه لها سنين وهي تعذب عنده هو يفهم في الانترنت وحتى ربعه ما اعتقد انهم يعرفون شي اسمه انترنت
وحتى لو في احد يقرا له وشلون عرفوا انها قصته هو وحرمته وهي على حسب قولك(( وكنت اتحجج اني طحت او انزلقت وماحد يدري عن الحقيقه )) ممكن تفهميني لاني احس ان القصة ما دغدغت وجداني
اعذريني على صراحتي وعموما الله يفرج عنها ان كنت صادقة
والسموحة يا قلبي