مسكين.............

http://www.kw20.com/file/mskeen.rm


مسكين ماتلقى مشخّص لحالتك=ظنك جميع الناس ترخص ثمنها
أعقل..ترى مانيب ناقص جهالتك=أن طعتني شف ناس غيري..وهنها
مانيب عامل وجاي أدوّر كفالتك=محبتك ذلّه..وأنا أشوم عنها
ظلمك على نفسك تعدى عدالتك=نفسك بتزعل منك ..صحصح وصنها
مدري ..أحسك منبسط من هبالتك=خيول عقلك ليه..تفلت رسنها
النقص في عقلك..يشابه رسالتك=فيها جزء من نص ..مفقود منها
أكتب عليّ مانشيت...وأمحي مقالتك=فاهم حيلك بسرها وبعلنها
لا تدلني للحب..ما أبغى دلالتك=دولتك باخصها..وباخص مدنها
لوك وكيل الشوق؟!لـ ألغى وكالتك=راحت سنين الشوق وروّح زمنها
صعوبتك عندي تساوي سهالتك=لأنك عجينه في يدي..واعجنها
اللي صدمني فيك قلة أصالتك=ناسٍ مثل شرواك محدٍ ضمنها
ماني مطولها ولا ابغى اطالتك=قلبي الى من عاف حاجه..ركنها

.:. قصيده للشاعر فيصل اليامي .:.