منايل الشرقيه :

الحمدالله يابنات ولدت البارح الظهر الساعه 12وجبت ولد بس للحين مااخترنا الأسم  تمنيت اني بشرتكم اول ماطلعت مع اني كنت منهاره وتعبانه بس 3G مااشتغل معي في المستشفى ماادري ليه 

الحمدالله يابنات ولدت البارح الظهر الساعه 12وجبت ولد بس للحين مااخترنا الأسم  تمنيت اني بشرتكم...

منايل الشرقيه :

ماحبيت ااجل الأكشن اخاف اني انشغل بضيوف وحوستهم  المهم الله يسلمكم يوم الثلاثاء كنت طالعه من الدمام للخبر وانا فيني طلق يروح ويجي وفي الخبر حسيت الطلق انتظم كل 7دقايق وماسكه نفسي انتظر نتعشا بس وانزل للحسا وتعشينا وقال زوجي تعالي امشي في الكورنيش بس من الخوف قلت تعبانه ننزل الأحساء ولاحقه ع المشي المهم بالطريق اشتد الألم بس الفتره هي نفسها 7دقايق ع الساعه وجالسه واقرأ قرآن وسألت زوجي وين علبة المويا اللي كانت جنبي قال رميتها انا بغيت انهبل اقوله هذي طول فترة حملي وانا اقرأ وانفث فيها عشان هاليوم والحين ترميها وأخيرا  11الليل وصلنا ورحت المستشفى ع طول كشفت الدكتوره طلع الرحم مقفل وسوت تخطيط طلع في طلق قالت الرحم مقفل وعنق الرحم بعييييد يعني الجنين للحين مانزل انتظري اربع أيام تخلصين التاسع وتعالي  انا طلعت وفيني قهر موطبيعي  أقول لزوجي توقعت ان الرحم بيكون مفتوح من القهر يابنات خليتها تكشف علي مرتين قلت دكتوره مايصير مقفل سوي ثاني وكشفت ثانيه وقالت اكيد مقفل رحت بيت اهلي وشربت يانسون وحاولت انام بس من الألم ماقدرت تحملت للساعه 5الفجر وسويت لي حلبه وأكلت تمر وتبخرت بعود والألم هو نفسه واتصلت ع زوجي قال انا نمت متأخر مااقدر أمرك ونروح للمستشفى شوفي اخوانك وانتظر اخوي للساعه 8 وجاني قريب الساعه 9انا خلاص ابتديت استفرغ وعرفت ان اكيد الرحم فتح وأخذ امي ونروح رحنا وكشفت الدكتوره قالت خلاص ولاده مفتوح 4وطبعا مع الكشف نزلت السداده  وصعدت للتحضير الساعه عشره واشوي وتجي دكتوره سودانيه قالت بكشف قلت ماتكشفين انا اعرف الولاده اذا جيت ابولد ناديتك وعصبت علي قالت موكيفك قلت اذا زاد الألم كشفي وفي الأخير يبرد الطلق بعد ماكان منتظم صار فرق كبير بين كل طلقه والثانيه قالت طلقك برد قلت تعالي كشفي وكشفت ومع الكشف فتحت ماي الجنين وربع ساعه من نزل الماي والطلق صار حاااامي وانا في هالوقت ادددددعي ومن ضمن الدعوات ان شاءالله الساعه 12انا ولدت وخلصت والحمدالله يومها كان زحممممه المستشفى من الساعه 8الى الساعه 8الليل اللي ولدو 75وحده طبيعي غير القيصري واللي تولد دكتورتين بس  ونرجع نكمل الدكتورتين كانو عند اللي جنبي انا حسيت بأربع طلقات اللي جات الجنين يدفع نفسه وينزل واسمع الدكتوره تقول للي جنبي يالله اذا حسيتي براز دفعي انا سمعتهم صرت ادفع بعد كذا شفت لا الوضع مايحتمل أكثر والدفع لا إرادي وانادي الدكتوره وهي ساحبه علي ماتوقعت ان الرحم فتح بسرعه قلت لها بيييييطلع وافتحت الستاره وشافتني ادفع وطياااااره ع سرير الولاده وانا ااشر لهم ان المغذي بيدي وهم ناسين أمره بيسحبوني ويدي معلقه  فيه وصلت ع سرير الولاده كان بالغرفه القابله وبنتين تطبيق انا طبعا وااااصله حدي مافي مجال انهم يبنجوني ولاشي اللهم بس يطلعون لي الراس وادفع وادفع طبعا الجنين ماساعدني فتعبني الدفع اشوي وطلع الولد سألت بنت التطبيق سوت لي توسعه قالت لا مااحتجتي قلت الحمدالله الحين جا وقت المشيمه طلعو منها والباقي ماطلع جزء منها احسها وهي تحاول تطلعه متثبت في الرحم وهي تشد وانا رحمي بيطلع قلت لها بسسسسس رحمي بيطلع وراحت تنادي الدكتوره من التحضير ووقتها بنت التطبيق تبي تطلع المشيمه واصرخ عليها من حر مافيني قلت لها يعني القابله ماقدرت انتي بتتشطرين قالت اصلا انا الدكتوره وهي مجرد ممرضه قلت موعلي هالكلام تفضلي برا موناقصتك سمحت تتفرجين بس ماتوصل انك تتدربين علي والدكتوره بالضبط اخذت ساعه وجاتني جات الرحم انقبببببض وصارت توسع بيدها انا خلاص انهرت مافيني حيل من التعب وسوت ووقفت محتاره شتسوي انا جلست اببببكي خفت تحولني عمليه بس الحمدالله قالت لازم اسوي لك توسعه وخياطه قلت يالله أهون وسوت توسعه قالت دفعي كأنك بتطلعين بيبي وادففففففع واكح والحمدالله خلصنا منها وجات ع الخياطه طبعا داخليه وخارجيه  انا جاتني حاله بس اببكي من طلعت من غرفة الولاده حسيت اني ولدت مرررررتين وبنفس الوقت ابكي لأن الله رحمني وسلمني من العمليه ومااحتجتها وصادفت بالغرفه وحده نفس المشكله بس قالو بيحولونها عمليه دكتورتها مصريه تقول رفضت وسبحان الله تقول قلت لها بكح وبتطلع وفعلا بس جلست تكح نزلت المشيمه لأنها سبق وصارت معها نفس المشكله الحمدالله تسهلت في الولاده بس تعسرت في المشيمه

ماحبيت ااجل الأكشن اخاف اني انشغل بضيوف وحوستهم  المهم الله يسلمكم يوم الثلاثاء كنت طالعه من...