مسك الزوجة للجوال

مساء الخير…
بنات خاصة المتزوجات بسالكم الحين هل من الطبيعي ان الزوج يتدخل حتى في مسك زوجته للجوال..،
يعني ماقصد الي هاملة بيتها ومسؤولياتها لا ماهو كذا الوضع
يعني مثلا اكون اطبخ وكذا ومسكت جوالي يشوفني زوجي عنده مشكلة كبيرة ويقعد يتحجج يطالع يمين يسار ويدور شيء كان مقصرة او شيء فيه واذا مالقى يقعد يسالني سويت الشيء الفلاني والفلاني والا لا.

انتو زيي يعني رجالكم والا لا يتدخل حتى اذا مسكتي الجوال ويسوي سالفة والا عادي تمسكيه ومافي مشكلة يعني مدري احس مخنوقة مو طبيعي أنا ماسمك الجوال طول اليوم يعني ولكن بين فترة وفترة يعني اشيك ع جوالي وهذا شيء احس طبيعي.
حتى اهلي صارو يقولوا لي وينك مانشوفك تتكلمي في الجوال زي اول قلت لهم زوجي مايرضى امسك الجوال ويسوي سالفة اذا مسكته …يبغى اشتغل في البيت على طول زي الروبوت
تكفووون قولو لي زوجي كذا طبيعي والا لا صرت اقول اذا تطلقت منه محتارة وش اكتب سبب الطلاق وش اخلي وش اقول
صرت احس اني حرامي امسك الجوال وانا خايفة يعني اذا هو موجود وبس يشوفني من كثر ماخيفة يهدر علي اتركه على طول ياخي سود حياتي هالرجال وحاط اي كميرات مراقبة اذا شاف ماتحرك في المطبخ يقول قاعدة على جوال طول اليوم صرت اشغل المكيفات لعل تجي فاتورة دبل وشيلهم لكن مافي امل.