مين اللي حاقد ؟؟
المسلسل ماهو انتاج خليجي ولا عربي
المسلسل تدري عنه السعودية و وزارة الاعلام و الثقافة
ولا ما كان سمحو ينعرض بإسمها
ليش كل شي نسميه حسد و غيرة و كيد للسعودية ؟؟
الكمال لله و احنا دولة زي غيرنا عندنا مشاكل و عندنا اشياء مو مريحه الشعب
فعلاً مشكلة اغتراب المعلمات خربت بيوت
الوحدة مقابل تحسن وضعها المادي تتنازل عن اشياء كثيرة
و احنا مجتمع بحكم انه مافيه قيادة سيارة تضطر الوحدة للمشاوير
يعني سوق مكتبة محلات كله لازم ليموزينات و هذا شي فيه مخاطرة
اختي في منطقة بعيدة حتى مكتبة تشتري منها خامات للاعمال الفنية ما لقيت
غير تجي هنا بالاجازة تاخذ كميات
و البعض وراها زوج و اطفال هل يعقل تنقل سكنها لقرية ؟؟
طيب هناك مين بيمسك عيالها لا تقولو خادمه مالهم امان و انتم اكثر ناس تعرفو بلاويهم
ولا الزوج ينقل عمله ولا يتركه ولا تروح لوحدها بأطفالها ؟؟

و الله ما حد المعلمات ع المرمطه الا شح الوظايف الحكومية مافيه الا وظايف بالخاص
اسواق و محلات ملابس و عطور و مكياج و الاهالي ما يعجبهم كذا
اللي يقول اختلاط و اللي يقول ما يسوى الدوام طويل و الراتب 5 الاف

مافي وظايف رواتبها صاحيه للحريم غير التمريض و التعليم
اما الدوائر الحكومية مو كلن يطولها الا اللي عنده واسطه رغم ان رواتبها ممتازة
مرة كنا بالاحوال و الموظفة واضح جهلها بالحاسب كانت تنتظر زميلتها تخلص استراحتها و توريها كيف تكمل الاجراءات بالله ذي كيف اتوظفت
و غيرها كفؤ جالس بالبيت لان ما عنده واسطه

طيب المسلسل يظهر كمان انه الوظيفة اهم من الزوج والعيال...مثل وحدة يقلها زوجها يالله اتركي وظيفتك وتعالي ما تطيعه حتى تزوج عليها الثانية..وكل وحدة لها عيال تاركتهم يربيهم ابوهم وهي تشتغل....معقول في حريم كذا يفضلون الفلوس على تربية

مسلسل يجيب الاكتئاب وكله حزن اعوذ بالله

فعلا مسلسل يجيب الاكتئاب ما اصدق ان حياة كل المغتربات بهذه الماساوية كل وحدة يموت لها حد من عايلتها او تموت هي ياخوفي باخر حلقة مايضل احد يمثل ويرتاح الكاتب والمخرج ونرتاح نحن .....بس اذا فعلا واااقع كل مغتربة فالله يعينهم ويفرج عليهم ..

والله محد طق الحرمه على يدها وقالها روحي اشتغلي الاغلبيه من هالمعلمات ميب محتاجه ولا شي بس تبي شي لها عشان الترفيه ومصاريفها الخاصه اعرف من وحده تغربت وخلت بيتها وزوجها عشان الفلوس مع ان الفلوس ماتجيب السعاده لأحد ليش اغترب وأصير في مكان وزوجي في مكان خلاص أدور اي وظيفه في منطقتي بأي راتب مو لازم اضغط نفسي وأبعد لو دراسه نقول مو مشكله بس وظيفه عشان راتبها كبير هاذا غير الغربه لو مكان بعيد لازم اجلس فيه خمسية كيلو او اكثر ولو ميه ميه وخمسين كيلو بصير رايحه جايه ويروح يومي وانا في الباص انا الحوادث فهي قضاء الله وقدره ماشفت الا مقاطع من المسلسل الي يحكي معاناة المعلمات المغتربات مااعتقد انه كله واقعي أكيد فيه مبالغه