السلام عليكم
شخباركم بنات حواء
يايبت لكم اليوم قصة وحده من صديقاتي ومعاناته ويا السمنه وراح أرمز لها بأسم وجود وراح أتكون على شكل حلقات بداية من معاناتها بالسمنه وأنتهاء بتخلصها منها
القصه أعني المسلسل من صياغتي فما أحلل لأحد نقله
وأنا عارفه أن هناك وايد بنات مرت عليهم مواقف مثل المواقف الى مرت بوجود
بندأ بأسم اااه
الحلقة الأولى
في ذاك اليوم قعدت من النوم وأنا مب راضيه أقوم من الفراش:mad: بس أختي مصره أني أقعد وأروح معاها حفلة صديقتها الى يايه من السفر قعدت وحاولت أقوم روحي بس قمت بصعوبه والسبب طبعا الكيلوات الى متراكمه في جسمي قمت دخلت الحمام:3_2_21v: وأنتو بالكرامه وعقب ما طلعت من الحمام فتحت دولابي أبي شئ ألبسه طلعت بلوزاتي ولبست وحده أنصدمت معقوله ضاقت علي رغم أني ما صار لي شهر من شاريتها ورميتها وأنا مضايقه وقعدت أبدل من بلوزه الى ثانيه وكلهم ضيقين حتي الى أوكي مب حلوين لأنهم يبرزون الكرشه الى أشوفيني فيها ايقول حامل
والله أنقهر ورحت حق بنطلوني وتميت أبدل من واحد الى الثاني ما لقيت شئ ألبسه في النهايه رميتهم كلهم وقلت بحسره مالي غير الجلابيات فتحت دولابي لبست جلابيه وسيعه بس قبل لا ألبسها لفيت على المنظره الطويله الى في غرفتي لقيت جسمي ما حبيته:44::44::44: في كل مكان شحوم في الصدر والبطن والأرداف لكن ما همني لبست عبايتي فوق الجلابيه وحطيت لي شوية مكيب ونزلت لقيت أختي مع أمي قاعدين يفطرون أول ما شافتي أختي اصرخت فيني " شنو هذا ليش لابسه جلابيه وين بلوزتك اليديده والبانطلون" ترددت شقول لها ضاقوا مثل كل ثيابي رديت عليها " أنا حابه ألبس جلابيه اليوم " ورحت لطاوله وقعدت أفطر وعينكم ما اشوف شنو أكلت ( أكلت 3خبز وحطيت فوقه زبده وجبن وبيض ، وهذا طبعا غير الكروسون والحليب الى زايد سكره والمربي ):f226: وأنا آكل من دون ما احاسب وفجأه طاحت عيني على أختي أروى شنو لابسه لابسه بلوزه حلوه ورديه غير البطلون الجينز الا طالع اينن عليها ولما أكلت أكلت لها خبز صغير ويا جبن وكاس حليب وقالت الحمد لله
وقمنا من الفطور ونزلنا الدرج أختي لأنها رشيقه نزلت بسهوله بس أنا كنت مع كل خطوه في الدرج آخد نفس لما نزلت حسيت أن نفسي بينقطع وطلعنا من البيت وركبنا السياره كانت اختي اروى اهي الى اتسوق وكانت سيارتها من النوع الصغير وركبت حاولت أعدل من روحي عشان اركب معاها ما قدرت حسيت بأني صغيره بهذا الموقف لما شافت أختي الوضع راحت حق الوالد وخذت منه سيارته الجيب وحتى هذى ركبت بصعوبه كنا ساكتين ثنتيننا أنا من الفشيله وهي من احراجي طول الوقت كانت امشغله المسجل فجأه لقيت اروى اتقولي " وجود حبيبتي لأني أحيك أبي اقولك أنك لازم اتفكرين في نفسك شوي أنتي ألحين عمرك 25 بكره لو دخلتي الأربعين شنو بصير فيكي " كانت كلاماتها مثل الأسهم في قلبي كل كلمه اعتبرها سهم
شنو رااح أصير في حفلة صديقة أخت وجود
تابعوني في الحلقة الثانيه
![الجو]222](https://cdn.hawaaworld.com/images/user_avatar.png){kind=avatar}
الجو]222 @algo222
عضوة
يلزم عليك تسجيل الدخول أولًا لكتابة تعليق.
baby_flower
•
نحنا بانتظارررررررررررررك
الجو]222
•
روووعه كملي متابعينكروووعه كملي متابعينك
أتمنى أن الحلقة الأولى عجبتكم وهذي الحلقة الثانية وأنتظر ردودكم وتعليقاتكم
الحلقة الثانيه
دخلنا بيت صديقتي ودخلناالديوانيه لقيت بنات يتكلمون وكل وحده شنو هاللبس وشنوهالأجسام واو كل وحده اتقول الزود عندي ما كانت عليهم عبايات لأن الجمعه كانت حريمي دخلنا وسلمت على صديقة أختي مروه واشرت على الشغاله عشان تستلم العبايات أختي عطها عبايتها بس أنا قلت لأ شنو الكل لابس وكاشخ الا أنا لابسه جلابية مثل العجايز وقعدنا والكل ضحك وسوالف الا أنا ما كنت مرتاحه كنت أحسن أن مختلفة عنهم لدرجه أني ما كنت أجاريهم في أي حديث ويا وقت الأكل كانت مروه عامله بوفيه بكل ما لذ وطاب الرز أنواع وأشكال والمعكرونات غير المعجنات وما نست المشويات وغير الحلى يعني يفتح الشهيه وعزمتنا على البوفيه ورحت مع أختي أهي أخذت لها في صحنها أشوية مقبلات وشوية مشويات وملعقة رز وأنا راح تنصدمون لما أخبركم شنو أكلت مليت الصحن رز غير المشويات والمعجنات والمعكرونات وتميت آكل فيهم وحتى لما خصلت الصحن مليت لي صحن ثاني وخلصنا وقاموا الضيوف يآكلون الحلى أنا ما قصرت أكلت عن الكل وكأني مفجوعه وبعدها قعدنا قعدة بنات وكانت يمي صديقه من أيام المدرسه وبعد السلام لقيتها أتقولي :" وجود اتعرفين أم محمد الى كانت قاعده يمي هذي كانت تتكلم عنك وتسألني عنك وعن عيلتك ودراستك يعني تبي معلومتك عنك ولما سألتها عن السبب قالت أنها أدور بنت حق اتزوجها ولدها وهي أعجبت فيكي فتبي معلومات " أنا اصدمت معقوله ممكن أصير هذا الموضوع ما عرفت شقول لها فسكتت ومرت العزومه وردينا البيت وهات يا أكل شغلت التيلفزيون وهات يا شبس وبيبسي غير الفيشار وأنا ابلع وطبعا ما نسيت الجالكسي عشقي ومرت الأيام على ما هي عليه وخلصت أجازتي ورديت الدوام على فكره أدوام في دائره حكوميه وكل يوم البنات يطلبون لهم فطور أنا عن ثلاثه كنت أكوله وخلص الدوام ورجعت وقمت أتغذى وحطيت لي صحن كبير وهات يا أكل ومعاه بيبسي وكانت المفاجأه العصر أمي دخلت علي الغرفه جان أتقول :" وجود حبيبتي اليوم دقت علي جارتنا القديمه أم محمد وتبي تخطبك لولدها الوحيد محمد واذا وافقتي بكره راح ايي عشان اتسوون مقابله أنصدمت يعني ام محمد ما نست وتمت ورا الموضوع واتصلت حق امي
عشت يومين ما كنت في وضعي الطبيعي لكن الشئ الى صار أني كنت آكل أكثر طول فترة انتظار المقابله
شنو راح أصير في الحلقة الثالثه هل يقبل محمد بوجود أنتظروني في الحلقة اليايه
الحلقة الثانيه
دخلنا بيت صديقتي ودخلناالديوانيه لقيت بنات يتكلمون وكل وحده شنو هاللبس وشنوهالأجسام واو كل وحده اتقول الزود عندي ما كانت عليهم عبايات لأن الجمعه كانت حريمي دخلنا وسلمت على صديقة أختي مروه واشرت على الشغاله عشان تستلم العبايات أختي عطها عبايتها بس أنا قلت لأ شنو الكل لابس وكاشخ الا أنا لابسه جلابية مثل العجايز وقعدنا والكل ضحك وسوالف الا أنا ما كنت مرتاحه كنت أحسن أن مختلفة عنهم لدرجه أني ما كنت أجاريهم في أي حديث ويا وقت الأكل كانت مروه عامله بوفيه بكل ما لذ وطاب الرز أنواع وأشكال والمعكرونات غير المعجنات وما نست المشويات وغير الحلى يعني يفتح الشهيه وعزمتنا على البوفيه ورحت مع أختي أهي أخذت لها في صحنها أشوية مقبلات وشوية مشويات وملعقة رز وأنا راح تنصدمون لما أخبركم شنو أكلت مليت الصحن رز غير المشويات والمعجنات والمعكرونات وتميت آكل فيهم وحتى لما خصلت الصحن مليت لي صحن ثاني وخلصنا وقاموا الضيوف يآكلون الحلى أنا ما قصرت أكلت عن الكل وكأني مفجوعه وبعدها قعدنا قعدة بنات وكانت يمي صديقه من أيام المدرسه وبعد السلام لقيتها أتقولي :" وجود اتعرفين أم محمد الى كانت قاعده يمي هذي كانت تتكلم عنك وتسألني عنك وعن عيلتك ودراستك يعني تبي معلومتك عنك ولما سألتها عن السبب قالت أنها أدور بنت حق اتزوجها ولدها وهي أعجبت فيكي فتبي معلومات " أنا اصدمت معقوله ممكن أصير هذا الموضوع ما عرفت شقول لها فسكتت ومرت العزومه وردينا البيت وهات يا أكل شغلت التيلفزيون وهات يا شبس وبيبسي غير الفيشار وأنا ابلع وطبعا ما نسيت الجالكسي عشقي ومرت الأيام على ما هي عليه وخلصت أجازتي ورديت الدوام على فكره أدوام في دائره حكوميه وكل يوم البنات يطلبون لهم فطور أنا عن ثلاثه كنت أكوله وخلص الدوام ورجعت وقمت أتغذى وحطيت لي صحن كبير وهات يا أكل ومعاه بيبسي وكانت المفاجأه العصر أمي دخلت علي الغرفه جان أتقول :" وجود حبيبتي اليوم دقت علي جارتنا القديمه أم محمد وتبي تخطبك لولدها الوحيد محمد واذا وافقتي بكره راح ايي عشان اتسوون مقابله أنصدمت يعني ام محمد ما نست وتمت ورا الموضوع واتصلت حق امي
عشت يومين ما كنت في وضعي الطبيعي لكن الشئ الى صار أني كنت آكل أكثر طول فترة انتظار المقابله
شنو راح أصير في الحلقة الثالثه هل يقبل محمد بوجود أنتظروني في الحلقة اليايه
الصفحة الأخيرة