مسيار امي

اليوم العصر تبي تفرك امي عند صديقاتها وين ياحلوه البن قالت ابي اروح لام فلان قلت رجلي على رجلك يابنت ابعدي عن وجهي انثبري معا عيالك قالت ان قالها الله ماتتحركين الا رجلي على رجلك طيران انزل بجامتي والبس الي وقعت يدي عليه والمشط والروج والمسكره بلشنطه مابوه وقت واخذ بنيتي الصغيره والباقين معا خالتهم حتى والله ماقلت معسلامه وتلفت امي وانا جنبها عطتني ذي النظره😒 وراني ياحلوه البن طايحه من عينك دوم المهم والله ورحنا عند ذاك الاجوديه الله من بيت الله من حوش الله من سنع واستقبلتنا بلطيب والعود الازرق ياخي ودي اقول لها ممكن اكون مزهريه بحوشكم كثر ماالدنيا هناك تفتح النفس والله وقلطنا كان هناك بنات جاين معا امهاتهم عاد هنا امي تشغل ردارتها اخوي يبي يتزوج الساحه ساحتها المهم والله يبنات من جد تاخذين عجبه بالناس الي تشوفينهم بنت صاحبه البيت شوي ملتزمه وكان فيه بنت لابسه مشخلع شوي البسه لزوجي لانزل الراتب ودي اقولها عسا ماشر ياخيه كلنا نسوان نخدمك بشي بس لبسها وهي حره والله واجي انقز يم البنات ابي اسولف واتعرف ايوه وتخصصك ايش وسوالف ابو ريال الي تعرفون وتجي بنت المعزبه تبي توجبنا انا ابي الطف الجو لاتعبين عمرك ياروحي بس تعالي خنسوالف عطتني نظره انا متعشيه معك امس اههههههههههههههههه المهم سولفنا وراحت االبنت وباقي الملتزمه وانا اسولف معها والله تعبتي بروحي بس جيت معا الوالده ابي اسولف معتس قالت والله كنت بجي بس ماحبيت احتك بلبنت الي معك ليه قالت بس مارتحت لها هنا ورقه وقلم لازم افتح تحقيق قلت اي شفت نظراتك لها مبينه بس عسا ماخلاف سامعه عليها شي قالت ماشفتي شلون لابسه قلت الا بس عاد مو دليل انها سيئه قالت والله ماعندها حياء من الله انا هنا دقيت التربيعه🤷‍♀ لايابنت مايجوز كذا مو ان مظهرها شوي عليه ملاحظات تقومين تقولين عنها كذا واستشهدت بحديث لها عن الرسول لما بال الاعرابي بلمسجد قامت تتحجج وفكينا منها الله يغفر لنا ولها رجعت البيت صدز افكر في هلبنت يعني انتي ملتزمه تقومين تحتقرين الي تحسين انها اقل التزام ولا تنقصين من قدرها عشان تصرف خارجي يعني التزامك ماعلمك ان الدين يسر واخلاق وابتسامه ومعامله يعني حتى لو تشوفينها عريانه مايمنع انك تلاطفينها وتسولفين معها يمكن تاخذك قدوه حال بعض البنات لما تلتزم ياتكونين مثلها ياانتي فاسقه واحتقرك وماتشرف اناظر فيك كلمه صدق اوجهها لهلفئه انتي ونعم فيك بس ونعم فيك زود لما تطبقين السنه كلها لماما تكرهين الي صدق يفكر يلتتزم او تعطين فكره عن الالتزام بصوره التشدد وانك ياراعي الذنب فاسق ومحتقر وفيك ومايخطيك كلنا الا من عصمه الله مخطئين وعندنا ذنوب ومو اعمالنا الي تدخلنا الجنه رحمته سبحانه كونو مبتسمين حتى للعصاه كوني اريحيه في تعاملك حتى لو الي قدامك يهودي انتي مسلمه اذا عندك رساله بس تحتاج وجه طلق ونفس غير متعاليه ودمتم💋