ماشاء الله شو هلنضافة الله يخليلك جوزك وابنك ونيالهم فيكي معلش كتبتلك الوصفة هون بلغلط رح اعطيكي ازكى وصفة ورح تزبط معك علاكيد
الكوسا بلبن :اول اشي بتجيبي الكوسا اما محفورة او بتحفوريها وبتغسليها من برة وجوا بمي وملح ,بتجيبي نص كيلو لحمة مفرومة وراسين بصل متوسط الحجم بتفرميهم ناعمين بتقليهم بشوية زيت نباتي ولما يدبلو بتحطي معهم اللحمة بتحطي معها ملح بس ولما تنشف ميتها وهيي عنار بتحطي نص ملعقة فلفل اسود ملعقة قرفة ملعقة بهار مشكل او سادة وبتشوفي ازا بدها كمان ملح حسب الرغبة وبس تستوي وتنشف ميتها بتطفي الغاز عليها وبتستنيها تبرد شوي ازا بدك تضيفيلها صنوبر محمص كمان .
بتجيبي الكوسا وبتحشي كل حبة كوسا بللحمة بس مو للاخر يعني ثلاث ارباع الكوساية حتى ما تتطلع اللحمة منها وهيك لتخلصي كل اللي عندك .
بتحطي بقلاية شوية زيت نباتي وبتقلي الكوسا فيي لبين ما يدبلو الكوسايات يسيرو كانهم مجعدين من برة محمرين ببينو معك لازم ياخدو لون .
بتكوني محضرة اللبن الي هوه عبارة عن كيلو لبن عادي الزبادي او زبادي النعاج ازا متوفر بالسعودية بس عادي الزبادي العادي بزبط بتحطي بطنجرة وبتحطي معو بيضة ولعقة نشا كلو علبارد وبعدين بتشغلي الغاز عليه وبضلي تخفقي فيي لا تتركي ولا بفرط اللبن بضلي تحركي ليغلي اللبن وهيك بتقدري تتركي ازا شوفتي بدو شوية ميي حطي بس لازم تكون سخنة ولا تسكري الطنجرة عليه نهائيا لانو بفرط بعدن بتكوني قليتي الكوسايات بتسقطيهم بلبن وبتتركيهم يتنكهو من بعض يعني ربع ساعة بتكوني على جنب داقة فصين تومة وبتقدحيهم عنار يعني (بتقليهم)وبتضيفيهم على اللبن وبتطفي الغز وممكن تضيفي اخر شي رشة نعنع ناشف افركييه بين ايديكيه وضيفي على اللبن.يقدم مع الارز بالشعيرية والف صحة وهنا يا بطة اعملي واحكيلي رايك يا عسولة......
الصفحة الأخيرة
تحياتي لك