مشاركة الأولاد للحركات الرومانسيه ...فكره حلوه

السلام عليكم ..

وش أخبار الحبايب ..

أسمعن عندي حركه حلووووووووه ..تشيل الهموم وكمان تطرد الملل والروتين شوي ..
والأهم نقدر نسويها بليل أو نهار ...مو مثل بعض الحركات الرومانسيه اللي معظمها ليليه ...


وهي كيف أخلي أطفالي يشاركوني حركه رومانسيه حلوه ...بدون مايلاحظون شئ غير عادي ...أهم شئ أنهم يشاركونا ضحكنا ..ونونسهم معنا وهم مثل الأطرش في الزفه ...:22:

كان زوجي عنده بحث صعب لازم يخلص منه ..فجلس ساعات في المكتب يذاكر ...
بعدها طلع وقال ابغى اريح شوي بغرفة النوم وبعدين اكمل ..ركضوا الاولاد له بابا ألعب معنا ...لكن قال أوعدكم بوقت ثاني الحين مصدع ...(كانو مشتاقين له ومن زمان مالعب معهم من هموم المذاكره )راح للغرفه وقال ماني نايم لكن بسترخي شوي .........



فكرت ...


وجاء على بالي لعبه حلوه ومنها رمانسيه تلهي أطفالي وكمان تنسيه شوي هم البحث .....


فجبت الاوراق الصغيره الملونه اللي نلقاها بالمكتبات ...وتتلصق على الحائط أو الدفتر كتدوين معلومه عليها أو رقم تلفون ...

أيه هذي ..أخذتها ..وكتبت فيه كلمات حلوه منها رومانسي ومنها تشجيعي ومنها مضحك ...طبعا كل كلمه على ورقه ..

وناديت أطفالي .وهم كلهم صغار مايعرفون يقرؤن .(..ثلاث أولاد ربي يحفظهم )..

فلزقت على الاول ورقه وقلت رح لبابا يقرأها ..راح وأنا أسمع ضحكهم بالغرفه ..رجع والا مكتوب على نفس الورقه عباره من زوجي ....فرحت أنه أنسجم مع اللعبه ....وبنفس الوقت قدرت أوصل له مشاعري ..وأحساسي به وتعبه ..ودعائي له أن ربي يوفقه ..

وبعدها الثاني ..وكل واحد يجيب لي رساله من أبوهم ...وهكذا الثالث ...

وتوالت الرسائل ..مابين ضحك وركض الاولاد ..وأحساسهم بفرحنا من غير مايفهمون شئ ....

وبعدين كتب زوجي أخر شي إلا المراسيل اللي بينا ...متى ينامون بالليل ..؟؟.:23:


متت ضحك ..عليهم وهم راكضين ..ورايحين جايين ...بيني وبينه أنا بالصاله وهو بغرفة النوم ...


بعدها تعبنا ..وأكلنا أسكريم هديه لهم مني على توصيل الرسائل ...


أن شاء الله تعجبكم الحركه ..وأنا أعرف أن مو كل الحركات تصلح لكل الأزواج ..وكل الاطفال بعد لان بعضهم يمكن يقطعها ولاينسجم ..مع اللعبه ..

وربي يرزق اللي ماعندهم أطفال ...وطبعا ممكن أنها تسوي نفس الحركه ونفس الورق لكن بطريقه ثانيه ..أنها تكتب كلمه وتجيه من الخلف وتلزقها عليه وتهرب وتخليه يبلش وشلون يشيلها ........هههههههه

وربي يحفظكم ويسعدكم ...;)