السلام عليكم ورحمة الله وبركاته

اختي انا عندي ولدين والولادتين في مستشفى الوصل.. متوكله على الله والحمدلله ما تعبت واللحين حامل في اول السادس وإن شاء الله بعد ولادتي هاي المره بتكون في الوصل .. لانه الولادة الطبيعيه الوحده تربي بدون مساعدة الطبيبه الله اللي يسهل الولاده فا الوحده لازم تكون دايما متوكله على ربها وانه محد يقدر يساعدها غير ربها..

وثاني شي انا مول شاله فكرت المستشفيات الخاصه لانه بعد فيها مصايب تصير مب بس الحكوميه .. و لا سمح الله اذا الياهل فيه شي على طول المستشفيات الخاصه تحول الياهل مستشفى الوصل وهذا الشي اللي صار مع مرت اخويه وصديقتي .. فا ليش اجازف بصحة النونو واخليهم لا سمح الله اذا صار شي ينقلونه عني وانا اتم في مستشفى وهو في مستشفى ثاني

وانا دايم اطلب الغرفه الخاصه ال vip في الوصل اريح وبعيد عن الإزعاج.. و الغرفه اوسع يعني يوم اييونج ضيوف..

ونصيحه يوم بتعزمين تربين في مكان معين استخيري والله بيسهل لج المكان اللي فيه الخير لج ..

مشكورة يا أم أحمد

كلامج يريح..
صحيح أهم شي التوكل على الله سبحانه وتعالى والاستخارة وكله بيد الله
والمستشفى والدكتورة وكل شي ثاني مجرد أسباب الله يسخرها..
صراحة يمكن لأني بأول حمل وأنا الحمدلله والشكر أتوتر وأحاتي كل شي.. ما تتخيلين كل شي! :)
انشالله خير..
بس بالنسبة لجناح VIB متى أطلبه؟
وسؤال ثاني.. لازم أكون أراجع في الوصل عشان أولد هناك وإلا كفاية أفتح ملف؟

الله يتمم علينا على خير وسهالة يارب.. أجمعين يا رب العالمين..

مستشفى دبي جزارين

هالمرة رحت من دبي لبو ظبي و ولدت براحتي و رجعت لبيتي و لا كني والدة و لله الحمد
طبعا ولدت في مستشفى دار الشفاء الخاص و مع دكتورتي الخاصة دكتورة بشيرة أحمد أمين
ولادة طبيعية و بدون مضاعفات و البيبي الحين عمرها 9 شهور و لله الحمد
و على فكرة بدون جرح هالمرة و دكتورتي عطتني زيت لدهن منطقة الولادة يزيد مرونتها و يجنب القطع و التوسيع
مع إنهم بأول ولادة شرطوني و قطعوني في دبي بدون داعي و حصلي نزيف و عملت عملية ترميم للجرح عند دكتورتي و أنا توني ماخلصت الأربعين

مبلغ الولادة 10000 درهم بس خدمة ممتازة طبيا و كل شيء
و المبلغ أقل للولادة الطبيعية بس أنا بقيت 6 أيام بالمستشفى (لأنوصابني برد قبل الولادة فكملت العلاج بالمستشفى) و رجعت لبيتي بسرعة و مرتاحة
لأنو ولدي كان عمره أقل من سنتين فأرتحت بالمستشفى و بعدين بلشت بمهماتي و أنا مرتاحة

الحمدلله على سلامتج..
والله أنا دوم أحاتي مسألة القطع أي التوسع أو التمزق لا سمح الله..
بس ممكن أختي تقوليلنا شو اسم الزيت..؟
واستخدمتيه قبل الولادة؟
فصليلنا الله يخليج..
ولج الأجر انشالله..

تحياتي

هذا رابط الموضوع للأخت( بك أستجير)
و فيه كل التفاصيل مني ومن الأخوات عن الزيت و كيفية إستعماله و إن رغبت بالمزيد فأنا جاهزة لمساعدتك يا أختي

إضغطي على هذا الرابط لو سمحت
http://forum.hawaaworld.com/showthread.php?t=344466