للمشاركه في المسابقه زوري الرابط التالي ( فعاليات الصيف عام 1434( مسابقات ( افضل تقرير سياحي + وافضل عرض منتج ) جوائز قيمه
منتجات غيرتني .. كل أسراري بين إيديكم
بسم الله الرحمن الرحيم
السلام عليكم و رحمة الله و بركاته
اليوم حابه احط بين ايديكم خلاصة خبره و تجارب
كثيره و أعطيكم اسراري و أكثر المنتجات
اللي أثبتت فعاليتها .. أنا جربت و استخدمت
منتجات أكثر من كذا بس حبيت اعطيكم المنتجات
اللي مو معروووفة مره و الفعالة جداً يعني منتج
أقل من ممتااااااز ماحطيت أبداً عشان تطلعون بأكبر
فائده ممكنة .. و بتلاحظون إن معظم
المنتجات ماحطيت
لها عيوب لاني جربت كثير منتجات مفيدة بس هاذولي
أحسسسسن أحسسسسن شئ جربته انا و خواتي و
الاشياء اللي أعتمدناها
على طووول
و الموضوع شاااامل البشره و الشعر و الجسم ... الخ
نبدأ بسم الله
*الرموش*
سيروم لوريال / loreal serum:
هذا اكثر شي فادني لرموشي .. عاد أنا رموشي
حاله مستعصيهجربت كل الخلطات و الزيوت و
الخرابيط مافادني شئ .. بس هالسيروم رهيييب يكثف
و يطول
و أحلى شئ فيه مايسيح و يدخل بالعين
بالعكس مريح ما كأنك
حاطه شئ و تقدري تحطيه قبل الماسكرا
يعطي شكل طبيعي جداً
بس الغريب أن ما أذكر إني شفت احد يتكلم عنه :surprised
- طريقة الاستعمال :
ينحط مره - مرتين باليوم على منبت الرموش
- السعر : 100 ريال
- مكان الشراء : محلات فافوم
- الحجم :7.5 مل
- بداية ظهور النتائج : خلال شهر
- العيوب : لا يوجد
مافالا / mavala
هذا من تجربة أختي ارتاحت عليه و هو روعه لتغذية الرموش و مريح
و سهل الاستخدام
- طريقة الاستعمال : ينحط مره
- مرتين باليوم على
منبت الرموش بالفرشاه اللي معاه
- السعر : 55
- مكان الشراء : محلات قزاز
- الحجم :15 مل
- بداية ظهور النتائج : شهر - شهرين
- العيوب : مو دائم متوفر ما أعرف ليش
* الشفايف *
مرطب قود لايف / good life
هذا المرطب من شركة good life الفرنسية رووعه
يفتح الشفايف و حدود الشفايف السمراء
و ترطيبه عمييييق و العلبة تطووول معاك ..
في منه نوع أخر لتكبير الشفايف
- طريقة الاستعمال : تدهني منه
شفايفك كل يوم قبل النوم
- السعر : 55 ريال
- مكان الشراء : شريته من النت (من تاجرة)
- الحجم : 30 مل
- بداية ظهور النتائج : أسبوع تقريباً
- العيوب : نادر و ما ألقاه بسرعه
* الأسنان *
هذي المعاجين كلهم حلوووين و يبيضون الاسنان بس لازم
الاستمرار طبعاً ..
- السعر : كلهم اسعارهم مناسبة
من10 - 20 ريال
- مكان الشراء : تلاقينهم بأي صيدلية
- بداية ظهور النتائج : كلوس اب
اللي هو أخر واحد و ألودنت أول واحد تبييضهم فوري يعني ينفع
قبل المناسبات و كذا
اللي بالوسط تبدأ نتائجه بعد أسبوعين
- العيوب : لا يوجد
* الأظافر *
هذا المنتج الجميل من مافالا / mavala
يقوي الاظافر مره حلوو عن تجربة و مايمنع الوضوء هذا تحطيه مره
وحده بالاسبوع بس
- طريقة الاستعمال : تحطيه على
أظافرك قبل النوم مرة وحده بالاسبوع زي ماقلتكم و حطي فازلين
على اطراف اصابعك عشان لا تخشنها
- السعر : 45 ريال
- مكان الشراء : محلات قزاز
- بداية ظهور النتائج : من اول استخدام
- العيوب : لا يوجد
* البشرة و الجسم *
قبل اي شئ هذا مزيل مكياج من نيفيا مهم جداً إزالة المكياج
قبل النوم
أذكر مرت فتره اجئ من الدوام هلكانة و انام على طول بشرتي
راحت فيها
المزيل حلووو و خفيف على البشره و يشيل كل شئ و ما يأذي
الرموش
(الحبوب )
محلول ديلاسين / Dalacin T
هذا من تجربة أختي أغسلي وجهك بصابونة الكبريت و بعدها
استخدمي المحلول رائع اي حبه تطلع يروحها على طول
- طريقة الاستعمال : طريقة أختي
كانت تحط المحلول و تخليه شوي و بعدين تحط مقشر (رتن أي)
- السعر : 28 ريال
- مكان الشراء : النهدي او اي
صيدلية بتلقيه إن شاء الله
- الحجم : 30 مل
- بداية ظهور النتائج : أسبوعين
و إذا استخدمتي معه تقشير تبين النتائج أسرع
- العيوب : لا يوجد
(التقشير)
في كثير يسألون يقولون نستخدم الخلطات و ماتبين نتيجة او تبان بس بسيطة ..
الحل هو التقشير سواء
بمقشرات زي رتن اي او مثل احماض الفواكة للجسم
هذي صورة الرتن اي مع المرطب اسمه BEPANTHENEاللي استخدمه
وقت التقشير رووعه مايحرق الوجة مثل باقي المرطبات
عاد الرتن اي معروف سعره و تفاصيله اما BEPANTHENE
- السعر : 12 ريال
- مكان الشراء : اي صيدلية
بتلقينه إن شاء الله
- الحجم : 30 مل
- طريقة الاستعمال : ادهني
وجهك فيه بعد ما تقشرين بشرتك كل ماحسيتي انك بحاجة لترطيب
( التفتيح )
اول شئ الخلطة الصابونية
تسوينها بنفس طريقة الخلطة الصابونية المعروووفة بس
حطي هالصوابين مره روعه و كلهم خاصين بالتفتيح
صابونة البلاسنتا
صابونة فيتامين سي
صابونة بلوك اند وايت
صابونة يوكو
- طريقة الاستعمال : بللي جسمك بموية
و حطي عليه من الصابونية
و حطي بالليفة بعد
و افركي بشكل خفيف و اتركيه 5 دقائق و
بعدها اغسلي جسمك و لاتنسين تحطين
لوشن مرطب لانها تجفف
- السعر : كل وحده فيهم بحدود 10 ريال
- مكان الشراء : البقالة الاندنوسية
او اي عطاره كبيره بتلقيهم إن شاء الله
- بداية ظهور النتائج : من اول استعمال
- العيوب : تجفف البشرة لازم ترطبين بعدها
لوشن سكن وايت / skin white :
و هذا اللوشن أموووت عليه يرطب يفتتتتح ريحته تجنن
مايدبق و يخلي لمعه حلوه عالبشرة و فيه نسبة واقي
- طريقة الاستعمال : استخدميه
اي وقت تحبي مو شرط قبل النوم و يفضل بعد الصابونية
- السعر : 15 ريال
- مكان الشراء : البقالات الاندنوسية
- الحجم : 200 مل
- بداية ظهور النتائج : يبين التفتيح
بعد أسبوعين
- العيوب : لا يوجد
لوشن بابي يوريا / 10% UREA REPAIRING LOTION
هذا الشئ جميييييل جداَ ما أدري و ش أقول و ش أخلي :)
و ريحته :llove: ترطيبه قوي و مع الاستمرار يفتتتتتح
و اللي بتستخدمه مارح تستغني عنهابداَ بتلقى فيه كل شئ
و ممتااااااز للركب و الاكواع يفتحهههم مره
- طريقة الاستعمال : نفس
طريقة استعمال اي لوشن
- السعر : 145 ريال
- مكان الشراء : صيدلية أدمة
- الحجم : 500 مل
- بداية ظهور النتائج : الترطيب و النعومة
بتلاحظينها م اول استخدام بس التفتيح مع الاستمرار
شهر - شهرين
- العيوب : ماشفت له اي عيوب يجنن
لوشن لينو / LAINO
لوشن لينو بزيت الزيتون جداً رائع خالي من العطور
ممتاز للبشرة الحساسة و الجافة جداً و ترطيبه عميييق
و مايدبقو رح تلاحظين توحد و تفتيح كبير في
بشرتك و ينفع برضوا للي عندهم اكزيما يرطبون فيه
- طريقة الاستعمال : نفس اي لوشن
- السعر : 149 ريال
- مكان الشراء : صيدلية الحبيب
- الحجم : 500 مل
- بداية ظهور النتائج : التفتيح مع الاستمرار
- العيوب : لا يوجد :icon30:
لوشن جونسون / Johnson lotion
يجننن مرره احبه ريحته حلوه و مايدبق و يعطي نعومة فظيعة :42:
بزيت اللوز الحلو مره انصحكم فيه على طووول معي في الشنطة
- السعر : انا شريت 2 ب 17
كان عليه عرض
- مكان الشراء : اي سوبر ماركت
- الحجم : 250 مل
- بداية ظهور النتائج : من اول استخدام
- العيوب : لا يوجد
كريم اليدين هاند فود / hand food
و كريم الاقدام من Soap & Glory
كريم اليدين ترطيبه يجنن و يحتوي على زبدة الشيا و تمتصه
البشره بسرعة و مايدبق و هذا اهم شئ عندي :icon31:
و كريم الارجل مرره حلو يعالج الجفاف و التشقق
و ريحته تجنن
- السعر : اليدين الحجم
الصغير ب 30 الكبير 85 ريال .. الارجل 75 ريال
- مكان الشراء : بوتس
- الحجم : 125 مل
- العيوب : ما أحب ريحته (كريم اليدين :huh:)
زيت بايو اويل / Bio oil
ختامها مسك في بارت التفتيح و الترطيب هذا المفاجأه :icon28::icon28::icon28:
عاد أقوووووى شئ
كلمة روعه قليلة فيه
يفتح يعالج التشققات يغذي البشرة يرطب يشيل الاثار ..
جمع كل المزايا فيه يستاهل كل ريال
مارح امدحه اكثر التجربة خير برهان :)
- طريقة الاستعمال : تدهنين جسمك فيه
و يفضل بعد الاستحمام
- السعر : 65 ريال تقريباً
- مكان الشراء : بوتس / boots
- الحجم :60 مل
- بداية ظهور النتائج : من اول شهر
- العيوب : لا يوجد :)
يتبع .....
(التشققات)
لوشن نيفيا كيو تن / NIVEA lotion Q10
هذ اللوشن مظلوووم ماكنت معطيته اي اهتمام ما أعرف ليه :lookaroun
عاد اختي جابت لي واحد قلت يلا اجرب مو خسرانة شئ و جربته مع
جهاز مساج عادي انتي خذي اي جهاز مساج
يابنات المفاجأه :7_5_131: ........ كان روعه ماشاء الله تبارك الله لاحول و لاقوة إلا بالله
خلال اسبوعين خفت كثيييير ماتوقعت ان يعطي هالنتائج ماشاء الله
أنصحكم فيه بقوووه بتدعووولي بإذن الله
- طريقة الاستعمال : ادهني المنطقة باللوشن و سوي لها مساج بالجهاز 5 دقائق تقريباً
- السعر : 44 ريال
- مكان الشراء : اي صيدلية بتلقينه إن شاء الله
- الحجم : 400 مل
- بداية ظهور النتائج : أسبوعين
* الشعر *
زيت هربيول / HERBINOL
هذا الزيت عباره عن خلاصة 40 عشبة .. جربت كثييير مالقيت زيه افضل
زيت بالنسبة لي .. خيااااال فيه كل شئ أبغاه يعالج التساقط و يطول الشعر
ماشاء الله و سعره رخيص بعد و هذا سر من اسراري
شئ خيالي
- السعر : 15 ريال
- مكان الشراء : عطارات القرية الشعبية
- الحجم : مو مكتوب لا عالعلبة و لا عالكرتون بس حجمه متوسط
- بداية ظهور النتائج : شهر - شهرين
- العيوب : ريحته :icon33:
و بعد انا و اختي نستخدم هالحبوب مرررره مفيده لازم قبل تهتمي بشعرك
من بزيوت و خلطات
تهتمي بصحتك و لا مارح ينفع معك شئ و خصوصاً احنا بالخليج اكلنا يفتقر
للعناصر المهمة عموماً
استخدموها مره روعه
و ترتبيها
1/فيروجلوبين : عبارة عن حديد و زنك و نحاس
و حمض الفوليك و فيتامين ب
2/ ميكسافيت : عبارة عن مجموعة فيتامينات
3/ حامض الفوليك
4/ فروز -ف : حديد و حمض الفوليك
شامبو لوريال / LOREAL ELVIVE
هاذي الشامبوهات اللي حبيتها و البلسم بعد روووعه يعطون لمعة فظيعة
و بعد ريحتهم تجنن و خصوصا الابيض ريحته :)
انصحكم فيهم
- السعر : 23 ريال كان عليه عرض
- مكان الشراء : اي سوبر ماركت بتلقينهم إن شاء الله
* الرشاقة *
حبوب بران / Bran
هاذي الحبوب رووووعه شويه عليها
طبيعية و مصنوعة من النخالة .. طريقتها تشربينها قبل الاكل بساعة فتنفش بالبطن
و تحسسك بالشبع
ماله اي اضرار بإذن الله و تباع بالصيدليات .. مهممممة جداً للي يسوون دايت لان
معظم الريجمات تسبب إمساك
و الامساك يمنع نزول الوزن فهي بإذن الله تنظم الهظم و الحركة الدودية للأمعاء ..
أنصحكم فيها عن تجربة
تشربي 2-3 حبات قبل كل وجبة
- السعر : 25 ريال
- مكان الشراء : صيدلية النهدي
- الحجم : فيه 50 حبة
- بداية ظهور النتائج : بتلاحظي نتائجه بفس الوقت من ناحية الشبع
- العيوب : لا يوجد
و بكذا أكون خلصت أسفة على الاطالة
اللي ماقدرت توفر اي منتج أو تبغى بدائل عنه أو عندها اي سؤال لا يردها إلا الكيبورد
و انا و ربي فعلا تعبت بهالموضوع و كله عشانكم عيوني صارت كذا
فلا تنسوني من دعوه بظهر الغيب و لكم بالمثل إن شاء الله
و ادعموني بالضغط
على في الرد رقم 2 اللي هو هذا :happy:
و صلى الله على محمد و آله و صحبه أجمعين