يسعدلي اوقاتكم حبيباتي
بصراحة انا متابعة قديمة جدا
بس دائما كنت اقول بنفسي بجد هالبنات عم بفيدوني كتير بس انا شو عندي حتى اقدمه لكن:(
ماشاء الله عليكم اكتر من مبدعات بس من لما شفت فعالية يوميات مطبخية حبيت اشارك معاكم وابعد الكسل عني
رح احكي اليوم عن يوم من ايامي في المطبخ وصدفت انه كان عندي اجازة من الوظيفة
صحيت الساعة6 صباحا صليت وصحيت الاولاد وحضرتلهم الفطور بسرعة والساندويشات ووصلتهم على المدرسة والروضة ورجعت على البيت و قبل اي شي حضرت فنجان كابتشينو م اشتهيتكم معي ولفيت ساندويش لانه زوجي كان نايم وبصحى ماخر لانه شغله بالليل
طبعا بعدين فكرت شو لازم اعمل اكل وما كنت عارفة فلقيت عندي نقانق نتلجة وبطاطس فطلعتهاوحطيتها على جنب
انا من طبعي قبل ما انام بحاول ما اخلي جلي بالمجلى الا شي بسيط كله بحطه بغسالة الصحون
فتحت غسالة الصحون حطيت كل شي شفته قدامي
وشغلتها طبعا وبصراحة بتريح كتير
نضفت الرف السفلي من البراد ورتبته
حطيت دواء التنظيف الخاص بالغاز السيراميك وبدات بتنظيفه
يتبع يا حلوات
مسحت طاولة الطعام يلي بالمطبخ
ونضفت المجلى
ومسحت المجلى كله وكنست الارض بس ما مسحت
ورحت خلصت بقية البيت
والضهر جبت الاولاد من المدرسة والروضة وبدات بتحضر الغداء
اتفضلوا اهلا وسهلا مافي شي من قيمتكم نقانق مقلية مع بطاطا وسلطة وخبز
وطبعا مع القلي صار الغاز ببكي مع السيراميك طبعا لازمه فركه غير شكل
وهيك رجع نضيف
رتبت الصحون محلها علشان غسالة الصحون كانت قد انتهت وما انبتهت لها
ونضفت طاولة الطعام
خليكم معي لا تروحوا بعيد