بحب بلدي @bhb_bldy

عضوة مميزة

مشاركتي الثانية لانواع الخبز:كما عودتكم خبز التورتيلا مني غير( وبالخطوات المصورة)

المعجنات والمخبوزات والسندويتشات • 13 سنة

كما عودتكم خبز التورتيلا منى غير ..طرى لذيذ واكيد بالصور السلام عليكم ورحمة الله وبركاته ازيكو يااحلى عالم حواء ..بعد موضوع الكرواسان والبيتزا الصراحه ردودكم الحلوه شجعتنى اجيب اللى عندى النهارده بقا خبز التورتيلا ينافس خبز الراشد لانه شغل بيت ونظيف كمان وبدون اى مواد حافظه المهم طولت عليكم .. يلا ندخل المطبخ ونشوف سوا ... سمو الله الاول اولا المقادير .. 4 كوب دقيق 3 ملعقه ك حليب بودره معلقه ك خميره ملعقه ص بيكينج بودر ملعقه ص ملح 1 اصبع زبده 2 ملعقه ك سكر علبة زبادى ماء حسب العجن الطريقة .. يتم وضع كل المكونات الجافه فى العجانه ثم تضاف الزبده وتعجن ثم الزبادى ثم الماء حتى تتكون عجينه ناعمه (وكل ماعجنتى العجين كويس كل ما كانت ال نتيجه احلى ) ثم نغضيها وندخلها مكان دافئ حتى تختمر ثم تقطع قطع صغيرة بحجم الليمون ثم تفرد كل قطعه بالنشابه رقيق . ونخبزها ع الصاج (مش راح تاخد وقت خالص يادوب تحمر من تحت ونقلبها ع الوجه الاخر ) بعد كده نضعه ع فوطة مطبخ نظيفه ونغطيه كويس كى لا يجف (وميزة هذه العجينه ان الخبز بيكون طرى جدا ومش بينشف بسرعه )
نشوف الصور:

شوفوا إد اية طري

م الداخل

وده احلي ساندويتش

يتبع أوعوا تروحوا في اي حتة
علشان نشوف احلي تويستر بالحشو اللذيذ

167

51K

يلزم عليك تسجيل الدخول أولًا لكتابة تعليق.

تسجيل دخول

بحب بلدي • 13 سنة

ـ بااااااك نيجي بقا ياحلوين .. الأن بس محدش ينام .. هههههه لتحضر احلى ساندويتش مثل (تويستر تبع كنتاكى ) الطريقة... نجيب صدور الدجاج ونقطعها شرائح ثم يتم نقعها فى التتبيله (دى رائعه حتى للمشاوى ) لكل دجاجه او كيلو صدور المقادير .. نضع بيالة زيت 3 معالق ك زبادى عصير ليمونه ملعقه ك خل ملعقه ك صويا صوص ملعقه ك كاتشب ملح ,فلفل, باربيكا 4:3 فص ثوم يتم خلط المكونات مع بعض كويس جداا وتنقع فيها الدجاج ليله كامله .. ثم بالطريقه المعتاده نضغه فى الدقيق ثم البيض ثم البقسماط بعد مايغمس فى البقسماط نضعه فى التلاجه نصف ساعه كى يتماسك ..ثم يحمر فى زيت غزير بعدين بنكون محضرين ..طبق عليه خس وطماطم طبعا نشيل البذور منها (عشان الخبز مش يبوش) طبعا بندهن الساندويتش مايونيز ثم يتم وضع الدجاج والخس والطماط واللى حابب شطه يحط وبعدين يلف بالورق الخاص .. ويصبح بهذا الشكل

معليهش يابنات الكلام جاي جنب بعضة لان دة كان موضوعي
وسبق نزلتة بس رجعت احمل الصور تاني بعد ما اختفت
وآنتوا عارفين بقي الليل وآخرة مش قادرة اعدلة
المهم الفكرة وصلت
يارب يعجبكوا وأشوف تطبيقاتكوا
ويلا بقي بااااي
عايزة اشوف الردود اللي تفتح النفس
اة نسيت انتظروا القادم بإذن الله

في رعاية الله وامنه