السلام عليكم ورحمة الله وبركاته
الصراحة انا حنيت للماضي وأيام الطفولة وتذكرت جدتي (الله يرحمها ويغفر لها هي وأموات المسلمين اجمعين)
كانت بتعمل لنا هذا الخبز يوميا ف رمضان ع السحور
والحقيقة الطعم خيال والصراحه هذا الخبز المفضل عندي بحبه جدا لان طعمه مميز ومختلف عن طعم الفطاير حيث مكوناته الغنية تجعلة متميز حقا
وهذا هو الشكل التقليدي لخبز جدتي
وبما ان إحنا في عصر التطور والاختراعات فحبيت اخترع واطورة علي شكل وردات فطعمه اللذيذ يجعلة يستحق التفنن
المقادير:
كيلو دقيق يعني حوالي=٦ كوب
٣ م ك سكر
رشه ملح
م ك خميرة فوريه
م ص ب ب
٦ م ك سمن (انا استخدمت سمن كريسكو)
١/٣ كوب زيت(هي بتيجي دسمة شوية عن الفطاير وهو ده السر ف الطعم المميز)
حليب دافي للعجن حوالي لتر حليب
الطريقة
نضع المكونات الجافة ف العجانه ثم نضيف السمن والزيت ونعجن
ثم الحليب ونعجن حتي تتماسك كل المكونات
والصراحه انا بعد كده باخد العجين واكمله عجن ع الرخامه وكل ماعجنا احسن ف كل انواع المخبوزات كل ما كانت النتيجة افضل
ثم نتر كها تختمر والشكل الدائري يقطع قطع صغيرة
اما شكل الوردة يقطع بحجم اكبر شوية او ع حسب الرغبة
انا ساعات بحب اعملهم وردات صغيرات
ودلوقتي تابعوني بالصور لمعرفة تشكيل الوردة بكل سهولة
تفرد ع شكل دائرة ونضع غطاء ف الوسط ذي كده
وعلي فكرة العجينة طرية وملمسها ناعم وبتتفرد بسهولة
ثم تقطع بالسكين ذي كده
ثم نلم اطراف الوردة ونضع خط بالسكين ليعطي شكل الورقة
ثم نقطع صغيرة م العجين وندهن الوسط بالبيض ونرص فوقهم القطع الصغيرة
وده كان شكل الورده
تابعوني
لنكمل مع بعض
الرجاء عدم الرد
نيجي دلوقتي لشكل تاني الصراحة انا شوفت ع اليوتيوب شيف فرنسي بيعملة فجربتة لان عجبني شكلة
تفرد بشكل دائري وعمل خطوط بالسكين ونحاول نمسكها بأيدينا لنوسع الشقوق عن بعض والصور توضح
وده الشكل التقليدي
ثم يدهن الوجة بالبيض ويرش بالسمسم ويخبز ف فرن حار
ودي النتيجة
وده م الداخل خفيف ولذيييذ
وهنا قدمته مع عسل
وهنا ورداتي الحلويين
ودي غلفتها هدية لاحلي بنات اتفضلوا
أتمني الموضوع يعجبكوا
لاني تعبت فيه جدا مش عارفه كتبته وحملته اربع مرات(اه ياظهري)
في رعاية الله وامنه
ويارب اشوف تطبيقاتكوا لأي موضوع من موضوعاتي