حبيت اشاركم خواتي بافكاري بيومياتي البسيطه مع اعيالي بس مادري من وين ابتدي من ليل ولا من نهار :44: سوتها سالفة الاخت
انا كل ليله اجهز اغراض اعيالي من ليل اجهز ملابسهم هذي ملابس لبكره
طبعا عندي نوني تدرس بروضه وان شاء الله السنه الجايه مدرسه والولد ثالث ابتدائي وعندي بنوته صغيره عمرها سنه وثمانيه شهور الله يخليهم لي يارب ويخلي لكم حبايبكم يارب
هذي تجهيزاتي لبكره
مريول نوني ا وجاكيتها وكرمتو جزمتها وطبع البسها بجاما داخليه
وهذي تجهيزات ولدي يكون عنده يومين رياضه بس بكره ماعنده جهزت له هالملابس
طبعا يبتدي يومي من ساعه خمس الفجر ساعات مانام اواصل لان بنتي صغيره ساعات ماتخليني انام اقوم اصلي الفجر واجهز الفطور طبعا الفطور معروف احط لهم جبن بوك سايل ومربى وفول سوداني وساعات اسوي بيض واحط لهم حليب بنتي انا الي افطرها لان لو عليها تروح الروضه من غير فطوربس انا مهم عندي كثير اخليهم يفطرون حتى لو اكلها بيدي واشربها بيدي وملابس طبعا اكون مجزهتهم من ليل اصحي بنتي وخليها تغسل وجها وتفرش اسنانها والبسها وامشط شعرها واخليها تقوم تصلي ماشاء الله عليها تموت في صلاة انا مفصله لها جلال للصلاة وماخذه لها سجاده صغيره خاصه فيها وبنتي صغيره بهدلتها عليها رحت وفصلت للصغيره واخذت لها سجاده
بعد بعدين اجهزالفطور واحطه بصاله واصحي زوجي وولدي يفطورون وبعدين يقوم ولدي ويفرش اسنانه ويغسل وجه,ويتوضى ويلبس ملابسه وبعدها يصلي اجلس معهم واحاول اخليهم يردودون معي شي من اذكار الصباح واوصيهم لا يضربون احد لان ولدي الله يهديه لجى بيلعب مايلعب الا بضرب يسوي مثل مصارعه علشان هالسبب كسرت اشرطة السوني كلها حقت المصارعه لانه يشوف ويطبق حتى بلعبه مع اخته واقو ل لهم ينتبهون لواجباتهم ودروسهم والي بيجيب درجه حلوه اوديه الملاهي يوم الاربعاعاد يتحمسون مره وكل واحد يقول انا الي بجيب الدرجه وانا الي بلعب ارد عليهم اقول وروني همتكم
وبعدها اعطيهم فسحتهم و واعطيهم ملعقة عسل مع حبة بركه وارقيهم واستودعهم الله يطلعون بره ينتظرون الباص وانا اجلس انتظرهم لما يرحون واسكر الباب وارتب البيت وبنتي الصغيره مهتمها وراي تعفس البيت وترمي الاغراض اروح اطلع الايدام الي بسويه على الغدا وبعدها انام وانيم الصغيره معي واصحى الساعه 12 اصحى افتح الباب لبنتي مجردماافتح الباب تعطيني الاخبار بتفصيل اغير ملابسها وهي جالسه تسرد الاحداث الي صارت وولدي يجي بعدها انا اول مافتح الباب يكون تو مئذن اقوله جب شنطتك ورح صل وتعال البيت علشان ابغاه يتعود على صلاة لجماعه بعد مايخلص من صلاة الظهر يجي يغير ملابسه معلمتهم اناكل واحد يحط ملابسه بالعلاق ويحطونهم بدولاب فالحمد للله تعودو على هالنظام ويجي دوره ويسرد الاحداث بتفصيل وذاك ضربه وذاك ذبحه وطبعا ولدي مايسوي شي لهم هم الي يفترون عليه /////// كثري منها ولدك مايسوي شي
احط الغدا وخليهم يساعدوني الي يحط السفره والي يشيل معي لصحون
ونتغدى
وبعدها اخليهم يساعدوني بترتيب الصاله والمطبخ بعد الغدى
وبعدها اخذ بناتي وانيمهم معي ساعه لان لو يجلسون مع اخوهم بشوفهم مثل الدجاج المنتفه ههههه
ولدي يجلس على السوني يلعب شوي اصحى الساعه 2 ونص
يبتدي وقت المذاكره كل واحد يجيب شنطته واذاكر له
بعد ماخلص منهم اقولهم الي بيحل زين وبيذاكر ززين يطلب اي نوع حلا يعجبه واسويه له وهكذا ولا اني اعطيهم مكافاه لهم شوكولا وبعدها اخليهم يلعبون بالحوش
بس وقت المغرب ادخلهم علشان رسول وصانا بهالشي واخلي ولدي يروح يصلي بمسجد هو مقابل بيتنا وبناتي يصلون معي بالبيت اركع ويركعون معي ههههههه
اروح انا اجهز العشا طبعا الغدى والعشاءحقين اليوم يعني كل يوم اسوي شي على حسب طلبهم
هذا عشانا فوصوليا زوجي يحب الفوصوليا كثير والغدى كان برياني دجاج عرضته من قبل
بعد مايتعشون اخليهم يتروشون لان بالبرد ماروشهم الصباح ااخاف عليهم يزكمون فاروشهم بليل ويلبسون بجامتهم وينامون طبعا انا افرش لي فراش معهم بغرفتهم اجلس اقص لكل واحد قصه او قصتين من الي يحبونهم لنامو رحت غرفتي :)
انيم بنتي الصغيره بعد مالبستها بجامتها وروشتها
يجي وقت رواقتي اشغل الاب توب
واجلس ادردش مع زميلاتي بماسنجر واتصفح المنتدى ساعه كذا او ساعتين بعدها انام واصحى الساعه خمس ويبتدي الموال نفسه :44: وسلامتكم
الي طلبو مني صور لبنتي الصغيره ان شاء بكره اصورها لكم وهي تصلي بجلالها وسجادتها ولو بجلس اصور فيها مالحقت حركيه مرررره يبلي اراكض وراها ماشاء الله عليها واخيرا سلامتكم وتصبحون على خير
اختكم المحبه لكم دائماااااااااااااااااااا
(قلبي نوني)
الله يحفظ لك اطفالك