مشاركتي في حملة ففيهما فجاهد

السلام عليكم ورحمة الله وبركاته

كيف حالكم جميعا يا بنات حواء بصراحه الموضوع شدني كثير جزاء الغاليه نرجس خير الجزاء مع اني مقله في الكتابه بس الموضوع حمسني اكتب لكم تجربتي مع الوالده حفظها الله
اولا انا والدي متوفي وبعد وفاته حست الوالده بفراغ كبير وزاد الفراغ ان جميع اخواني وخواتي متزوجين ما عدا انا واخوي اللي اصغر مني وكنت معلمه في دار تحفيظ وعشان اشغل وقت فراغها وافيدها لآخرتها اخذتها معي للدار وكان عندنا كل ثلاثاء محاضره وفعاليات فأستمتعت كثير بالدار واخذ وقتها حفظ وتسميع وبرامج
بس بعد كذا اتزوجت وانشغلت وماصار احد يروح معها ولا احد يسمع لها فانقطعت عن الدار ترم وانا انشغلت وبعد الترم هذا رجعنا للدار وصرت اروح مع الباص عشان امر عليها ونروح سوى لان بيتي قريب لها ورجهت تحفظ جبت لها اشرطة الحذيفي مكرر والحمد لله انشغلت مره ثانيه وانبسطت حبيبتي من جديد
بس بعدها بفتره طلع لزوجي ابتعاث برا وانقطعت امي حياتي عن الدار ونست كثير من حفظها وتعبت رجولها فما عاد قوت تروح للدار ورجعت لها بالسلامه وحاولت اعوضها عن السنين اللي كنت بعيده عنها وصرت اروح لها ثلاث او اربع مرات بالاسبوع ( اكيد بتقولون وين باقي اخوانك وخواتك )بس انا واخوي اللي معها في نفس المكان والباقين بعيد
وحسيت اني مقصره في الايام اللي ما اروح لها وقصرت في حق زوجي وما قدرت املاء فراغها وجلست افكر كيف اشغلها واسعدها وهداني الله للرجوع للقران فصرنا نراجع حفظها السابق في البيت وتسمع من الاشرطه والايام اللي ازورها فيها تسمع لي واجيب لها هديه كل ما خلصت جزئيه مهمه
وحست بقيمة حياتها ولقت شي يشغلها وكنت اقول لها اهتمي من مستقبلك واحفظي فكانت تضحك وتقول هذا هو مستقبلي تقصد الاخره وما تتخيلون الهدايا وش تفرحها مع انها بسيطه بس تحس انها بجهدها الله يخليها لي ولا يحرمني برها
ولا يحرمكم بر والديكم قولوا آمين