احب انوه اني اكتب بعفوية تامه وما احب التبذل في الكتابة والتكلف..
في هذي الصفحه حابة أشارككم في يوميات اطفالي للمدرسة ..
اسال الله لهم التوفيق ولاولاد المسلمين وان يعننا على تربية ابناءنا وتدريسهم في المدرسة وفي الحياه وان يحفظهم من اصدقاء السوء وان لا يسلط عليهم من لا يرحمهم..
اول شي حابه اذكركم بالتحصين للطفل قبل لا يطلع من المدرسة ضروري جدا..
ثاني شي عودو العيال عالنوم المبكر ...لان ما في احسن ولا افضل من نومة الليل؟؟
"وجعلناالليل سباتا"
ثالث شي ابداو التدريس من البداية .. طبعا ما اقصد ان تضغطون عالعيال .. بس لا تتركونالتحضير ولو بطريقة بسيطه ..
*حاولوان اوقات الدراسة يتخللها اللعب والمزح معاهم لا تخلون الجو مكهرب وجدي بطريقة مخيفه
*التدريس والتركيز يبدأ من اول اسبوع وكل درس بدرسه .. لاتنتظرون للاختبار الاول عشان تدرسونهم دفعه وحده وتخلون اليوم كئيب والمزاج مش ولا بد...حتى انتو بتتعبون
*******************************************************************************
بدات تجهيزي من الليل وطبعا عيالي معودتهم عالنوم مبكر ..صحيح تخربط النوم في شهر رمضان المبارك بس عشان السحور وكان اجازة ... والحمد لله رجعت عودتهم عالنوم المبكر...
كويت ملابسهم من فترة وبخرتها وعطرتها وحطيتها بالكبت
واول شي بديت فيه غسلت الفواكه والخضروات عشان وجبة المدرسة
وحطيتها بعلب بلاستيك بعد ما نشفت
وجهزت شنطة الاكل >>> اهم شي الموز الصغير عيالي حبوه وقبل كان يرجع الموز للبيت ولا يناكل
وحطيت ماي بقناني الخاصه فيهم وعالثلاجه على طووول
وجهزت المراييل والاحذية وشنط الكتب المدرسية
ويوم ثاني الصباح جهزت كوب شاي بالحليب عشان ما احب يروحون المدرسة ومعدتهم خاليه طبعا ما يحبون ياكلون شي الصبح بالمرة فيكتفون بالشاي والحليب
واول يوم استلمو الكتب وابتدى مشوار التجليد
"]
وهذا تجليدي لدفتر بنتي للعلوم "بالجينز"
انتهى تقريري لاول يوم .. اتمنى ان عجبكم
ويحفضلي عيالي