السلام عليكم
في البدايا اتقدم بالشكر لاداره والمشرفات الغاليات انهم خلوني اشارك في هذا القسم واتعرف عليه اكثر واتمنى ان تنال مشاركتي على اعجابكم وتستفيدون منها
بسم الله نبدء
بنسبه لي انا متزوجه وعندي اطفال
وعمري 30سنه وبصراحه ماكذب عليكم واقولكم انا من اقوم لحد مانام وانا اهتم
ببشرتي لا لاكن والحمد لله انا عندي بعض العنايه مستمره عليها من يوم كنت بنت لحد الحين
1- انا تقريبا اسبوعيا اوكل اسبوعين
اسوي حمام بخار لوجهي وراح اقولكم طريقته
اول شيء امسحه بالتونر والقطنه وهذي صورته
بعدين نحط فوقه اي نوع من المقشر
فيه كل الوجه ماعدى منطقت العينين وهذي الصوره
وخليه نصف ساعه وبعدين شيليه بالفرشه الي معه بالصوره
وبعدين اسوي حمام بخار بماء الورد اوماء البقدونس في جهاز البخار اواذا مافيه بقدر عادي
وبعد ذلك نحط اي قناع للبشره وانااحط
الزبادي مافيه زيه وارخص بعد اخخخخ
هذه الطريقه روعه تشيل الاوساخ العالقه في الوجه رهيبه
2- وممكن بعد فيه منظف يقولون حلو بس انا ماجربته الي تاخذين بطاطس
ني وتدعكين الوجه فيه لمدة عشر دقائق لانها تزيل البقع والحبوب
3- وفيه منظف بعد جنان لما تسوينه
تحسين انه يهبل تاخذين 3حبات فراوله ادعكيها بالملعقه وحطيها على وجهك
ثم اشطفيها بالماء بعد 10 دقايق هذي بعد روعه
بنسبه لازالت الشعر : الجسم انا اشيله بالحلاوه احس انها احسن شيء اوالشمع احس ان لي طريقه ثانيه ماتعجبني اما وجهي اشيله بالخيط عند الكوفيره ماعرف اسويه انا
طريقه روعه عشان مايطلع الشعر
انك تجيبن نشاء ومرارة عنزه وتخلطينهم وتحطينهم على الجسم بعد شيل الشعر
مايطلع بس انا مع الاسف مالقيت هالمراره ههههههه
وللعنايه باليدين : دايم بعد اكل البرتقال اواليمون
اخذ القشر وفي المطبخ افرك يدي فيه احس انه
ينعم الجلد ويخليه نضر
وبنسبه لمزيل العرق :احب استخدم بودرة بيبي جونسن والشبه المطحونه
لانها طبيعيه وماتضر وتبيظ المنطقه
بنسبه للشفايف :
احب استعمل مرطب بدي شوب بالفراوله
ريحته حلوه مره
لماتحطينه تحسين كانك اكلتي حلاوه
المفروض يعطوني بلاش على هالدعايه اخخخخ
وبعد الشوراليومي :
اذا سبحت احط زبدة الفراوله من بدي شوب
هذي
وبعدها احط في هالحر بودرة
بيبي جونسن على الصدروالمناطق الحساسه يخلي جسمي ناشف وريحته حلوه
وعند المغسله حقت الحمام دايم بعد مغسل يدي
مخليه كريم حق اليد امسح فيه يدي
الرموش : احيان استخدم زيت الخروع امسح عليه بالقطنه بس ماهو كل يوم كل كم يوم
لانه يقولون يكثف الرموش عادالحمد لله رموشي
كثيره ماشاء الله علي تمدح نفسها
والحين بقولكم شويت نصايح
للبشره
يوم ولدة بنتي اسودة رقبتي وضاق صدري اخذت طريقه من النت روعه سويتها وراحت
نصف فنجان عصير ليمون
نصف فنجان جلسرين
ربع فنجان زيت خروع
ربع فنجان زيت الوز
ربع ملعقه صغيره مسك مطحون توزعينه على الجسم حتى على المناطق الحساسه استخدمتها في النفاس وانا عند اهلي والله روعه راح كله ورجع زي اول يهبل جربوه ودعولي
حتى الكوع والركب
وللحديث بقيه
اذا رجعت لازم استخدم منظف للمكياج
ولازم يكون ماركه معروفه لاني اخذت مره مناديل الي تنظف رخيصه والله حبب وجهي
وبعدها صرت لازم استعمل ماركه معروفه واحمدلله
وبس هذه طريقتي اتمنى تعجبكم
والله ماحلل ولابيح اي مشتركه تنقش الي قلته وتغير الصور يعني لاتغشون ياحلوات
000000000الماهرات